އިމިގްރޭޝަންގެ ކަންކަން ހަރުދަނާ ކުރުމަށް އިންޑިޔާ އާއި ރާއްޖެ އެއްބަސްވުމެއްގައި ސޮއިކޮށްފި
އިމިގްރޭޝަންގެ ކަންކަން ހަރުދަނާ ކުރުމަށް އިންޑިޔާ އާއި ރާއްޖެ އެއްބަސްވުމެއްގައި ސޮއިކޮށްފި ރާއްޖޭގެ އިމިގްރޭޝަންގެ ކަންކަން ހަރުދަނާ ކޮށް ރަނގަޅު ކުރުމަށް އިންޑިޔާ އާއި ރާއްޖެ އެއްބަސްވުމެއްގައި ސޮއިކޮށްފިއެވެ.
ރާއްޖޭގެ ޚާރިޖީ ވުޒާރާގައި ބޭއްވި ބައްދަލުވުމެއްގައި ރާއްޖޭގެ ފަރާތުން އެއްބަސްވުމުގައި ސޮއި ކުރެއްވީ އިމިގްރޭޝަން ކޮންޓްރޯލާ ޖެނެރަލް މުހައްމަދު އަހުމަދު ހުސެއިނެވެ. އިންޑިޔާގެ ފަރާތުން ސޮއި ކުރެއްވީ އެ ޤައުމުގެ ހޯމް މިނިސްޓްރީގެ ޖޮއިންޓް ސެކެޓްރީ، ސުމާންތް ސިންހެވެ.
ދެ ޤައުމުގެ ދެމެދުގައި ވެވުނު މި އެއްބަސްވުމަކީ ދެ ޤައުމުގެ ދެމެދުގައި އިމިގްރޭޝަނުގެ މަސައްކަތްތަކާ ގުޅުން ހުރި މައުލޫމާތު ބަދަލު ކުރުމަށާއި، ބޯޑަރ ކޮންޓްރޯލް މެނޭޖްމެންޓް ހަރުދަނާ ކުރަން ރާއްޖެއަށް އެހީތެރި ވެދޭން ހެދި އެއްބަސްވުމެކެވެ.
އެގޮތުން އިމިގްރޭޝަން އޮފިސަރުން ތަމްރީނު ކުރުމުގައި އެހީތެރިކަން ފޯރު ކޮށްދޭނެ އެވެ. އަދި ހިއުމަން ޓްރެފިކިން އާއި އިމިގްރޭޝަނާ ގުޅުންހުރި އެހެން ކުށްތައް މަދު ކުރަން އިންޑިޔާއިން ރާއްޖެއަށް އެހީތެރިކަން ދޭނެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
