ޔާމީންގެ ފަރާތުން ސްޕްރީމް ކޯޓަށް ހުށަހެޅި އާ މައްސަލަ ވެސް ބޭރުކޮށްލައިފި
ކުރީގެ ރައީސް އަދި އިދިކޮޅު ޕީޕީއެމް ރިޔާސީ ކެންޑިޑޭޓު އަބްދުالله ޔާމީންގެ އިންތިހާބީ ހައްގުތައް ކަށަވަރު ކުރަން ސުޕްރީމް ކޯޓަށް ހުށަހެޅި އައު ދުސްތޫރީ މައްސަލަވެސް ބޭރުކޮށްލައިފިއެވެ.
ރައީސް ޔާމީނުގެ ފަރާތްޕުޅުން އެމަނިކުފާނުގެ އިންތިޚާބީ ޙައްޤުތައް ކަށަވަރުކުރުމަށް ދުސްތޫރީ މައްސަލައެއް މިމަހު 22 ވަނަ ދުވަހުވެސް ދިވެހިރާއްޖޭގެ ސުޕްރީމް ކޯޓަށްވަނީ ހުށަހަޅާފައެވެ.
އެ މައްސަލަ ހުށަހެޅުނީ ރައީސް ޔާމީންގެ ފަރާތުން ދިވެހިރާއްޖޭގެ ހައިކޯޓަށް ހުށަހަޅާފައިވާ އިސްތިޢުނާފީ މައްސަލަތައް ނުނިމި ދިގުލައިގެންދިއުމުގެ ސަބަބުން އެމަނިކުފާނުގެ އެތަކެއް އަސާސީ ޙައްޤުތަކާއި އިންތިޚާބީ ޙައްޤުތަކަކަށް ހުރަސް އެޅިފައިވާތީ، އެ ޙައްޤުތައް ކަށަވަރުކޮށްދިނުމަށްޓަކައި ކަމަށް ވަކީލުންގެ ޓީމުން ވަނީ ބުނެފައެވެ.
އެހެން ނަމަވެސް އެ މައްސަލަ ބަލައި ނުގަންނަން ސްޕްރީމް ކޯޓުން ވަނީ ނިންމާފައެވެ.
އެއާއެކު އެފަދަ އެހެން މައްސަލަ އެއް އަލުން ސްޕްރީމު ކޯޓަށް ހުށަހަޅާފައިވާ އިރު، އައު މައްސަލަވެސް ބޭރުކޮށްލާފައިވާ ކަމަށް 'ވޮއިސް' އަށް ވަނީ ކަށަވަރުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
