ޖަމްޝީދު-
ޖަމްޝީދު-
ހަބަރު 18 Nov 2026 | 12:16

ޑަބްލިއުއެޗްއޯގެ ސައުތު-އީސްޓް އޭޝިއާ ރީޖަނަލް ޑިރެކްޓަރުގެ މަގާމަށް ރާއްޖެއިން ޑރ. ޖަމްޝީދުގެ ނަން ހުށަހަޅައިފި

ދުނިޔޭގެ ސިއްހަތު ޖަމްއިއްޔާ (ޑަބްލިއުއެޗްއޯ) ގެ ދެކުނު އިރުމަތީ އޭޝިއާ ސަރަހައްދުގެ ރީޖަނަލް ޑިރެކްޓަރުގެ މަގާމަށް، ރާއްޖޭގެ ފަރާތުން ޑރ. އަހުމަދު ޖަމްޝީދު މުހައްމަދުގެ ނަން ހުށަހަޅައިފިއެވެ.

މިނިސްޓްރީ އޮފް ހެލްތުން އެކްސްގައި ކުރި ޕޯސްޓެއްގައި ބުނެފައިވަނީ، ޑަބްލިއުއެޗްއޯގެ ސައުތު-އީސްޓް އޭޝިއާގެ ރީޖަނަލް ޑިރެކްޓަރުގެ މަގާމަށް ރާއްޖޭގެ ކެންޑިޑޭޓެއްގެ ގޮތުގައި ޑރ. އަހުމަދު ޖަމްޝީދުގެ ނަން އިއުލާނު ކުރަނީ އުފަލާއެކު ކަމަށެވެ.

އަދި މިއީ ސަރަހައްދީ ފެންވަރުގައި ސިއްހީ ލީޑަޝިޕާއި އެއްބާރުލުން ދިނުމުގައި ރާއްޖެއިން ކުރިއަށްއެޅި މުހިންމު ފިޔަވަޅެއް ކަމަށް ވެސް މިނިސްޓްރީން ފާހަގަކޮށްފައިވެއެވެ.

ޑރ. ޖަމްޝީދަކީ ސިއްހީ ދާއިރާގެ އިސް މަގާމުތަކާއި ސިއްހީ ޑިޕްލޮމަސީގައި ގިނަ އަހަރުތަކެއް ވަންދެން އަގުހުރި ހިދުމަތްތަކެއް ކުރައްވާފައިވާ ތަޖުރިބާކާރު ބޭފުޅެކެވެ.

އެގޮތުން، މިހާރު ޑަބްލިއުއެޗްއޯއިން ބަންގްލަދޭޝްއަށް ކަނޑައަޅާފައި ހުންނަވާ މަންދޫބުގެ ޒިންމާ އަދާކުރައްވަމުން ގެންދަވާ ޑރ. ޖަމްޝީދު ވަނީ މީގެކުރިން އުތުރު ކޮރެއާގައި ހުންނަވާ އެ ޖަމްއިއްޔާގެ މަންދޫބުގެ މަގާމު ވެސް ފުރުއްވާފައެވެ.

ތައުލީމީ ގޮތުން ބަލާއިރު، ޑރ. ޖަމްޝީދު ފުރަތަމަ ޑިގްރީ (އެމްބީބީއެސް) ފުރިހަމަކުރެއްވީ އަވަށްޓެހި އިންޑިއާގެ މަޝްހޫރު އިންދިރާ ގާންދީ މެޑިކަލް ކޮލެޖުންނެވެ. އޭގެފަހުން އޭނާ ވަނީ އިނގިރޭސިވިލާތުގެ ލަންޑަން ސްކޫލް އޮފް ހައިޖީން އެންޑް ޓްރޮޕިކަލް މެޑިސިން އިން ޕަބްލިކް ހެލްތުގެ ދާއިރާއިން މާސްޓާސް ޑިގްރީ ހާސިލުކުރައްވާފައެވެ.

