ރައީސް ޞާލިހުގެ ގިނަ މަޝްރޫޢުތައްް ހުރީ "އަންނަނީ އަންނަނީ" ގައި: އަބްދުއްރަހީމު

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙްގެ ވެރިކަމުގެ ފަސް އަހަރު ހަމަވާއިރު ގިނަ މަޝްރޫޢުތައްް ހުރީ "ނުނިމޭ ، ނުނިމޭ، މަރުހަލާގައި ކަމަށަށާއި ދެން ހުރި ގިނަ މަޝްރޫޢުތައްް ހުރީ"އަންނަނީ އަންނަނީ" ގައި ކަމުގައި ވިދާޅުވެ ޕީއެންސީގެ ރައީސް އަބްދުއްރަހީމް އަބްދުالله މިހާރުގެ ސަރުކާރަށް ވަރަށް ބޮޑަށް ފާޑު ވިދާޅުވެެއްޖެއެވެ.

ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުގެ ރިޔާސީ ކެމްޕެއިންގައި މުއިއްޒުއާއި ކެމްޕެއިން ޓީމުން ނ ކެނދިކުޅުދޫއަށް ކުރެއްވި ދަތުރުގައި އެ ރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައި އަބްދުރަހީމް ވިދާޅުވީ، ރައީސް އިބްރާހިމް މުހައްމަދު ޞާލިހްގެ ސަރުކާރުން ފަށައިފައިވާ މަޝްރޫޢުތައްް ނިމުނިއްޔާ ނިމުނުކަން ނުވަތަ ނޫންކަން ރައީސް ޞާލިހަށް އެނގެންޖެހޭނެ ކަމަށެވެ.

ރައީސް ޞާލިހަށް އެނގިވަޑައިގަންނަވަން ވާނެތާ އެމަނިކުފާނުގެ ސަރުކާރުގައި ފަށައިފައިވާ މަސައްކަތްތައް ނިމުނިއްޔާ ނިމުނުކަން، އެވަރު ނޭނގެންޏާ އެހުރި ވާނުވާގައި

އަބްދުއްރަހީމް އަބްދުالله

އަބްދުއްރަހީމް ވިދާޅުވީ، ކެމްޕެއިންގައި ކޮންމެ ރަށަކަށް ޒިޔާރަތްކުރުމުންވެސް އިވެނީ އެ ރަށްރަށުގައި ފެށި މަޝްރޫއެއެއް ވިއްޔާ ނުނިމޭ ވާހަކަ ކަމަށާއި، ނުވަތަ ބޭނުންވާ މުހިއްމު މަޝްރޫއުތައް ނުފެށި ނުވަތަ ފުރިހަމަ ނުވެ ހުރީ ވާހަކަތައް ކަމުގައެވެ.

ރަށްރަށަށް ދިއުމުން މުޅިންވެސް މި އަޑުއިވެނީ، މިސްކިތެއް ނެތޭ، ހުރި މިސްކިތް ބާވެއްޖޭ، ސްކޫލުގައި ގޯލެއް ނެތޭ، މިހެން ގޮސް ހަމަ ނެތް ކަންތަކުގެ ވާހަކަ

އަބްދުއްރަހީމް އަބްދުالله

އެހެންކަމުން މި ފަސް އަހަރުން މި ގެނެވުނު ތަރައްޤީއަކީ ކޮންތާކަށް ކޮން ގޮތަކުން ގެނެވުނު ތަރައްޤީއެއް ބާއޭ ހިތަށް އަރާކަމުގައި އަބްދުރަހީމް ވިދާޅުވިއެވެ.

އަދި މި ތަރައްގީ ގެންނަނީ ކޮން ބަޔަކަށް ކަމުތޯ އަބްދުއްރަހީމް ވަނީ ސުވާލު ކުރައްވާފައެވެ.