މުޙައްމަދު ރަޝީދު މަޖިލީހުގައި ވާހަކަދައްކަވަނީ/ ފޮޓޯ: މަޖިލިސް
މުޙައްމަދު ރަޝީދު މަޖިލީހުގައި ވާހަކަދައްކަވަނީ/ ފޮޓޯ: މަޖިލިސް
ހަބަރު 22 Mar 2023 | 18:04

މި ދައުރު ނިމޭއިރު ސަރުކާރު ކުންފުނިތަކުގެ ވެރިން ތިބޭނީ ޖަލުގައި: މުޙައްމަދު ރަޝީދު

އެމްޑީޕީ އިސްވެ އޮވެ ހިންގާ ކޯލިޝަން ސަރުކާރުގެ މި ދައުރު ނިމޭއިރު މިހާރު ސަރުކާރު ކުންފުނިތަކުގެ އިސްވެރިންގެ ގޮތުގައި ތިއްބެވި ބޭބޭފުޅުން ތިއްބަވާނީ ޖަލުގައި ކަމަށް މަޖިލީހުގެ މައްޗަށްގޯޅި އުތުރު ދާއިރާގެ މެމްބަރު މުޙައްމަދު ރަޝީދު ވިދާޅުވެއްޖެ އެވެ.

މުޙައްމަދު ރަޝީދު މިފަދައިން ވިދާޅުވެފައިވަނީ ހުޅުދޫ ދާއިރާގެ މެމްބަރު އިލިޔާސް ލަބީބު ހުށައަޅުއްވާފައިވާ ސަރުކާރު ހިއްސާވާ ކުންފުނިތައް އުފެއްދުމާއި، އުވާލުމާއި އަދި ރެގިއުލޭޓުކޮށް މޮނިޓާކުރެވޭނެ ޤާނޫނެއް އެކުލަވާލުމަށް އެދި ގޮވާލާ ޤަރާރަށް މިއަދުގެ ޖަލްސާގައި ބަހުސްކުރައްވަމުން ނެވެ.

އެ ޤަރާރަކީ މުޙިންމު ޤަރާރެއްކަން ފާހަގަކުރައްވާ މުހައްމަދު ރަޝީދު ވިދާޅުވީ ކުންފުނިތަކުގެ ޤާބިލުކަން ނެތް ވަރުން ކުންފުނިތައް ހިންގަމުންދަނީ އެ ކުންފުނިތަކުގައި ތިއްބެވި އިސް ފަރާތްތައް މަޤާމުތަކުގައި ތިބުމަށް ކަމަށެވެ.

ސަރުކާރު ކުންފުނިތަކުން ހިންގާ ކޮރަަޕްޝަންގެ ބައެއް އަމަލުތަކަށް ވެސް މުހައްމަދު ރަޝީދުގެ ވާހަކައިގައި ވަނީ އަލުއަޅުވާލައްވާފަ އެވެ.

"މިފަހަރު ފެނިގެން މި ދިޔައީ އެމްއާރުޑީސީ ކިޔާ ކުންފުންޏެއް އޮއްވާ އޭގެ ފުދޭވަރަކަށް ގިނަ ވެހިކަލްތަކާއި ވަރަށް ބޮޑު ފްލީޓެއް އޮއްވާ އެ ކުންފުނި އޮވެފަ، އާރުޑީސީއެއް އުފެދިފަ އެ ވެހިކަލްތައް މިހާރު ވީ ހިސާބެއްވެސް ނޭނގޭ. އަޅުގަނޑުމެންނަށް ބައެއް ފަހަރު އިވޭ އެމްޓީސީސީއަށް ކުއްޔަށް ދީފައި އެނަމުގައި ހުރިތަން. އެމްއާރުޑީސީގެ ހުރި ވެހިކަލްތައް އާރުޑީސީއަށް ބަދަލުވުމުގެ ތެރޭގައި އެ ވެހިކަލްތައް ގޮއްސަހުރި ހިސާބެއް ނޭނގޭ. އެމްޓީސީސީއަށް ކުއްޔަށް ދީފަ ހުރިކަމަށް އެބަ ތުހުމަތުކުރޭ"

މައްޗަށްގޯޅި އުތުރު ދާއިރާގެ މެމްބަރު މުޙައްމަދު ރަޝީދު

މުހައްމަދު ރަޝީދު ވިދާޅުވީ ކުންފުނިތަކުގެ ދަރަނި އިންތިހާއަށް އިތުރުކޮށް ކުންފުނިތައް މެދުވެރިކޮށް ކޮރަޕްޝަންގެ ބޮޑެތި އަމަލުތައް ކުންފުނިތައް ހިންގުމާއި ހަވާލުވެ ތިއްބެވި ބޭފުޅުން ހިންގަމުންދާ ކަމަށެވެ.

