ސަބްމެރިން ސޯސްގެ ރެސިޕީ ބޭނުންތަ؟

ސަބްމެރިން ސޯސް އަކީ ޚާއްސަކޮށް ރޯދަ މަހު ވަރަށް ބޮޑަށް ބޭނުން ޖެހޭ އެއްޗެކެވެ. ސަބްމެރިން ހެދިޔަސް، ކްލަބް ސޭންޑްވިޗް ހެދިޔަސް، ސޭންޑްވިޗް ހެދިޔަސް ސަބްމެރީން ސޯސް އަޅައިގެން ހެދުމުން ރަހަ ވަރަށް މީރުވެއެވެ. އެހެންކަމުން މިއަދު "ވޮއިސް" ގެ ބަދިގެއިން މި ގެނެސްދެނީ ގޭގައި ފަސޭހައިން ސަބްމެރިން ސޯސް ތައްޔާރު ކުރާނެގޮތެވެ.

ބޭނުންވާ ތަކެތި

5 ލޮނުނެދު

1 ސައި ސަމުސާ މަސްޓަޑް ސޯސް

1 ސައި ސަމުސާ ހަކުރު

2 ބިސް

1 1/2 ޖޯޑު ކުކިންގ އޮއިލް

1 މޭޒުމަތީ ސަމުސާ ލުނބޯހުތް

4 މޭޒުމަތީ ސަމުސާ ވިނިގަރ (ބޭނުން ނަމަ)

1/2 ޖޯޑު މަޔޮނައިޒް

1 ސައި ސަމުސާ އަސޭމިރުސް

1/2 ސައި ސަމުސާ ލޮނު

3 ފޮތި ސްލައިސް ޗީޒް (ބޭނުން ނަމަ)

2 މޭޒު މަތީ ސަމުސާ ފްރައިޑް ޗިކަން ސޯސް (ބޭނުން ނަމަ)

ތައްޔާރުކުރާނެ ގޮތް

1) މަޔޮނައިޒް، ޗީޒް، ތެޔޮ، ފްރައިޑް ޗިކަން ސޯސް އަދި އަސޭމިރުސް ފިޔަވައި ދެން ހުރި ހުރިހާ އެއްޗެއް މިކްސަރަކުން ރަނގަޅަށް އެކުލަވައި މުގުރާލާށެވެ.

2) އެއަށްފަހު، ފަހަރަކު އެތި ފޮދަކުން ތެޔޮ އަޅަމުން މިކްސަރުން އެކުލަވަމުން ދާށެވެ.

3) ހުރިހާ ތެޔޮ އެއްކޮށް އަޅައި، ނިމުމުން ޗީޒް ފޮތިތައް ވެސް އަޅައިގެން ރަނގަޅަށް މުގުރާލާށެވެ.

4) ސޯސް ގަނޑު ކްރީމީ ވުމުން ތައްޓަކަށް އަޅާލުމަށްފަހު މަޔޮނައިޒް، ފްރައިޑް ޗިކަން ސޯސް އަދި އަސޭމިރުސް އަޅައި އެކުލަވާލާށެވެ.