ފަސް މިލިއަން ގަސް އިންދުމުގެ މަޝްރޫއު: 2.4 މިލިއަން ގަސް އިންދައިފި
"5 މިލިއަން ގަސް އިންދުމުގެ މަޝްރޫޢު"ގެ ދަށުން، މިހާތަނަށް 2.4 މިލިއަނަށް ވުރެ ގިނަ ގަސް އިންދައި، ކަނޑައެޅިފައިވާ ލަނޑުދަނޑީގެ މުހިންމު ބައެއް ހާސިލުކޮށްފި އެވެ.
މި މަޝްރޫޢާ ގުޅޭގޮތުން އާންމުކޮށްފައިވާ އެންމެ ފަހުގެ ހިސާބުތައް ދައްކާގޮތުން، ރާއްޖޭގެ އެކި ކަންކޮޅުތަކުގައި މިހާތަނަށް ޖުމްލަ 2,463,339 ގަސް ވަނީ އިންދާފަ އެވެ. މިއީ ސަރުކާރުން އަމާޒު ހިފާފައިވާ ފަސް މިލިއަން ގަހުގެ ނިސްބަތުން ބަލާއިރު 49.3 އިންސައްތަ އެވެ.
ތިމާވެށި ހިމާޔަތްކުރުމަށާއި، މޫސުމީ ބަދަލުތަކުން އަރައިގަތުމަށް ބާރުއެޅުމުގެ ގޮތުން ކުރިއަށްގެންދާ މި ބިޔަ މަޝްރޫޢުގައި ސަރުކާރުގެ ވުޒާރާތަކާއި، މުއައްސަސާތަކުގެ އިތުރުން އަމިއްލަ ކުންފުނިތަކާއި ޖަމްޢިއްޔާތަކުން ވެސް ދަނީ ފުޅާ ދާއިރާއެއްގައި ބައިވެރިވަމުންނެވެ. އެގޮތުން އެކި ދާއިރާތަކުން ގިނަ އަދަދެއްގެ ގަސް އިންދުމަށް ވައުދުވެ، އެ ވައުދުތައް ފުއްދުމުގައި ފާހަގަކޮށްލެވޭ ކާމިޔާބީތަކެއް ދަނީ ހޯދަމުންނެވެ.
މި މަޝްރޫޢުގެ ދަށުން އެންމެ ގިނައިން ގަސް އިންދުމަށް ވައުދުވި ފަރާތްތަކާއި، ދާއިރާތަކުގެ ތެރެއިން އެންމެ ކުރީގައި އުޅޭ ޗެމްޕިއަނުންގެ މަސައްކަތްތައް ހިމެނޭ ތަފާސްހިސާބުތައް ވެސް މިހާރު ވަނީ އާންމުކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
