ފަލަސްތީނަށް އެހީވުމާއީ ގުޅޭގޮތުން އުރްދުޣާން އާއި ޑރ މުއިއްޒު މަޝްވަރާ ކުރައްވާފައިފި
އަނިޔާވެރި ޔަހޫދީ އިޒްރާއީލުގެ ލާއިންސާނީ ހަމަލާތަކުގެ ސަބަބުން ހާލުގައި ޖެހިފައިވާ ފަލަސްތީނުގެ މުސްލިމުންގެ ހާލަތާއި ގުޅޭގޮތުން ތުރުކީގެ ރައީސް އުރްދުޣާން އަދި ދިވެހިރާއްޖޭގެ އިންތިޚާބީ ރައީސް ޑރ މުއިއްޒު ފޯނުން ގުޅުއްވައި މަޝްވަރާ ކުރައްވައިފިއެވެ.
ޓީއާރޓީ ވޯލްޑް ނޫހުން ކޮށްފައިވާ ޓުވީޓެއްގައި ބުނެފައިވާގޮތުން މި ދެ ބޭފުޅުން ވަނީ ފޯނުން ގުޅުއްވައި ހާލުގައި ޖެހިފައިވާ ފަލަސްތީނުގެ މުސްލިމުންނާއި އިޒުރޭލުގެ ސިފައިންނާއި އިދިކޮޅަށް ހަނގުރާމަ ކުރަމުންދާ މުޖާހިދުންގެ މަސައްކަތަކަށް ލިބެމުންދާ ކުރިއެރުންތަކާއި ގުޅޭގޮތުން މަޝްވަރާ ކުރައްވައިފަ ކަމަށެވެ.
މީގެ އިތުރުން މި ފޯނުކޯލު ގައި އުރްދުޣާން ވަނީ ފަލަސްޠީނަށް އަމާންކަން ހޯދައިދީ އެ ގައުމުގެ ރައްޔިތުންނަށް ބޭނުންވާ އިންސާނީ އެހީތައް ފޯރުކޮށްދިނުމުގައި ތުރުކީން އެންމެ ފުރިހަމައަށް މަސައްކަތް ކުރަމުން ގެންދާނެ ކަމުގެ ޔަގީންކަން އަރުވައިފައިކަމަށް އެ ޓުވީޓުގައި ބުނެފައިވެއެވެ.
އިޒްރާއިލްގެ ޔަހޫދީން މިހާރު ދަނީ އިންޒާރު ދިނުމެއްނެތި ފަލަސްޠީނުގެ ޢާންމުން ދިރިއުޅޭ ގެތަކަށް އެއްވެސް ހަމައެއް ނެތި ބޮމުގެ ހަމަލާތައް ދެމުންކަމަށް ބައިނަލް އަޤްވާމީ ބައެއް މީޑިއާތަކުން ދަނީ ބުނަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
