ޖޭޕީގެ ރައްދެއް ނާޒިމަށް: ކެރިވަޑައިގަންނަވާ ނަމަ އިސްތިއުފާދީ، ހޮވުނު ދާއިރާތަކަށް ވާދަކުރައްވާ
ޖުމްހޫރީ ޕާޓީގެ ޓިކެޓުގައި ރައްޔިތުންގެ މަޖިލީހުގެ ދަނގެތީ ދާއިރާއަށް ވާދަކުރައްވައިގެން ގޮނޑި ކާމިޔާބު ކުރައްވާ ފަހުން އަމިއްލަ ސިޔާސީ ޕާޓީއެއް ހައްދަވައިގެން އުޅުއްވާނަމަ އިސްތިއުފާ ދެއްވުމަށްފަހު އަލުން އެދާއިރާތަކަށް ކުރިމަތިލުމަށް ޖުމްހޫރީ ޕާޓީން ގޮވާލައިފިއެވެ.
އެމްއެންޕީގެ ފުރަތަމަ ގައުމީ ކޮންގްރެސްގައި ފައްޓަވައި ދެއްވާ ވާހަކަ ދައްކަވަމުން އެޕާޓީގެ ރައީސްކަން ކުރައްވާ ނާޒިމް ވިދާޅުވީ ރާއްޖޭގައި ގިނައީ އަމިއްލަ މަސްލަހަތު ހިމާތްކުރުމަށް ހަދާފައިވާ ޒިންމާދާރުކަން ކުޑަ ޕާޓީތަކެއް ކަމަށެވެ. އަދި، އެޕާޓީތަކުން އިންތިހާބުތަކުގައި ވާދަނުކުރާ ކަމަށް އޭނާ ވިދާޅުވިއެވެ.
ނާޒިމް ވިދާޅުވީ، ކުދި ޕާޓީތަކުންވެސް މަސައްކަތް ކުރަނީ ވަކި ފަރުދުންގެ މަސްލަހަތު ހިމާޔަތްކުރަންކަމަށެވެ.
ނާޒިމްގެ ވާހަކަތަކަށް ރައްދުދެއްވައި ޖުމްހޫރީ ޕާޓީގެ ތަރުޖަމާން އަލީ ޞާލިހު ވިދާޅުވީ ޖުމްހޫރީ ޕާޓީގައި ޤާސމް އިބްރާހިމްގެ ހިތްވަރު ހުރިކަން އަދިވެސް ދައްކާނެކަމަށެވެ.
ޞާލިޙު ވިދާޅުވީ، ޖުމްހޫރީ ޕާޓީގެ ޓިކެޓްގައި ޕާޓީގެ ލީޑަރު ޤާސިމް އިބްރާހިމްގެ ތާއީދާއިއެކު ދާއިރާތަކަށް އިންތިޚާބު ވުމަށްފަހު މިހާރު އެއީ ތިމަންނާމެން އަމިއްލަ މަސައްކަތުން އިންތިޚާބުވީ ގޮޑިތަކަށް ހެދުމަށް މަސައްކަތް ކުރި ނަމަވެސް އެކަން ނުވާނެކަމަށެވެ.
"ޖޭޕީން ނުކުންނަވާ، ބުރަކަށި މަތީ ހިންގަވާ ޖޭޕީގެ ނަމުގައި ގޮނޑިއެއް ލިބުނީމާ ޖޭޕީން ވަކިވެ، ޖޭޕީން ނޫން ކަމަށް ތިމަންނަ ހޮވުނީ ވިދާޅުވާ ބޭފުޅުން ނިކަން ކެރިވަޑައިގަންނަވާ ނަމަ އިސްތިއުފާދީ، އަލުން އެ ދާއިރާތަކަށް ވާދަކުރައްވާ"
އަލީ ސާލިހް ވިދާޅުވިއެވެ.
އަލީ ޞާލިޙު ވަނީ ތާއީދު އޮތްކަމުގައިވާނަމަ ޖޭޕީގެ ޓިކެޓްގައި ވާދަކޮށްގެން އިންތިޚާބުވި ބޭފުޅުން ގޮޑިތަކުން އިސްތިއުފާ ދެއްވައި، އަލުން އިންތިޚާބުގައި ވާދަކުރުމަށް ގޮވާލާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
