ސަރުކާރާއި ހަވާލުވިއިރު ވެސް ފެނަކައިގެ ދަރަނި ބިލިއަނަކަށް އަރާފައިވާކަމަށް ބުނެ ހަދަނީ ދޮގު: އިލިޔާސް
2018 ވަނަ އަހަރު މޯލްޑިވިއަން ޑިމޮކްރެޓިކް ޕާޓީ (އެމްޑީޕީން) ވެރިކަމާއި ހަވާލުވިއިރު ވެސް ސަރުކާރުގެ ފެން ކުންފުނި ފެނަކައިގެ ދަރަނި 1.2 ބިލިއަނަށް އަރާފައިވާކަމަށް ބުނެ އެ ޕާޓީގެ މެމްބަރުން ހަދަމުންދަނީ އިތުރުފުޅެއް ކަމަށް ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލިޔާސް ލަބީބު ވިދާޅުވެއްޖެ އެވެ.
ސަރުކާރު ކުންފުނިތަކުގެ ދަރަނި ހުރި މިންވަރާއި ގުޅޭގޮތުން ކަންބޮޑުވުން ފާޅުކުރައްވާ ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަދައްކަވަމުން އިލިޔާސް ވިދާޅުވީ ސަރުކާރުގެ ކުންފުނިތަކުގެ ސަރަނި ހުރި މިންވަރު ހާމަވާން ފެށުމުން، އެއީ ސަރުކާރާއި ހަވާލުވިރުވެސް ހުރި ދަރަނިތަކެއްކަން ސިފަކޮށް ބައެއް މެމްބަރުން ވާހަކަދައްކަވަމުންދާ ކަމަށެވެ.
އެގޮތުން ސަރުކާރާއި ހަވާލުވިއިރުވެސް ދަރަނި އެއްބިލިއަނަށްވުރެ މައްޗަށް ގޮސްފައިވާކަމަށް އެމްޑީޕީގެ ބައެއް މެމްބަރުން ވާހަކަދައްކަވަމުންދާ ކަމަށާއި، އެހެން ނަމަވެސް އެއީ ރައްޔިތުންނަށް ހަގީގަތް އޮޅުވާލުމަށްޓަކައި ކަނޑައެޅިގެން ހައްދަވަމުންދާ އިތުރުފުޅުތަކެއް ކަމަށް އިލިޔާސް ވިދާޅުވި އެވެ.
އޭގެ އިތުރުން އިލިޔާސް ވަނީ ރައީސް ޔާމިނުގެ ސަރުކާރު ނިމުނު އިރު ފެނަކައިގެ ދަރަނި ހުރި މިންވަރާއި މިހާރު ދަރަނި އިތުރުވެފައިވާ މިންވަރުގެ ތަފްސީލުތައް ވެސް ހާމަކުރައްވާފަ އެވެ.
"2018 ވަނަ އަހަރު އޮޑިޓާޖެނެރަލް ހައްދަވާފައިވާ އޮޑިޓް ރިޕޯޓު އޮންނާނެ. 679 މިލިއަން ފެނަކައިގެ ދަރަންޏަކީ. 1.2 ބިލިއަން ރުފިޔާ ފެނަކައިގެ ދަރަނި މި ސަރުކާރު ހަވާލުވއިިރު އޮތްކަމަށް ބުނެ އެއީ ކަނޑައެޅިގެން އޮޅުވާލުމަށް ދައްކާ ދޮގު ވާހަކައެއް"
ހުޅުދޫ ދާއިރާގެ މެމްބަރު އިލިޔާސް ލަބީބް
އިލިޔާސް ވިދާޅުވީ ފެނަކައިން ސަރުކާރުގެ އިތުރު ކުންފުނިތަކަށް ވެސް ދަރާފައިވާ ކަމަށެވެ. ފެނަކައިން ލާރިދޭންޖެހޭ ބައެއް ކުންފުނިތައް ވެސް މިހާރު ބަނގުރޫޓުވެފައިވާކަމަށް އިލިޔާސް ވިދާޅުވި އެވެ.
އޭގެ އިތުރުން އިލިޔާސް ވިދާޅުވީ ފެނަކައިގެ ދަރަނިތައް ކުޑަކޮށް، މީހުންނަށް ދޭން ޖެހޭ ފައިސާ ދިނުމުގެ ބަދަލުގައި، އެމީހުން ޚަރަދުކުރަމުންދަނީ ވަކި ކުންފުނިތަކަކަށް ކަން ވެސް ފާހަގަކުރެވިފައިވާ ކަމަށެވެ. މުޅި ކުންފުނި ބޭނުން ކުރެވެމުންދަނީ ވަކި ބަޔަކަށް މަންފާ ހޯދައިދޭ ތަނެއްގެ ގޮތުގައި ކަން ފާހަގަކުރައްވާ އިލިޔާސް ވަނީ ބޮޑެތި ކަންބޮޑުވުންތަކެއް ވެސް ހިއްސާކުރައްވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
