ވަގުތީގޮތުން އެމްޓީސީސީ ބަސް ރޫޓްތަކަށް ބަދަލުތަކެއް
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)ން މާލޭ ސަރަޙައްދުގައި ފޯރުކޮށްދެމުންގެންދާ ރާއްޖެ ޓްރާންސްޕޯޓް ލިންކް (އާރުޓީއެލް)ގެ ބަސް ރޫޓްތަކަށް ވަގުތީ ގޮތުން ބަދަލުތަކެއް ގެނެސްފި އެވެ.
މިކަމާއި ގުޅިގެން އެމްޓީސީސީން ބުނެފައި ވަނީ، މާލޭ ސަރަޙައްދުގައި ފޯރުކޮށްދެމުންގެންދާ އާރުޓީއެލް ބަސް ރޫޓްތަކަށް ބަދަލު ގެނެސްފައިވަނީ މިނިވަން ދުވަހުގެ މުނާސަބަތާއި ގުޅިގެން މާލެ އަދި ހުޅުމާލޭގެ ބައެއް މަގުތަށް ބަންދުކުރުމާއި ގުޅިގެން ކަމަށެވެ.
އެގޮތުން މާލޭ ވެސްޓް ޕާކް ބަސްހުއްޓިއަށް ހެނދުނު 7:00 އިން ފެށިގެން ބަސް ނުހުއްޓާނެކަމަށް އެކުންފުނިން ވަނީ ބުނެފަ އެވެ.
އަދި ހަމައެހެންމެ، R-10, R-11 އަދި R-12 ގެ ދަތުރުތަށް ހެނދުނު 7:00 އިން ފެށިގެން 10:00ގެ ނިޔަލަށް އަދި މެންދުރުފަހު 14:30 އިން ފެށިގެން 18:30 އަށް މެދުކަނޑާލާނެކަމަށް އެމްޓީސީސީން ވަނީ ބުނެފަ އެވެ. އަދި ހަމައެހެންމެ، ވެލާނާ އިންޓަރނޭޝަނަލް އެއަރޕޯޓަށް ދަތުރުކުރާ ބަސްތަށް ރޭގަނޑު 19:00 އިން ފެށިގެން 00:00 ގެ ނިޔަލަށް މެދުކަނޑާލާނެކަމަށް ވެސް އެކުންފުނިން ވަނީ ބުނެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
