މަޖިލީހުގެ ރައީސް މުހައްމަދު ނަޝީދު-- ފޮޓޯ/ މަޖިލިސް
މަޖިލީހުގެ ރައީސް މުހައްމަދު ނަޝީދު-- ފޮޓޯ/ މަޖިލިސް
ހަބަރު 25 Apr 2023 | 14:25

އީޕީއޭ މުސްތަގިއްލު ތަނަކަށް ހެދުމުގެ ވިސްނުމެއް ސަރުކާރުގެ ނެތް ކަމަށް ނިންމައިފިން: ރައީސް ނަޝީދު

އެންވަޔަރަމެންޓް ޕްރޮޓެކްޝަން އެޖެންސީ، (އީޕީއޭ) އަކީ މިނިވަން މުސްތަޤިއްލު ތަނެެއް ކަމުގައި ހެދުމަކީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ގެ ރިޔާސީ ވަޢުދެއް ނަމަވެސް، އެކަން ކުރުމުގެ ވިސްނުމެއް ސަރުކާރުގެ ނެތް ކަމަށް ނިންމަވައިފިން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.

މިއަދުގެ ރައްޔިތުންގެ މަޖިލީހުގެ ޖަލްސާގައި އެންވަޔަރަމެންޓް މިނިސްޓަރު އާމިނަތު ޝައުނާ މަޖިލީހަށް ހާޒިރު ކޮށްފައިވާއިރު، ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުހައްމަދު ވަހީދު އާއި، މަޑަވެލި ދާއިރާގެ މެންބަރު ހުސައިން ފިރުޝާންވެސް ވަނީ އީޕީއޭ އަކީ މިނިވަން މުސްތަޤިއްލު ތަނަކަށް ހެދުމަށް އަދުގެ ސަރުކާރުން ވެފައިވާ ވަޢުދު ފުއްދުމަށް ކުރެވެމުންދާ ކަންކަން ސާފު ކުރެއްވުމަށް މިނިސްޓަރާއި ސުވާލު ކުރައްވާފައެވެ. އަދި އެ ކަން ކުރައްވާނަންތޯ ނުވަތަ ނޫންތޯވެސް ވަނީ ސުވާލު ކުރައްވާފައެވެ.

މެންބަރު ވަހީދުގެ ސުވާލަށް ޖަވާބު ދެއްވަމުން ޝައުނާ ވަނީ އީޕީއޭ ބާރުވެރި ކުރުވައި މިނިވަންކަމާއި އެކު ހިންގުމަށް ސަރުކާރުގެ ފުރަތަމަ 100 ދުވަހުގެ ތެރޭގައި ގިނަ މަސައްކަތް ތަކެއް ކުރެވިފައިވާ ކަމަށެވެ. އެގޮތުން ކުރެވުނު ބައެއް ކަންކަން ފާހަގަކުރައްވައި، ޝައުނާ ވަނީ އެ ވަޢުދު ފުއްދިފައިވާ ކަމަށް ވިދާޅުވެފައެވެ.

އެއާއި ވިދިގެން މިނިސްޓަރު ވަނީ ދުނިޔޭގެ ބައެއް ތަރައްޤީ ވެފައިވާ ގައުމު ތަކުގައި އީޕީއޭއިން އަދާ ކުރާ ދައުރުވެސް ތަފްސީލް ކޮށްދެއްވައި، އެ ގައުމު ތަކުގައިވެސް އީޕީއޭ އަކީ ސަރުކާރު ހިންގާ ފަރާތުގެ ބާރު ހިނގާ ތަނެއްކަން ފާހަގަ ކުރައްވާފައެވެ.

އެގޮތުން މުސްތަޤިއްލު ތަނަކަށް އީޕީއޭ ހަދާނަންތޯ ވައްޑެ ކުރެއްވި ސުވާލަށް ސީދާ ޖަވާބު ދެއްވުމުގެ ބަދަލުގައި ވަގުތު ހަމަވަންދެއްވެސް ޝައުނާ އުޅުއްވީ ދުނިޔޭގެ ގައުމުތަކުގައި ތިމާވެށި ރެގިއުލޭޓަރީ އެޖެންސީތައް ހިނގާ ގޮތްތަކުގެ މިސާލު ކިޔާދެއްވުމުގައެވެ.

އެއަށްފަހު ދެން ޝައުނާ ވަނީ ތަރައްޤީއަށް ކުރެވޭ ކޮންމެ ކަމަކުން ވެސް ތިމާވެއްޓަށް އެދެވޭ އަދި ނޭދެވޭ އަސަރު ކުރާނެ ކަން ފާހަގަކުރައްވައި އީޕީއޭގެ މައްޗަށް ސަރުކާރުގެ ބާރު ހިނގާ ގޮތަށް އޮތުމަކީ މުހިންމު ކަމެއް ކަމަށް ވިދާޅުވެ މުސްތަގިއްލު ތަނަކަށް އީޕީއޭ ހެދުމުގެ ވިސްނުމެއް ސަރުކާރުގެ ނެތް ކަމުގެ އިޝާރާތެއް ނުސީދާކޮށް ދެއްވާފައެވެ.