ޑަބްލިއުއެޗްއޯގެ ސައުތު-އީސްޓް އޭޝިއާ ސަރަހައްދަށް އާ ރީޖަނަލް ޑިރެކްޓަރަކު އައްޔަންކުރުމަށްޓަކައި، ކެންޑިޑޭޓަކު ނޮމިނޭޓު ކުރުމުގެ ބައްދަލުވުން އޮންނާނީ އަންނަ ޖެނުއަރީ މަހު ބާއްވާ ރީޖަނަލް ކޮމިޓީގައެވެ. އަދި މި މަގާމަށް ބޭފުޅަކު ރަސްމީކޮށް ހަމަޖައްސާނީ، އެ ކޮމިޓީގެ ހުށަހެޅުމާ އެއްގޮތްވާ ގޮތުގެ މަތިން، 25 ޖެނުއަރީން 2 ފެބްރުއަރީއަށް ސްވިޒަލެންޑުގެ ޖެނީވާގައި ކުރިއަށްދާ ޑަބްލިއުއެޗްއޯގެ އެގްޒެކެޓިވް ބޯޑުގެ 160 ވަނަ ސެޝަންގައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އެޗްޑީސީގެ ފާއިތުވި ތިން އަހަރު؛ ބޯހިޔާވަހިކަމާއި ބިން ހިއްކުމާއި ކުލި ކުޑަކުރުމުގެ ބޮޑެތި މަސައްކަތްތަކެއް
18 Nov 2026 ހަބަރު

އެޗްޑީސީގެ ފާއިތުވި ތިން އަހަރު؛ ބޯހިޔާވަހިކަމާއި ބިން ހިއްކުމާއި ކުލި ކުޑަކުރުމުގެ ބޮޑެތި މަސައްކަތްތަކެއް

އެޗްޑީސީން ފާއިތުވި ތިން އަހަރު 3,960 ހައުސިންގ ޔުނިޓް ބިނާކުރުމުގެ އެއްބަސްވުންތަކުގައި ސޮއިކޮށް، ހިޔާ އާއި ވިނަރެސް ކުލި ކުޑަކޮށް، ރަސްމާލެ ހިމެނޭހެން 713 ހެކްޓަރަށް ވުރެ ބޮޑު ސަރަޙައްދެއް ހިއްކައިފިއެވެ.

ސުޕްރީމް ކޯޓުގެ ފަނޑިޔާރުކަމަށް ޢަލީ ސަމީރުގެ ނަން މަޖިލީހަށް ފޮނުވައިފި
18 Nov 2026 ހަބަރު

ސުޕްރީމް ކޯޓުގެ ފަނޑިޔާރުކަމަށް ޢަލީ ސަމީރުގެ ނަން މަޖިލީހަށް ފޮނުވައިފި

ސުޕްރީމް ކޯޓުގެ ފަނޑިޔާރު ޢަލީ ރަޝީދު ރިޓަޔާކުރައްވާތީ ހުސްވާ މަގާމަށް ހައި ކޯޓުގެ ކުރީގެ ފަނޑިޔާރު ޢަލީ ސަމީރު ޢައްޔަންކުރުމަށް ޖޭއެސްސީގެ ލަފާގެ މަތިން ރައީސް މަޖިލީހަށް ހުށަހަޅުއްވައިފިއެވެ.

ދައުލަތަށް ޚިދުމަތް ކުރުމުގެ އިނާމު 56 ބޭފުޅަކަށް އަދި ޚާއްޞަ އިނާމު 57 ބޭފުޅަކަށް ދޭން ނިންމައިފި
18 Nov 2026 ހަބަރު

ދައުލަތަށް ޚިދުމަތް ކުރުމުގެ އިނާމު 56 ބޭފުޅަކަށް އަދި ޚާއްޞަ އިނާމު 57 ބޭފުޅަކަށް ދޭން ނިންމައިފި

ޖުމްހޫރީ ދުވަހުގެ ރަސްމީ ޖަލްސާގައި ދައުލަތަށް ޚިދުމަތް ކުރުމުގެ އިނާމު 56 ބޭފުޅަކަށް އަދި މަތީ ދަރަޖައިގެ ޚާއްޞަ އިނާމު 57 ބޭފުޅަކަށް ދެއްވުމަށް ވަނީ ނިންމަވައިފައެވެ.

އާއްމުންނަށް އުނދަގޫކުރާ ފައިރިޝް ޝަރީޢަތް ނިމެންދެން ބަންދުކުރަން ކޯޓުން އަމުރުކޮށްފި
18 Nov 2026 ހަބަރު

އާއްމުންނަށް އުނދަގޫކުރާ ފައިރިޝް ޝަރީޢަތް ނިމެންދެން ބަންދުކުރަން ކޯޓުން އަމުރުކޮށްފި

މީހުންނަށް އުނދަގޫކުރާ މައްސަލައިގައި ހައްޔަރުކޮށް ފަރުވާއަށް ފޮނުވާފައި ހުއްޓައި ފިލި ފައިރިޝް، ޝަރީޢަތް ނިމެންދެން ބަންދުގައި ބެހެއްޓުމަށް ކްރިމިނަލް ކޯޓުން މިއަދު އަމުރުކޮށްފިއެވެ.

