ރައްޔިތުންގެ މަޖިލީހުގެ ޖަލްސާއެއްގައި ހޯރަފުށީ ދާއިރާގެ މެންބަރު އަހުމަދު ސަލީމް -- ފޮޓޯ/ މަޖިލިސް
ރައްޔިތުންގެ މަޖިލީހުގެ ޖަލްސާއެއްގައި ހޯރަފުށީ ދާއިރާގެ މެންބަރު އަހުމަދު ސަލީމް -- ފޮޓޯ/ މަޖިލިސް
ހަބަރު 25 Oct 2023 | 11:17

ފަތުރުވެރިކަން ދަށް ހިސާބުތަކުން 10 އަހަރަށް ޓެކްސް ކަނޑައިލަން ހުށަހެޅުމެއް

ފަތުރުވެރިކަން ދަށް ހިސާބުތަކުން ނަގަމުން އަންނަ ޓެކްސްތައްް 10 އަހަރުގެ މުއްދަތަކަށް މެދުކަނޑާލުމަށް، ފަތުރުވެރިކަމުގެ ގާނޫނަށް އިސްލާހު ގެނައުމުގެ ބިލަށް ރައްޔިތުންގެ މަޖިލީހުގެ ހޯރަފުށީ ދާއިރާގެ މެންބަރު އަހުމަދު ސަލީމް އިސްލާހެއް ހުށަހަޅުއްވައިފިއެވެ.

ސަރުކާރުގެ ފަރާތުން ކެނދިކުޅުދޫ ދާއިރާގެ މެންބަރު އަހުމަދު އީސާ ހުށަހަޅުއްވާފައިވާ ފަތުރުވެރިކަމުގެ ގާނޫނަށް އިސްލާހު ގެނައުމުގެ ބިލަށް ބަހުސް ކުރައްވަމުން ސަލީމް ވިދާޅުވީ، ރާއްޖޭގެ ފަތުރުވެރިކަމުގެ އެނދުގެ އިންސައްތަ އަށް ބަލާއިރު 23 އިންސައްތަ ނިސްބަތްވަނީ ގެސްޓްހައުސް ވިޔަފާރިއަށް ކަމަށެވެ. އަދި އެ 23 އިންތައިގެ އެނދުގެ ތެރެއިން 79 އިންސައްތަ އެނދު ހުރީ މާލެ އާއި ކައިރި ސަރަހައްދު ތަކުގައި ކަމަށާ، ރާއްޖޭގެ ޓޫރިސްޓް ރިސޯޓްތައްވެސް ތޮއްޖެހިފައި ވަނީ މާލެ ސަރަހައްދުގައި ކަންވެސް އޭނާ ފާހަގަކުރެއްވިއެވެ.

މިއާއެކު ސަލީމް ވިދާޅުވޫ، ރާއްޖޭގެ ބައެއް ސަރަހައްދުތަކަށް ފަތުރުވެރިކަން ފުޅާނުކުރެވޭ ސަބަބުތަކުގެ ތެރޭގައި ދަތުރުފަތުރުގެ ދަތިތަކާއި މުޅި ރާއްޖެއަށް އެއް ހަމައެއްގައި ޓެކުސް ތަންފީޒުކުރަމުން ދިއުންކަމަށެވެ.

ސަލީމު ވިދާޅުވީ، 1972 ވަނަ އަހަރުން ފެށިގެން 39 ވަރަކަށް އަހަރު މާލެ ސަރަހައްދުގައި ރިސޯޓުތައް ހިންގަމުން އައީ ޓެކުހެއް ނެތިއެވެ. އަދި އެ މުއްދަތުގައި މާލެ ސަރަހައްދުތައް ރިސޯޓުތައް ތައާރަފުކުރެވި ކުރިއަރައިގެން ދިޔަ ކަމަށް އޭނާ ވިދާޅުވިއެވެ.

ކަންމިހެން ހުރުމުން، މާލެ ސަރަހައްދައް ނަގަމުންދާ ޓެކްސް ރޭޓްތައް ފަތުރުވެރިކަން ދަށް ސަރަހައްދު ތަކަށް ނެގުމުން އެ ފަތުރުވެރިކަން ދަށް ސަރަހައްދު ތަކަށް އިންވެސްޓް ކުރާނެ ފަރާތްތައް ނުވާކަން ސަލީމް ވަނީ ފާހަގަކުރައްވާފައެވެ.

