ޕީޕީއެމް/ޕީއެންސީގެ ފަރާތުން ހިންނަވަރު ގޮނޑިއަށް އެރަށު ސަލާމް!
ޕީޕީއެމް/ޕީއެންސީގެ ފަރާތުން ރައްޔިތުންގެ މަޖިލީހުގެ ޅ. ހިންނަވަރު ދާއިރާގެ ގޮނޑިއަށް އެރަށު ކަނީރުވިލާ އަބްދުއް ސަލާމް މޫސާ ވާދަކުރައްވަން ނިންމަވައިފިއެވެ.
ސަލާމް ވިދާޅުވީ، އެ ދާއިރާއަށް އޭނާ ވާދަކުރައްވަނީ މުޅި ދާއިރާއަށް ތަރައްގީ ގެނެސްދިނުމަށް ކަމަށެވެ. އެހެންކަމުން އޭނާ ވަނީ ދާއިރާގެ ހުރިހާ ރައްޔިތުން ވެސް އޭނާއަށް ތާއީދުކޮށް ވޯޓު ދިނުމަށް އެދިލައްވާފައެވެ.
ހިންނަވަރު ދާއިރާ އަކީ މީގެ ކުރިން އެމްޑީޕީ މެންބަރުން ކާމިޔާބު ކުރައްވަމުން އަންނަ ދާއިރާއެއްކަން ފާހަގަކޮށްލަންޖެހެއެވެ.
އެގޮތުން، މިހާރުގެ ހިނގަމުން މިދާ މަޖިލީހުގެ މި ދައުރުގެ ހިންނަވަރު ދާއިރާ ގޮނޑީގައި އިންނެވީ ޖީހާން މަހުމޫދެވެ. އޭގެ ކުރިން އެތައް ދައުރެއްގައި މިހާރުގެ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވެސް އިންނެވިއެވެ.
ނަމަވެސް ކުރިއަށް އޮތް މަޖިލިސް އިންތިޚާބުގައި ގިނަ ދާއިރާތަކެއް ޕީޕީއެމް/ޕީއެންސީ ކޯލިޝަނަށް ކާމިޔާބު ކުރުން މުހިންމު ކަމަށް އިންތިޚާބީ ރައީސް އާއި އިދިކޮޅުު ކޯލިޝަނުން އަންނަނީ ބުނަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
