ފިރިހެންވެރިން ވަރަށް މޮޅު ވާނެޔޯ މިގޮތަށް ނިއުޓެއްލާ ފްރެންޗް ޓޯސްޓް ހަދަން

ނިއުޓެއްލާ އަކީ ޕާނުގައި އުނގުޅާލައިގެން ކާލަންވެސް ވަރަށް މީރު އެއްޗެކެވެ. އަދި އެއިން ފްރެންޗް ޓޯސްޓް ތައްޔާރު ކޮށްލުމުން އެ މީރު ރަހަ ދެ ގުނަ އަށް އިތުރު ކޮށްދެއެވެ. މިއީ ތައްޔާރު ކޮށްލަން ވެސް ވަރަށް ފަސޭހަ އެއްޗެކެވެ.

ބޭނުންވާ ތަކެތި

1/2 ދަޅު ގެރިކިރު

5 ބިސް

1 ނިއުޓެއްލާ ފުޅި

1 ޕާން

ބަޓަރ

ތައްޔާރުކުރާނެ ގޮތް

1) ޕާން ފޮތީގައި ރަނގަޅަށް ނިއުޓެއްލާ އުނގުޅާލުމަށްފަހު އޭގެ މަތީގައި އަނެއް ޕާން ފޮތި ބާއްވައި ސޭންޑްވިޗް އެއް ގޮތަށް ހަދާލާށެވެ. މިގޮތަށް ހުރިހާ ޕާނުން ނިއުޓެއްލާ ސޭންޑްވިޗް ތައްޔާރުކޮށްލާށެވެ.

2) ދެން ތައްޓެއްގެ ތެރޭގައި ބިހާއި ގެރި ކިރު ރަނގަޅަށް އެކުލަވައިލާށެވެ.

3) އެއަށްފަހު ތަވާ އުނދުން މައްޗަށް ސައި ސަމުސަލެއްހާ ބަޓަރ ތަވާގައި އުނގުޅާލާށެވެ. އުނދުން ބަހައްޓަންވާނީ ވަރަށް މަޑު ގިނީގައެވެ.

4) ދެން ތައްޔާރު ކުރި ނިއުޓެއްލާ ސޭންޑްވިޗް ބިހާއި ގެރި ކިރުން ހެދި މިކްސްޗަރ އަށް ލުމަށް ފަހު، ދެ ފަރާތުގައި ރަނގަޅަށް އެ މިކްސްޗަރ ހާކާލުމަށްފަހު ތަވައަށްލައި ދެފަރާތް ރިވެތިކޮށް ރަން މުށި ކުލަ އަރަންދެން ފިހެލާށެވެ.

5) ހުރިހާ ޕާންތަކެއް ފިހެ ފްރެންޗް ޓޯސްޓް ހެދުމުން މެދުން ފަޅާލާށެވެ. ބޭނުން ނަމަ ފްރެންޗް ޓޯސްޓް ގެ މައްޗަށް ކޮކޯ ޕައުޑަރ ނުނީ، ޕައުޑާޑް ޝުގާރ ވެސް އަޅާލެވިދާނެއެވެ.

މިގޮތަށް ނިއުޓެއްލާ ފްރެންޗް ޓޯސްޓް ހަދާލައިގެން އައިސްކްރީމް އާއި އެކު ކާލާއިރު އަދި ވަރަށް މީރުވާނެއެވެ.