އަލީ ސޯލިހުއަށް ހަމަލާ ދިން މީހާ އެޗްޑީސީގެ ވަޒީފާއިން ސަސްޕެންޑުކޮށްފި
އެންވަޔަރަމަންޓު މިނިސްޓްރީގެ ސްޓޭޓް މިނިސްޓަރު އަދި ޖުމްހޫރީ ޕާޓީގެ ތަރުޖަމާނު އަލީ ސޯލިހުއަށް ތޫނު އެއްޗަކުން ހަމަލާދިން މީހާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ވަޒީފާއިން ސަސްޕެންޑްކޮށްފިއެވެ.
އަލީ ސޯލިހުއަށް ތޫނު އެއްޗަކުން ހުޅުމާލޭގައި ހަމަލާދީފައިވަނީ އެޗްޑީސީގެ ސަޕޯޓު ސްޓާފެކެވެ. އޭނާ އަކީ ވަޒީފާގެ ޕްރޮބޭޝަންވެސް ހަމަނުވާ މުވައްޒަފެއްކަމަށް އެޗްޑީސީއިން ވަނީ މައުލޫމާތު ދީފައެވެ. އަދި އަލީ ސޯލިހުއަށް ހަމަލާދިން މައްސަލައާއި ގުޅިގެން އޭނާ ސަސްޕެންޑުކޮށްފައިވާކަންވެސް އެޗްޑީސީއިން ހާމަކޮށްފައިވެއެވެ. އޭގެއިތުރުން ވަރަށް އަވަހަށް އޭނާ ވަޒީފާއިން ވަކިކުރާނެކަމަށް އެޗްޑީސީގެ އޮފިޝަލަކާއި ހަވާލާދީ ބައެއް ނޫސްތަކުން ވަނީ ރިޕޯޓުކޮށްފައެވެ.
އަލީ ސޯލިހުއަށް އަމަލާދިނުމުގެ ކުރިން އޭނާ ވަނީ އެޗްޑީސީގެ ސައިޓަކަށް ވަދެ އެތަނުގައި ތިބި މުވައްޒަފުންނަށްވެސް ބިރުދައްކާ އިންޒާރުދީފައެވެ. އަދި އަޑުގަދަކޮށް ނުބައިއެއްޗެހި ގޮވާފައެވެ. އޭނާގެ ފަރާތުން އެތައް ބަޔަކަށް އުނދަގޫތައް ކުރިމަތިވަމުން އަންނަކަން ހާމަވެފައިވާއުރު، އޭނާ މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
މީގެ ކުރިންވެސް ހަމަލާދިން މީހާ ފުލުހުންގެ ބެލުމުގެ ދަށަށް ގެންދިޔައެވެ. އެފަހަރު އޭނާ ފުލުހުންގެ ބެލުމުގެ ދަށަށް ގެންދިޔައީ ސަލްމާނު މިސްކިތުގެ މިންބަރަށް އަރާ ޚުތުބާ ދީ، އިސްލާމްދީނާއިމިސްކިތުގެ ހުރުމަތް ކެނޑުމަށް މަސައްކަތްކުރުމާއި ގުޅިގެންނެވެ. އެހެން ނަމަވެސް ކުޑަ ވަގުތުކޮޅެއްގެ އެފަހަރުވެސް ފުލުހުން ވަނީ އޭނާ ދޫކޮށްލާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
