ބައެއް ރަށްތަކަށް އުދަ އަރާނެ ކަމަށް ލަފާކޮށް ސަމާލުވާން އެދިއްޖެ!
މިއަދު، ރާޅުގެ އުސް މިން ދެ ފޫޓާއި ފަސް ފޫޓަށް އުފުލޭނެ ކަމަށާ އަދި ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރު ކުރާނެ ކަމަށް މެޓް އޮފީހުން ލަފާކޮށްފި އެވެ.
މިއަދު އިރުއޮއްސި 6:00އާ ހަމައަށް މޫސުން ލަފާކޮށް މެޓް އޮފީހުން ބުނީ، އެވަގުތު ތަކުގައި ބައެއް ރަށްތަކަށް ކެރީގެ އަސަރު ކުރާނެ ކަމަށާއި އަދި ގުގުރުންވެސް އެކަށީގެންވާ ކަމަށެވެ.
އަދި ދެކުނުގެ އަތޮޅުތަކަށް އިރެދެކުނާއި ދެކުނުން ގަޑިއަކު އަށް މޭލާއި 18 މޭލާ ދެމެދުގެ ބާރުމިނުގައި ވައިޖެހޭނެ ކަަމަށާ އެހެން ހިސާބުތަަކަށް ހުޅަނގު ދެކުނާއި ހުޅަނގުން ގަޑިއަކު ފަސް މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށްވެސް އެ އިދާރާއިން ލަފާކުރެއެވެ.
މެޓް އޮފީހުން އިތުރަށް ބުނީ، ރާއްޖޭގެ ދެކުނުގެ ކަނޑުތައް އާދައިގެ ވަރަކަށް ގަދަވާނެ ކަމަށާއި އަދި އެހެން ހިސާބުތަކުގައި އާދައިގެ ވަރަށް މަޑުވާނެ ކަމަށެވެ.
އަދި ހަމައެހެންމެ ރާޅުގެ އުސް މިން ދެ ފޫޓާއި ފަސް ފޫޓަށް އުފުލޭނެ ކަމަށް ލަފާކޮށް މެޓް އޮފީހުން ވަނީ ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރު ކުރުމަކީ އެކަށީގެންވާތީ ސަމާލުވުމަށް އެދިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
