ޤައުމީ ފުރަތަމަ ބީޗް ހޭންޑްބޯލް މުބާރާތުގައި ބައިވެރިވުމުގެ ފުރުސަތު ހުޅުވާލައިފި

ހޭންޑްބޯލް މޯލްޑިވްސްގެ ފަރާތުން އިންތިޒާމުކޮށްގެން ބާއްވާ ފުރަތަމަ ޤައުމީ ބީޗް ހޭންޑްބޯލް މުބާރާތް 2026 ގައި ބައިވެރިވުމުގެ ފުރުސަތު ރަޖިސްޓްރީ ކޮށްފައިވާ ކުލަބުތަކާއި ޖަމްޢިއްޔާތަކަށް ހުޅުވާލައިފިއެވެ.

މި މުބާރާތަކީ ރާއްޖޭގައި ބީޗް ހޭންޑްބޯލް ކުޅިވަރު ކުރިއަރުވައި ފުޅާކުރުމުގެ މަޤްޞަދުގައި ބޭއްވޭ މުހިންމު މުބާރާތެއްކަމަށް ކުޅިވަރާ ބެހޭ މިނިސްޓްރީން ވަނީ ބުނެފައެވެ.

މި މުބާރާތް ކުރިއަށް ގެންދިއުމަށް ހަމަޖެހިފައިވަނީ 2026 ވަނަ އަހަރުގެ ނޮވެމްބަރު މަހުގެ 28 ވަނަ ދުވަހުން ފެށިގެން، ޑިސެމްބަރު މަހުގެ 10 ވަނަ ދުވަހުގެ ނިޔަލަށެވެ. މުބާރާތުގައި ބައިވެރިވާން އެދޭ ޓީމުތަކުން (https://forms.gle/MPLySes248aHgqpCA) ލިންކު މެދުވެރިކޮށް ބައިވެރިވުމުގެ ފޯމް ހުށަހެޅޭނެއެވެ.

މި މުބާރާތުގައި ބައިވެރިވުމުގެ އެންމެ ފަހު ތާރީޚަކީ 2026 ނޮވެމްބަރު 10 ވަނަ ދުވަހުގެ މެންދުރު 14:00 އެވެ. ހޭންޑްބޯލް މޯލްޑިވްސްއިން ބުނެފައިވާގޮތުގައި، މި މުއްދަތު ހަމަވުމުގެ ފަހުން ލިބޭ އެއްވެސް ބައިވެރިވުމުގެ ފޯމެއް ބަލައިނުގަނެވޭނެއެވެ.