ދީނާ މިނިވަންކަމާ ބުރޫއަރާނެ އެއްވެސް އިންވެސްޓްމަންޓެއް ރާއްޖޭގައި ނުހިންގާނޭ: ރައީސް
17 Nov 2026 ހަބަރު

ދީނާ މިނިވަންކަމާ ބުރޫއަރާނެ އެއްވެސް އިންވެސްޓްމަންޓެއް ރާއްޖޭގައި ނުހިންގާނޭ: ރައީސް

އަދި، އެކަންކަމުގައި ޝައްކު އުފައްދާ، ނުރަނގަޅު ތަޞައްވުރެއް ރައްޔިތުންގެ މެދުގައި އުފެއްދުމަށް މަސައްކަތްކުރާ ފަރާތްތަކުން އެކަންކުރަނީ އިޚްލާޞްތެރި ނިޔަތެއްގައި ނޫން ކަމަށާއި އެކަން ރައްޔިތުން ބަލައިނުގަންނަ ކަމަށްވެސް އެމަނިކުފާނު ވިދާޅުވި އެވެ.

ރާއްޖޭގައި ހަކުރުބަލީގެ އާބާދީ 7،000 އަރައިފި
14 Nov 2026 ހަބަރު

ރާއްޖޭގައި ހަކުރުބަލީގެ އާބާދީ 7،000 އަރައިފި

މި ދުވަހާ ގުޅިގެން އެ އިދާރާއިން ނެރުނު ބަޔާނުގައި ވަނީ، ގައިންގަޔަށް ނާރާ ބަލިތަކަކީ ރާއްޖޭގެ ސިއްހީ ނިޒާމަށް ކުރިމަތިވެފައިވާ ބޮޑު ގޮންޖެހުމެއްކަން ފާހަގަކޮށްފައެވެ. އަދި މި ބަލި ރާއްޖޭގައި މިހާރު އޮތް ހާލަތު ވަނީ ސާފްކޮށް ބަޔާންކޮށްދީފައެވެ.

ތެލެސީމިއާ ކެރިއަރ ޑިޖިޓަލް ކާޑު ތައާރަފުކޮށްފި
10 Nov 2026 ހަބަރު

ތެލެސީމިއާ ކެރިއަރ ޑިޖިޓަލް ކާޑު ތައާރަފުކޮށްފި

މޯލްޑިވްސް ބްލަޑް ސާވިސަސްއިން ތައާރަފުކުރި މި ކާޑާއެކު، މީގެކުރިން ބޭނުންކުރަމުން އައި ޕްރިންޓް ކާޑުތައް ހުއްޓުމަކަށް އައިސް، މުޅިން އާ ޑިޖިޓަލް ނިޒާމަކަށް ބަދަލުވެގެންދާނެއެވެ.

ނަފްސާނީ ދުޅަހެޔޮކަން މަތީ ދެމިތިބުމަށް މަސައްކަތް ކުރުމަކީ ކޮންމެ ފަރުދެއްގެ ވެސް ޒިންމާއެއް: މިނިސްޓަރ ޤީލާ
05 Nov 2026 ހަބަރު

ނަފްސާނީ ދުޅަހެޔޮކަން މަތީ ދެމިތިބުމަށް މަސައްކަތް ކުރުމަކީ ކޮންމެ ފަރުދެއްގެ ވެސް ޒިންމާއެއް: މިނިސްޓަރ ޤީލާ

މިއަދު ފެށިގެންދިޔަ މި އެކްސްޕޯގެ މައިގަނޑު މަޤްޞަދަކީ ސިއްހީ އަދި އިޖުތިމާއީ ހިދުމަތްތަކާ ގުޅޭ ގޮތުން އާންމު ރައްޔިތުންނަށް މައުލޫމާތު ފޯރުކޮށްދިނުމާއި، މި ދާއިރާތަކުގައި މަސައްކަތްކުރާ ފަރާތްތަކުން ދޭ ހިދުމަތްތައް ދައްކާލުމެވެ. އަދި ދުޅަހެޔޮ ސިއްހަތެއްގައި ދެމިތިބުމަށް ބޭނުންވާ މައުލޫމާތާއި އެހީތެރިކަން ފޯރުކޮށްދީ، އިޖުތިމާއީ ގޮތުން ބަދަހި މުޖުތަމައެއް ގާއިމު ކުރުމަށް ބާރުއެޅުމަކީ ވެސް މި އެކްސްޕޯގެ މުހިންމު ބޭނުމެކެވެ.