އެގޮތުން ސަރުކާރު ކުންފުނިތަކުގެ ގޮފިތައް އެކި ސަރަހައްދުތަކުގައި ހުޅުވާ ކުންފުނީގެ ގާބިލްކަން ތަންނުދޭ މިންވަރުން ހިންގަމުންދާކަން އޭނާ ފާހަގަކުރެއްވި އެވެ.

"ދެން ފެނަކަ! ބައެއް ބޭފުޅުން ވިދާޅުވަނީ އެސްއޯއީތަކުން ފައިދާވާކަށް ނުޖެހެޔޭ. ފައިދާވާން ނުޖެހުނަސް ދަރާކަށް ނުޖެހޭ. ދަރަނިވެރިވާކަށް ނުޖެހޭ. ކޮންމެ ރަށެއްގައި ސްޓޭޝަނެއް އިންނަން އެބަ ޖެހޭ. ގެއެއް އިންނަން ޖެހޭ ނޫނިއްޔާ ހަޓެއް އިންނަން ޖެހޭ. ކޮންމެސް އެއްޗެއް އިންނަން ޖެހޭ.. އިންނަން ޖެހޭ ސަބަބެއް ނެތް ލާރި ނުލިބެންޏަކާ. މަސައްކަތް ކުރާ މީހުންނަށް ފައިސާ ނުދެންޏާ އުޖޫރަ ނުދެންޏާ އެކަން ކުރުވާނެ ކަމެއް ނެތް. ނެތް އެއްޗަކުން ކަން ކުރަނީ ކީއްކުރަންތޯ؟ މިހާރުވެސް ބަނގުރޫޓުވެފަ ކުންފުނި"

މައްޗަށްގޯޅި އުތުރު ދާއިރާގެ މެމްބަރު މުޙައްމަދު ރަޝީދު

ސަރުކާރު ކުންފުނިތައް ކޮރަޕްޝަންގެ ހާއްޔަކަށް ބަދަލުވަމުންދާކަން ފާހަގަކުރައްވާ މުހައްމަދު ރަޝީދު ވިދާޅުވީ ކުންފުނިތަކުން ކޮރަޕްޝަން ހިންގުމަށް ހުޅުވާލާފައި ބާއްވަނީ ދެވަނަ ދައުރެއް ހޯދުމަށް ކަމަށެވެ. އަދި ކުންފުނިތަކުގެ އިސްވެރިން އެ މަޤާމުތަކުގައި ދެމިތިބުމަށް ކަމަށެވެ.

އެހެން ނަމަވެސް، އެ ފުރުސަތު އެ ފަރާތްތަކަށް ނުދެއްވާނެ ކަަމަށާއި މި ދައުރު ނިމޭއިރު މިހާރު ސަރުކާރު ކުންފުނިތަކުގައި ތިއްބަވާ ހުރިހާ އެންމެން ތިއްބަވާނީ ޖަލުގައިކަމަށް މެމްބަރު މުހައްމަދު ރަޝީދު ވަނީ ވިދާޅުވެފައެވެ.

"ކޮރަޕްޝަންގެ މައްސަލަތައް ބެލުމަށް މަޖިލީހުން ކުރަމުންދިޔަ އެތައް މަސައްކަތެއްވެސް ހުއްޓިފަ މި ހުރީ މި އެސްއޯއީތަކުގައި ތިބި ވެރިންގެ ބާރުވެރިކަމާ، އެބޭފުޅުން ދެވަނަ ދައުރަކަށް ތިބެންވެގެން މިތާކުރި މަސައްކަތްތަކާއި މިހިރި މަސައްކަތްތަކުގެ ސަބަބުން މިހާރުވެސް އަޅުގަނޑުމެންނަށް މި އުޅެނީ ކަރަޕްޝަންގެ މައްސަލަތައް ނުބެލިގެން. އިރާދަކުރެއްވިއްޔާ އަޅުގަނޑުމެން ނުދޭނަން އެސްއޯއީތަކުގައި ތިބި ވެރިންނަށް ދެވަނަ ދައުރެއްގެ ފުރުސަތެއް. މި ދައުރު ނިމޭއިރު އެބޭފުޅުން ތިބޭނީ އިރާދަކުރެއްވިއްޔާ ޖަލުގައި"

މައްޗަށްގޯޅި އުތުރު ދާއިރާގެ މެމްބަރު މުޙައްމަދު ރަޝީދު

ސަރުކާރުގެ ކުންފުނިތަކުގެ ކޮރަޕްޝަން ހުއްޓުވާ ކުންފުނިތައް ހަމަމަގަށް އެޅުމަށް އިލިޔާސް ލަބީބުގެ ޤަރާރާއި އެއްގޮތަށް އަމަލުކުރަން ޖެހޭކަމަށް މެމްބަރު މުހައްމަދު ރަޝީދު ވިދާޅުވިއެވެ. އަދި އެކަން ކުރަންވީ ސަރުކާރުން އިސްނަގައިގެންކަން ވެސް އޭނާ ފާހަގަކުރެއްވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.