"މާލެ ސަރަހައްދަށް މި އެޕްލައިކުރާ ޓެކުސް ފަތުރުވެރިކަން ވަރަށް ކުޑަކޮށް ތަރައްޤީވެފައި ހުރި ސަރަހައްދުތަކަށް އެޕްލައިކުރީމާ އެ ސަރަހައްދުތަކަށް އިންވެސްޓަރުން ޝައުޤުވެރިއެއް ނުވޭ. އަދި ރިސޯޓެއް ހެދުމުގެ ނިޔަތުގައި ރަށެއް ނެގިޔަސް، ރިސޯޓު ތަރައްޤީކުރުމުގެ އަގު އިންތިހާއަށް ބޮޑުވާތީ، 13، 14، 15، 16 އަހަރުވެގެންދާއިރު ނުހެދިހުރި ކިތަންމެ ކިތަންމެ ރަށްތަކެއް ރާއްޖޭގެ އެކި ސަރަހައްދުތަކުގައި އެބަހުރި،"

ހޯރަފުށީ ދާއިރާގެ ކުރީގެ އަހުމަދު ސަލީމް

އެހެންކަމުން ސަލީމް ވަނީ ފަތުރުވެރިކަން ދަށް ސަރަހައްދު ތަކުގައި ފަތުރުވެރިކަން ކުރިއެރުވުމަށް ހުށަހެޅުންތަކެއް ހުށަހަޅުއްވާފައެވެ.

އެގޮތުން އޭނާ ވަނީ، ރާއްޖޭގައި އެންމެ ކުޑަކޮށް ފަތުރުވެރިކަން ތަރައްގީވެފައި ހުރި އެންމެ އުތުރުގެ އަތޮޅުތަކާއި އެންމެ ދެކުނުގެ ހިސާބުތަކުން ޓެކްސް 10 އަހަރަށް ކަނޑައިލުމަށާ، އަދި، އެ މުއްދަތުގައި ފަތުރުވެރިކަމުގެ އެހެން ޓެކްސްތަކުން ވެސް އެ ސަރަހައްދުތަކުގެ ރިސޯޓުތަކަށް 50 އިންސައްތައިގެ ލުޔެއް ދޭން ހުށަހަޅުއްވާފައެވެ.

"އަޅުގަނޑުގެ ހުށަހެޅުމަކީ މިދެންނެވި ސަރަހައްދުތަކަށް ފަތުރުވެރިކަމުގެ އިންވެސްޓަރުންނަށް [އިންވެސްޓުކުރަން] ފަސޭހަކޮށްދިނުމުގެ ގޮތުން، ލުއިދިނުމުގެ ގޮތުން، ހިއްވަރުދިނުމުގެ ގޮތުން، ޑިއުޓީ މައާފުކުރާ 10 އަހަރުގެ މުއްދަތެއް ކަނޑައެޅުމަށް. އަދިއެއާއެކު މިދެންނެވި 10 އަހަރުގެ މުއްދަތުގައި ޓުއަރިޒަމްގެ ޓެކުސްތަކުގެ 50 އިންސައްތަ ލުއިކުރުން،"

ހޯރަފުށީ ދާއިރާގެ ކުރީގެ އަހުމަދު ސަލީމް

ސަލީމް ވިދާޅުވީ، ދުނިޔޭގެ އެހެނިހެން ޤައުމުތަކުގައިވެސް ވަކި ސަރަހައްދެއްގައި ޚާއްޞަ އިޤުތިޞާދީ މަސައްކަތެއް ކުރިއެރުވުމުގެ ގޮތުން އެ ސަރަހައްދުގައި އެ ދާއިރާއެއްގެ މަސައްކަތަށް އިންވެސްޓުކުރާ ފަރާތްތަކަށް ޓެކުހުގެ ލުއިދިނުމަކީ ކުރަމުން އަންނަ، އަދި ތަޖުރިބާ ވެސް ކޮށްފައިވާ ކަމެއް ކަމަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.