ތިމާވެށީގެ ދުވަހާ ގުޅުވައިގެން ހުޅުމާލޭގައި ރުއް އިންދަނީ
ދުނިޔޭގެ ތިމާވެށީގެ ދުވަހާ ގުޅުވައިގެން ހުޅުމާލެ ފޭސް ދޭއްގައި ރުއް އިންދުމުގެ ބޮޑު ހަރަކާތެއް އަންނަ ހޮނިހިރު ދުވަހު ބޭއްވުމަށް ނިންމައިފިއެވެ.
ހުޅުމާލެ ކޮމިއުނިޓީ އެލަޔަންސް ގްރޫޕުން އިންތިޒާމުކޮށްގެން ކުރިއަށް ގެންދާ މި ހަރަކާތް ބޭއްވުމަށް ހަމަޖެހިފައިވަނީ ހޮނިހިރު ދުވަހުގެ ހަވީރު 4:00 އިން 5:30 އަށެވެ. މި ހަރަކާތުގައި މޫސުމަށް އަންނަ ބަދަލުތަކުގެ ސަބަބުން ދުނިޔެއިން ދޭ ސިގްނަލްތައް އަޑުއަހައި މިހާރު އޮތް ހައްލުތަކުގެ މައްޗަށް އަލިއަޅުވާލާނެ ކަމަށް އެ ގްރޫޕުން ބުނެފައިވެއެވެ.
މި ހަރަކާތުގައި މޯލްޑިވިއަން ރެޑް ކްރެސެންޓާއި މާލެ ސިޓީ އާއި ވެމްކޯ އާއި އެގްރޯ ނޭޝަނަލް ކޯޕަރޭޝަނާއި އުރީދޫ މޯލްޑިވްސް އާއި އެޗްޑީސީ ހިމެނޭ ގޮތަށް ގިނަ މުއައްސަސާތަކާއި ކޮމިއުނިޓީތައް ބައިވެރިވެއެވެ. މީގެ އިތުރުން ރެހެންދި ސްކޫލާއި ހިރިޔާ ސްކޫލާއި ހުރަވީ ސްކޫލާއި ސަލާހުއްދީން ސްކޫލާއި ޝަހީދު އަލީ ސްކޫލުން ވެސް މި ހަރަކާތުގައި ބައިވެރިވާނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