ވެރިކަން ހިންގާ ފަރާތުގެ ބާރު ނުހިނގާ ގޮތަށް މުޅިން މިނިވަން މުސްތަޤިއްލު ކޮމިޝަނަކުން ތިމާވެށީގެ ކަންކަން ރެގިއުލޭޓް ކުރުމަކީ ރާއްޖެ ފަދަ ތަރައްގީވަމުން އަންނަ ގައުމަކަށް އެންމެ އެކަށީގެންވާ ނިޒާމު ނޫން ކަން ގަބޫލުކުރަންޖެހޭ.

މިނިސްޓަރު އާމިނަތު ޝައުނާ

ޝައުނާގެ ވާހަކަ ތަކާއި ގުޅިގެން މެންބަރު ވަހީދު ވަނީ، އީޕީއޭ އަކީ މިނިވަން މުސްތަޤިއްލު ތަނަކަށް ހެދުމަށް ސަރުކާރުން ވައުދުވީ އިރު، ވައުދުވީ ކަންކަން ނުބަލައިތޯ ސުވާލު ކުރައްވާފައެވެ. އަދި މިނިވަން މުސްތަޤިއްލު ތަނަކަށް އެތަން ހަދާނަންތޯ އަހައި ސުވާލު ތަކުރާރު ކުރައްވާފައެވެ.

ވަހީދުގެ އެ ސުވާލަށް، ސީދާ ޖަވާބެއް ޝައުނާ ނުދެއްވުމުން މެދު ހެންވޭރު ދާއިރާގެ މެންބަރު ޢަލީ ޢާޒިމްވެސް ވަނީ މަޖިލީހުގައި އެކަން ފާހަގަކުރައްވާފައެވެ.

އާޒިމްގެ ވާހަކަ އާއި ގުޅިގެން ރައީސް ނަޝީދު ވަނީ، މުސްތަޤިއްލު މުއައްސަސާ އަކީ ކޮބައިކަން ގާނޫނު އަސާސީގައި ވަރަށް ސާފުކޮށް ބަޔާން ކޮށްފައިވާ ކަމަށް ވިދާޅުވެފައެެވެ. އަދި މެންބަރުން ސުވާލު ކުރައްވަމުންދަނީވެސް އެކަމާއި ގުޅިގެން ކަމަށް ނަޝީދު ފާހަގަކުރެއްވިއެވެ.

ނަޝީދުގެ ވާހަކަފުޅަށްފަހު މެންބަރު ފިރުޝާންވެސް ވަނީ އެ ސުވާލު ތަކުރާރު ކުރައްވާފައެވެ. އަދި އީޕީއޭ އަކީ މިނިވަން މުސްތަޤިއްލު ތަނަކަށް ހައްދަވާނަންތޯ ނުވަތަ ނޫންތޯ، ސާފުކޮށް، ކުރުކޮށް އާއެކޭ ނުވަތަ ނޫނެކޭ ޖަވާބުގައި ވިދާޅުވެ ދެއްވުމަށް އެދިލައްވާފައެވެ.

އީޕީއޭއާއި ގުޅިގެން ދަންނަވާލާނީ، މެނިފެސްޓޯގައި ހިމަނާފައިވާ ގޮތަށް، 100 ދުވަހުގެ ވައުދާއި އެއްގޮތަށް، އީޕީއޭ ބާރުވެރިކޮށް، މިނިވަންކަމާއި އެކުގައި ހިންގޭނެގޮތް އަޅުގަނޑުމެން ވާނީ ހަދައިދީފައި. އެއްވެސް ސިޔާސީ، އަދި ސިޔާސީ ނޫންވެސް ނުފޫޒެއް އީޕީއޭގެ މައްޗަށް މިހާރަކު ނުހިނގާ. އެތަނުގައި މިހާރު ތިބި މުވައްޒަފުންގެ އިންޓެގްރިޓީ އާއި މެދުވެސް އަޅުގަނޑުގެ ކޮންފިޑެންސް މިހާރު އެބައޮތް.

މިނިސްޓަރު އާމިނަތު ޝައުނާ

ޝައުނާގެ ވާހަކަ އާއި ގުޅިގެން ރައީސް ނަޝީދު ވަނީ އީޕީއޭ އަކީ މިނިވަން މުސްތަޤިއްލު ތަނަކަށް ހެދުމުގެ ވިސްނުމެއް ސަރުކާރުގެ ނެތް ކަމަށް ނިންމަވައިފިން ކަމަށެވެ.

"އަޅުގަނޑު މިހާރު މިތަނުން މި ނިންމީ، މުސްތަޤިއްލު މުއައްސަސާ އެއްގެ ގޮތުގައި އީޕީއޭ ހެދުމުގެ ވިސްނުމެއް ސަރުކާރުގައި ނެތް ކަމަށް"

ރައީސް މުހައްމަދު ނަޝީދު

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