އެމެރިކާގެ އެންމެ ފުރަތަމަ ބުރުގާ އެޅި މުސްލިމް ފަނޑިޔަރާކަށް ނާދިޔާ ކަހަފް
އެމެރިކާގެ އެންމެ ފުރަތަމަ ބުރުގާ އެޅި މުސްލިމް އަންހެން ފަނޑިޔާރެއްގެ ގޮތުގައި ސީރިޔާ އިން އެމެރިކާ އަށް ހިޖުރަކުރި މުސްލިމް އާއިލާއެއްގެ އަންހެނެއް ކަމުގައިވާ ނާދިޔާ ކަހަފް ވެއްޖެއެވެ.
އެމެރިކާގެ ނިއުޖާޒީގެ ސުޕީރިއާ ކޯޓުގެ ފަނޑިޔާރެއްގެ ގޮތުގައި ހަމަޖެއްސި ނާދިޔާ ކަހަފް އޭނާގެ މަޤާމުގެ ހުވާ ކޮށްފައިވަނީ ކީރިތި ޤުރުއާން އަތުގައި ބާއްވައިގެން ކަމަށް ނިއުޖާޒީގެ ނޫހެއްގައި ބުނެފައިވެއެވެ.
ނާދިޔާ އަކީ އެމެރިކާގެ ކޯޓަކަށް އައްޔަން ކުރެވުނު ފުރަތަމަ މުސްލިމް ފަނޑިޔާރު ކަމުގައި ނުވިޔަސް ބުރުގާ އަޅައިގެން ހުރި ފުރަތަމަ ފަނޑިޔާރަކީ ނާދިޔާއެވެ.
2003 ވަނަ އަހަރުން ފެށިގެން ނާދިޔާ އަކީ ނިއުޖާޒީގެ ކައުންސިލް އޮން އެމެރިކަން އިސްލާމިކް ރިލޭޝަންސްގެ ޗެޕްޓަރ ގެ ބޯޑު މެމްބަރުކަން ކުރަމުން އަންނަ މީހެކެވެ. އަދި މިހާރު ނާދިޔާ އަކީ އެ ކައުންސިލްގެ ޗެއަރވުމަންއެވެ.
މީގެ އިތުރުން ނާދިޔާ އަކީ ވަފާ ހައުސްގެ ލީގަލް އެޑްވައިޒަރެވެ. ވަފާ ހައުސްއަކީ ގެވެށި އަނިޔާއާއި ދެކޮޅަށް މަސައްކަތްކުރާ އިޖްތިމާއީ ޚިދްމަތް ފޯރުކޮށްދޭ އެޖެންސީއެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
