މުޢިއްޒުގެ ވެރިކަމެއްގައި ރާއްޖެ ދެކޭނީ ޢަދުލުވެރި ދުވަސްތަކެއް: ޑރ ޝަހީމް

ޕީއެންސީ/ޕީޕއެމްގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒުގެ ވެރިކަމެއްގައި ރާއްޖެ ދެކޭނީ ޢަދުލުވެރި ދުވަސްތަކެއް ކަމަށް ކުރީގެ އިސްލާމިކް މިނިސްޓަރ ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.

ޑރ ޝަހީމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

ޑރ ޝަހީމް ވިދާޅުވީ ޑރ މުޢިއްޒު އެއްވެސް ފަރާތަކަށް އަނިޔާއެއް ނުކުރައްވާނެ ކަމަށެވެ. އަދި ރިޔާސީ އިންތިޚާބުގެ ދެވަނަ ބުރުގައި ޑރ މުޢިއްޒު އިންތިޚާބު ކުރެއްވުމަށް ޝަހީމް ގޮވާލެއްވިއެވެ.

ޝަހީމް ވިދާޅުވީ ޑރ މުޢިއްޒުގެ ވެރިކަމެއްގައި ރާއްޖެ ދެކޭނީ ހެޔޮ ޢަދުލުވެރި ދުވަސްތަކެއް ކަމަށެވެ.

އިންތިޚާބުގެ ދެވަނަ ބުރުގެ ވޯޓުލުން 30 ސެޕްޓަމްބަރު ގައި އޮންނައިރު ދެކެންޑިޑޭޓުންގެ ފަރާތުންވެސް ފެންނަމުން ދަނީ ވާދަވެރި ކަމެވެ.

ކެމްޕޭނު ކުރުމުގެ އިތުރުން އެންޓި ކެމްޕޭނުގެ ހަރަކާތްތައް ވެސް އިންތިހާއަށް ދަނީ ފެންނަމުންނެވެ. އީސީ އިން މިއަދު ބޭއްވި ނޫސްވެރިންގެ ބައްދަލުވުމުގައިވެސް އީސީގެ ނައިބު ރައީސް އިސްމާއިލް ޙަބީބް ވަނީ އެފަދަ ހަރަކާތްތައް މީޑިއާ ތަކުންނާއި އެހެނިހެން ފަރާތްތަކުންވެސް ނުކުރުމަށް އިރުޝާދު ދެއްވައިފައެވެ.