ޑރ މުއިއްޒުގެ ވެރިކަމެއްގައި ކުޅުދުއްފުށްޓަށް 2000 ހައުސިން ޔުނިޓް
ޕީޕީއެމް ޕީއެންސީގެ ސަރުކާރެއްގައި ހދ ކުޅުދުއްފުށީގައި 2000 ހައުސިން ޔުނިޓްގެ މަޝްރޫއެއް ހިނގަވާނެކަމުގައި އެ ކޯލިޝަންގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ދެވަނަބުރުގެ ކެމްޕެއިންގައި ރޭ ހދ ކުޅުދުއްފުށީގައި ބޭއްވި ޖަލްސާގައި، ކުޅުދުއްފުށީގެ ރައްޔިތުންނަށް އެންމެ މުހިންމީ ގެދޮރުގެ މައްސަލައަށް ހައްލެއް އައުން ކަން ފާހަގަކުރައްވައި ޑރ މުއިއްޒު ވަނީ ކުޅުދުށްފުށީގައި 2000 ހައުސިންގ ޔުނިޓުގެ ހައުސިން މަޝްރޫއުއެއް ކުރިއަށް ގެންދަވާނެ ކަމަށް ވިދާޅުވެފައެވެ.
ޕްލޭން ކުރެވިގެން އެއަށްބޭނުންވާ އެ ހައުސިންގ ޔުނިޓުތަކަށް ބޭނުންވާ އެންސިލަރީ އެހެން ފެސިލިޓީސް މާނައަކީ ދެން ހުރި ހުރިހާ ޚިދުމަތްތަކެއް ލިބޭ ގޮތަށް ތަރައްގީ ކުރެވި މުޅި ސިޓީއަށް އޭގެ ދިރުން އަންނަ ގޮތަށް އިރާދަކުރެއްވިއްޔާ ގާއިމު ކުރެވިގެންދާ 2000 ހައުސިންގ ޔުނިޓުގެ ހައުސިން މަޝްރޫއުއެއް އަޅުގަނޑުމެން މި ސިޓީގަ ކުރިއަށް ގެންދާނަން
ޑރ މުހައްމަދު މުއިއްޒު
މީގެ އިތުރުން ގޯތިގެދޮރު އިމާރާތް ކުރުމަށްޓަަކައި އެމަނިކުފާނުގެ ސަރުކާރެއްގައި ދޫކުރުމަށް ހަމަޖެހިފައިވާ ލޯނުތަކުގެ ފައިދާ އެ ސިޓީގެ ރައްޔިތުންނަށް ކުރާނެކަމުގައިވެސް ޑރ މުއިއްޒު ވަނީ ވިދާޅުވެފައެވެ.
ހަމަ އެޔާއެކު ޕީޕީއެމް ޕީއެންސީގެ ސަރުކާރެއްގެ ފަސް އަހަރު ނިމޭއިރު ކުޅުދުއްފުށީގެ އެއްވެސް ރައްޔިތަކަށް ގޯއްޗެއް ނެތޭ ނުބުނެވޭވަރަށް އެ މަޝްރޫއު ހިންގަވައިދެއްވާނެކަމުގެ ޔަގީންކަން ރޭގެ ޖަލްސާގައި މުއިއްޒު ވަނީ އަރުވައިފައެވެ.
މީގެއިތުރުން އެ ސިޓީގެ ހުރިހާ މަގެއް ރަނގަޅު ފެންވަރަކަށް ހަދައިދޭނެ ކަމަށް ވެސް މުޢިއްޒު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
