މަޝްވަރާ ތަކަށް ޕާކިސްޠާނުގެ ވަފުދު ކާބުލް އަށް
ޕާކިސްތާނާއި އަފްޣާނިސްޠާނާއި ދެ ގައުމުގެ ސަރުކާރުގެ ދެމެދުގައި އުފެދިފައި ހުރި ނުތަނަސްވުން ތަކާއި މެދު މަޝްވަރާ ކުރުމަސް ޕާކިސްތާނުގެ ވަފުދެއް އަފްޣާނިސްތާނުގެ ކާބުލް އަށް ހިނގައްޖެއެވެ.
ޕާކިސްތާނުގެ ޑިފެންސް މިނިސްޓަރ ޚަވާޖާ އާސިފް ލީޑް ކުރައްވާ މި ވަފުދުން މަޝްވަރާ ކުރުމަށް ހަމަޖެހިފައިވަނީ ދެގައުމުގެ ސެކިޔުރިޓީގެ މައްސަލަތަކާއި، ކައުންޓަރ ޓެރަރިޒަމް އާއި ގުޅޭ މައްސަލަތަކާއި މެދު މަޝްވަރާ ކުރައްވާނެ ކަމަށް ޕާކިސްތާނުގެ ފޮރިންގ އޮފީހުން ވަނީ ކަށަވަރުކޮށްދީފައެވެ.
ޕާކިސްތާނުގެ ޑިފެންސް މިނިސްޓަރ ލީޑް ކުރައްވާ މި ވަފުދުން މިހާރު ވަނީ އަފްޣާނިސްތާނުގެ އިކޮނޮމިކް މިނިސްޓަރ މުއްލާ އަބްދުލްޣަނީ ބަރާދަރް އާއި ބައްދަލުކުރައްވާފައެވެ.
މިއީ ފާއިތުވި އަހަރުގެ ނޮވެމްބަރ މަހު ދެޤައުމުގެ އިސްވެރިން ގެ މެދުގައި ބޭއްވުނު މަޝްވަރާ ތަކަށްފަހު ބޭއްވޭ ފުރަތަމަ ބައްދަލުވުމެވެ.
އަފްޣާނިސްތާނުގެ ބޮޑުވަޒީރުގެ ނައިބު ވިދާޅުވީ ވިޔަފާރީގެ ކަންކަމުގައި ގުޅުން ބަދަހި ކުރުމާއި، ދެގައުމުގެ ދެމެދުގައި ވާ ގުޅުމާއި ދެޤައުމު ހިއްސާވާ އެކިއެކި ކަންކަމާއި މއދު މަޝްވަރާ ކުރެވުނު ކަމަށެވެ.
"ޕާކިސްތާނާއި އަފްޣާނިސްތާނަކީ އަވައްޓެރި ދެގައުމު، އެހެންވީމަ އެއްބައިވަންތަކަން އޮންނަންވާނެ، އަފްޣާނިސްތާނުގެ ދައުލަތުން ޕާކިސްތާނާއި އެކުވެސް، ޙާއްސަ އިސްކަމެއް ދޭނެ ވިޔަފާރި އާއި އިޤްތިސާދާއި ގުޅުންހުރި ކަންކަން ތަރައްޤީކުރަން، ދެޤައުމަށް ވެސް އެކަންކަމުން ފައިދާ ވާނެ ކަންކަން ކުރަން" އަފްޣާނިސްތާނުގެ އިކޮނޮމިކް މިނިސްޓަރ ބައްދަލު ކުރެއްވުމަށް ފަހު ވިދާޅުވެފައިވެއެވެ.
ޠާލިބާނުންގެ ލީޑާރ ވިދާޅުވެފައިވަނީ ދެގައުމުގެ ދެމެދުގައި އޮތް ސެކިޔުރިޓީ މައްސަލަ ތަކާއި ސިޔާސީ މައްސަލަ ސަބަބުން އިޤްތިސާދީ ކަންކަމަށް ބުރުއަރައިގެން ނުވާނެ ކަމަށެވެ. އަދި ޕާކިސްތާނުގެ ޑިޓެންޝަން ސެންޓަރު ތަކުގައި ހިފެހެއްޓިފައި ތިބި އަފްޣާން ރައްޔިތުން ދޫކޮށްލުމަށްވެސް އޭނާ ވަނީ ގޮވާލައިފައެވެ.
އަދި ދާދިފަހުން ފަހުން ބަންދުކުރި ތޮރްޚަމް ބޯޑަރު ހުރަސްކުރަން ޖެހޭ އެމެޖެންސީ ހާލަތުގައި ތިބޭ ޕޭޝަންޓުންނަށް ޓަކައި ޚާއްސަ އިންތިޒާމް ހަމަޖައްސަން ޖެހޭ ކަމަށް މުއްލާ އަބްދުލްޣަނީ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
