ހުޅުދޫ ދާއިރާގެ މެންބަރު އިލްޔާސް ލަބީބު-- ފޮޓޯ/މަޖިލިސް
ހުޅުދޫ ދާއިރާގެ މެންބަރު އިލްޔާސް ލަބީބު-- ފޮޓޯ/މަޖިލިސް
ހަބަރު 23 Oct 2023 | 11:07

އިންތިގާލީ މަރުހަލާގައި ލިޔެކިޔުންތައް ނައްތާލުމުން ސަރުކާރުން ގޯސްތަކެއް ހަދާފައި ހުރިކަން ޔަގީންވޭ: އިލްޔާސް

އިންތިގާލީ މަރުހަލާގައި ލިޔެކިޔުންތައް ނައްތާލުމުން ސަރުކާރުން ގޯސްތަކެއް ހަދާފައި ހުރިކަން ޔަގީންވެގެންދާކަން ހުޅުދޫ ދާއިރާގެ މެންބަރު އިލްޔާސް ލަބީބު ވިދާޅުވެއްޖެ އެވެ.

އިލްޔާސް މިފަދައިން ވިދާޅުވެފައި ވަނީ، މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ ހުށަހަޅުއްވާފައިވާ، އިންތިޚާބުތަކަށް ސަރުކާރުން ނާޖާއިޒު ނުފޫޒާއި ބާރުފޯރުވަމުންދާތީ، އިންތިޚާބުތައް އިންސާފުވެރިކުރުމަށާއި މިނިވަންކުރުމަށް ވެފައިވާ ވަޢުދާ އެއްގޮތަށް ސަރުކާރުން ކަންކަން ތަންފީޒުކޮށް މަގުފަހިކުރުމަށް ގޮވާލައި ހުށަހަޅާ ޤަރާރަށް މަޖިލީހުގެ ތަޅުމުގައި މިއަދު ވާހަކަދައްކަވަމުންނެވެ.

އިލްޔާސް ވިދާޅުވީ، ސަރުކާރުގެ ބައެއް ކުންފުނިތަކުގައި ހުރި ބައެއް ލިޔެކިޔުންތައް، ތިލަފުށްޓަށް ގެންގޮސް މެށިންގެ އެހީގައި އެއްކޮށް ނައްތާލާފައިވާ ކަމަށް ޚަބަރުތަކުން ފެނިގެން ގޮސްފައިވާ ކަމަށެވެ.

ސަރުކާރުގެ އެއްވެސް ޑޮކިއުމަންޓެއް ޓްރާންސިޝަނަލް ޕީރިއަޑްގައި ނައްތާލުމަކީ ރަނގަޅު ކަމެއް ނޫން. ނައްތާލާައިގެންވެސް ނުވާނެ. އަދި ދެން އަންނަ ސަރުކާރަކުން ބޭނުންވެއްޖެއްޔާ އެ ޑޮކިއުމެންޓް ތައް ފެންނަ ހިސާބުގައި އޮންނަންވެސް ޖެހޭނެ. ސަރުކާރުގައި ހުންނަ ޑޮކިޔުމެންޓް ތަކަކީ، ސަރުކާރު ހިއްސާވާ ކުންފުނިތަކުގައި ހުންނަ ޑޮކިޔުމެންޓް ތަކަކީ އެއީ އަމާނާތްތެރި ކަމާއެކު ރައްކާކުރަންޖެހޭ ތަކެތި.

އިލްޔާސް ލަބީބު

އިލްޔާސް އިތުރަށް ވިދާޅުވީ އިއްޔެވެސް ފިޔުލް ސަޕްލައި ކުންފުނީގެ ލިޔެކިޔުންތަކެއް ކަމަށް ބުނާ ތަކެތި ނައްތާލާ ވީޑިއޯ އެއް އެތަނުގެ މުވައްޒަފެއްގެ ޒަރީއާއިން މީސްމީޑިއާގައި އާއްމުވެފައިވާ ކަމަށެވެ. ނަމަވެސް އެއްވެސް ކުންފުންޏެއްގެ ލިޔެކިޔުންތައް އެފަދައިން ނައްތާލައިގެން ނުވާނެ ކަމަށާ، އެތަކެތި ބަލަން ބޭނުންވާ ފަރާތްތަކަށް އެ ބެލެން ޖެހޭނެ ކަމަށެވެ. އަދި އެފަދައިން ނައްތާލުމުން ސާފުވެގެންދާ ކަމަކީ ސަރުކާރުގެ އެ ކުންފުނިތަކުން ގޯސްތަކެއް ހަދާފައިވާ ކަންކަމަށްވެސް އިލްޔާސް ވިދާޅުވި އެވެ.

މިވަގުތު، ޓްރާންސިޝަނަލް ޕީރިއަޑްގައި އެކަން ކުރަންފެށީމާ، ސާފުވޭ އެބަ، ގަބޫލުކިރެވޭނެ ސަބަބުތަކެއް އެބަހުރި، ކޮންމެވެސް ގޯސްތަކެއް ހަދާފައި އޮތީކަން. އަދި އެ ގޯސްތައް ފޮރުވަން މަސައްކަތް ކުރާކަން. މިއީ އަޅުގަނޑުމެން ގަބޫލު ކުރާ ގޮތެއް ނޫން.

އިލްޔާސް ލަބީބު

އިލްޔާސް ލަބީބު ވިދާޅުވީ، އެއް ސަރުކާރުން އަނެއް ސަރުކާރަށް ބަދަލު ވާއިރު، ކުރީ ސަރުކާރުގެ ކިޔެކިޔުންތައް ހުންނަންޖެހޭނެ ކަމަށާ، އޭގެ އެހީގައި އައު ސަރުކާރަށް ކުންފުނި ހިންގުމުގެ ފުރުސަތު އޮންނަންޖެހޭނެ ކަމަށެވެ. އަދި ސަރުކާރުގެ ސިޔާސީ ނުފޫޒު ސަރުކާރު ހިއްސާވާ ކުންފުނިތަކަށް ވީހާވެސް ކުޑަ ކުރަންޖެހޭ ކަމަށްވެސް އޭނާ ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.