ރާއްޖެއާ އިންޑިއާގެ ގުޅުން އިޢާދަކުރުމުގައި ދެ ގައުމުގެ ވެރިންގެ ކެތްތެރިކަމަށް ނަޝީދުގެ ތަޢުރީފް

ރާއްޖެއާއި އިންޑިއާގެ ގުޅުހުން އިޢާދަކުރުމުގައި ދެއްކެވި ކެތްތެރިކަމަށް ރައީސް މުޢިއްޒަށާއި ބޮޑުވަޒީރު މޯދީއަށް، ކުރީގެ ރައީސް ނަޝީދު މަރުޙަބާ ވިދާޅުވެއްޖެއެވެ.

މިއަދު އެކްސްގައި ކުރެއްވި ޕޯސްޓެއްގައި ކުރީގެ ރައީސް މުޙައްމަދު ނަޝީދު ވިދާޅުވީ، ދިވެހިރާާއްޖެއާ އިންޑިއާގެ ޚާރިޖީ ގުޅުން، ރަނގަޅުމަގަށް އެޅުވުމަށް ކެތްތެރިކަމާއި، ދުރުވިސްނުމާ އެކު މަސައްކަތްޕުޅު ކުރެއްވިކަމަށްޓަކައި، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒަށާއި، އިންޑިއާގެ ބޮޑުވަޒީރު ނަރެންދްރަ މޯދީއަށް މަރުޙަބާ ކިޔާކަމަށެވެ.

އަދި ދެ ޤައުމުގެ ރައްޔިތުންނަށްވެސް އެދެނީ އެންމެ ހެޔޮގޮތް ވުމަށް ކަމަށާއި، ދެ ޤައުމުގެ ގުޅުން ދެމިއޮތުމަށް އެދޭ ކަމަށްވެސް ރައީސް ނަޝީދު ވިދާޅުވިއެވެ.

އިންޑިއާ އާއި ރާއްޖޭގެ ގުޅުން، ބަދަހިކޮށް، ރަނގަޅުކުރުމަށް ސަރުކާރުން ދަނީ ގިނަ މަސައްކަތްތަކެއް ކުރައްވަމުންނެވެ. އެގޮތުން ރާއްޖޭގެ ޚާރިޖީ ވަޒީރު މޫސާ ޒަމީރު، ދާދި ފަހުން އިންޑިއާއަށް ވަޑައިގެން، އެ ޤައުމުގެ އިސްވެރިންނާ ބައްދަލުކުރައްވާ މަޝްވަރާ ބައްދަލުވުންތައް ބޭއްވި އިރު، އިންޑިއާގެ ބޮޑުވަޒީރު ނަރެންދްރަ މޯދީ، އައު ދަޢުރަކަށް ހޮވިވަޑައިގަތުމުން، އެ މަނިކުފާނު ހުވާ ކުރާ ރަސްމިއްޔާތަށް ވަޑައިގަތުމަށް، މޯދީ ދެއްވި ދަޢުވަތު ޤަބޫލުފުޅުކުރައްވާ، ރައީސް ޑރ. މުޢިއްޒު ރޭ އިންޑިއާއަށް ފުރާވަޑައިގަންނަވާފައިވާކަންވެސް ފާހަގަކޮށްލެވެއެވެ.