މިނިވަންދުވަހުގެ ހަރަކާތްތަކަށް މާލޭގެ ބައެއް ޖެޓީތައް ބަންދުކުރަނީ

މިނިވަންދުވަހުގެ ހަރަކާތްތަކަށް މާލޭގެ ބައެއް ޖެޓީތައް ބަންދުކުރުމަށް ނިންމައިފިއެވެ.

ފުލުހުން ބުނެފައިވަނީ މިނިވަން ދުވަސް ފާހަގަކުރުމަށް ހިންގާ ހަރަކާތްތަކާއި ގުޅިގެން މާދަމާގެ މެންދުރު ފަހު 2:00 އިން ފެށިގެން 28 ވަނަ ދުވަހުގެ މެންދުރު 3:00 ގެ ނިޔަލަށް މާލޭގެ ބައެއް ސަރަހައްދުތައް ބަންދުވާނެ ކަމަށެވެ.

އެގޮތުން، މާލޭ ފަޅުތެރެ ޖެޓީ ނަންބަރު 1، 2، 3 އާންމު ދަތުރުފަތުރަށް ބަންދުވާނެކަމަށް ފުލުހުން ވަނީ ބުނެފަ އެވެ. އެހެންކަމުން އެ ސަރަހައްދުގައި އަޅާފައިވާ އުޅަނދުތައް މާދަމާގެ މެންދުރު ފަހު 2:00 ގެ ކުރިން ނެގުމަށްވެސް ވަނީ އަންގާފަ އެވެ.

މީގެ އިތުރުން ހެވިކަމާއި ކުޅިވަރުގެ ހަރަކާތްތައް މިރޭ ގަލޮޅު ދަނޑުގައި ބޭއްވުމަށް ވަނީ ހަމަޖެހިފަ އެވެ. އެހެންވެ، މިއަދު އިރުއޮއްސި 6:45 އިން ފެށިގެން ކުޅިވަރު ހަރަކާތްތައް ނިމެންދެން އެ ސަރަހައްދުގައި ދަތުރުފަތުރު ކުރުން މަނާ ވާނެ ކަމަށް ފުލުހުން ބުނެފައިވެ އެވެ.

މިއަހަރުގެ މިނިވަންދުވަސް ފާހަގަ ކުރުމުގެ ގޮތުން މާލެ ސިޓީގެ އިތުރުން ރާއްޖޭގެ އެކި ކަންކޮޅުތަކުގައި އެކި ހަރަކާތްތައް ބޭއްްވުމަށް ސަރުކާރުން ވަނީ ނިންމައިފައެވެ.