އިމާރާތްތަކުގައި ހުޅުޖަހާ ފިހާރަތައް ލޫޓްވާން ގޮވާލި މައްސަލާގައި ޑެތް ހައްޔަރުކޮށްފި
އިމާރާތްތަކާއި ވެހިކަލްތަކުގައި ހުޅުޖަހާ އިހްތިޖާޖުކޮށް ފިހާރަތައް ލޫޓްވާން ގޮވާލި މީހާ ހައްޔަރުކޮށްފި އެވެ.
ސޯޝަލް މީޑިއާގައި އެކަމަށް ގޮވާލާ ޕޯސްޓެއް ކުރީ މީގެ ކުރީން އެމްޑީޕީގެ ހަރަކާތަކުން ފާހަގަވި މީހެކެވެ. ޑެތްގެ ނަމުން އާންމުންގެ ތެރޭގައި އޭނާ މަޝްހޫރުވެފައިވާއިރު އޭނާ ވަނީ 100 އަހަރަށް ބިންތައް ކުއްޔަށްދޭތީ އެކަމާއި ގުޅޭގޮތުން ޕޯސްޓެއް ކޮށްފަ އެވެ.
އެ ޕޯސްޓްގައި ވަނީ އެކަމާ ދެކޮޅު ހެދުމުގެ ގޮތުން އިހްތިޖާޖު ކުރުމާއި އިމާރާތްތަކާއި ވެހިކަލްތަކުގައި ހުޅުޖަހަން ގޮވާލާފަ އެވެ. އަދި ރާއްޖޭގެ އެންމެ މަޝްހޫރު އެއް ފިހާރައިގެ ނަން ފާހަަގަކޮށް ފިހާރަތައް ލޫޓްވަން ހިތްވަރު ދީފައިވެ އެވެ.
އޭނާ މިއަދު ވަނީ ހައްޔަރުކޮށްފަ އެވެ. ފުލުހުން އޭނާ ހައްޔަރުކުރީ ކޯޓް އަމުރެއް ހޯދައިގެންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
