ދެވަނަ ދައުރެއް ދީފިނަމަ، އިނގުރައިދޫ ގައި ހައުސިންގް ޔުނިޓެއް އަޅައި، ބޯޓު ޔާޑެއް ހަދާނަން: ރައީސް ޞާލިހު

ކުރިއަށް އޮތް ދައުރަށް އިންތިހާބު ކުރައްވައިފި ނަމަ، ރ. އިނގުރައިދޫގައި ހައުސިންގ ޔުނިޓެއް އަޅައި، އެރަށުގައި ބޯޓު ޔާޑެއް ހައްދަވައި ދެއްވާނެ ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.

ރިޔާސީ ކެންޕެއިނަށް ރ އަތޮޅަށް ކުރައްވަމުންދާ ދަތުރުފުޅުގެ ތެރެއިން މިއަދު، އެއަތޮޅު އިނގުރައިދޫ އަށް ވަޑައިގެން ވާހަކަދައްކަވަމުން ރައީސް ޞާލިހު ވިދާޅުވީ، މި ދައުރުގެ ތެރޭގައި ރާއްޖޭގެ ހުރިހާ ރަށަކަށްވެސް ހަމަހަމަ ކަމާއިއެކު ޚިދުމަތްތައް ފޯރުކޮށްދެވިފައިވާ ކަމަށެވެ.

އެގޮތުން، ރ އަތޮޅަށާއި އިނގުރައިދޫ އަށްވެސް ކަންކަން ކޮށްދެވިފައިވާ ކަން ފާހަގަކުރެއްވިއެވެ.

ރައީސް ޞާލިހު ވިދާޅުވީ ކުރިއަށް އޮތް ދައުރުގައިވެސް އުފާވެރި އަމާން ރާއްޖެއެއް ހޯދައި ދިނުމަށް ކޮށްދިނުމަށް ގިނަ ކަންކަން ރޭވިފައިވާ ކަމަށެވެ. އެގޮތުން އުނގޫފާރަށް ކޮށްދިނުމަށް ނިންމާފައިވާ ކަންކަން އެމަނިކުފާނު ވަނީ ހާމަކޮށްދެއްވާފައެވެ. އެއީ؛

1. ބޯހިޔާވަހިކަން ފަހިކޮއްދިނުމަށް ހައުސިން ޔުނިޓް އަޅައިދިނުން.

2. ބަނދަރު ނެރު ހައްލުކޮށް ބަނދަރު އަޕްގުރޭޑް ކޮއްދިނުން.

3. ރަށުގެ އިރުމަތިކޮޅުން ބިން ހިއްކާ ބޯޓު ޔާޑެއް ހެދުން.

4. ކައުންސިލް އިދާރައިގެ އައު އިމާރާތެއް އެޅުން.

5. ހޭންޑު ބޯލް ކޯޓެއް އެޅުން.

ރައީސް ޞާލިހު ވިދާޅުވީ އެކަންކަމުގެ އިތުރުންވެސް އިނގުރައިދޫ ރައްޔިތުން ބޭނުންވާ އެހެން ކަންކަން ހުރި ނަމަ، އެކަންކަންވެސް ސަރުކާރުގައި އެދުމުން ކޮށްދެއްވާނެ ކަމަށެވެ.