މިއަދު އޮތް އެއްބައިވަންތަ ކަމުގެ ޖަލްސާގައި އިމްރާން ވާހަކަދައްކަވަނީ: ފޮޓޯ/ ރައީސް އޮފީސް
މިއަދު އޮތް އެއްބައިވަންތަ ކަމުގެ ޖަލްސާގައި އިމްރާން ވާހަކަދައްކަވަނީ: ފޮޓޯ/ ރައީސް އޮފީސް
ހަބަރު 26 Dec 2022 | 16:34

އުފަން ރަށުގައި، ސުނާމީގެ ހަނދާންތަށް އައުކުރައްވަމުން އިމްރާންއަށްވެސް ރޮވިއްޖެ

މީގެ 18 އަހަރު ކުރިން ރާއްޖެ އަށް އެރި ސުނާމީގައި މ. ކޮޅުފުއްޓަށް ލިބުނު ގެއްލުންތަކުގެ ވާހަކަތައް ދައްކަވަމުން، އެ ރަށަށް އުފަން ހޯމް މިނިސްޓަރު އިމްރާނަށް މިއަދު ރޮވިއްޖެ އެވެ.

މިއަދު ފާހަގަކުރާ ދިވެހިންގެ އެއްބައިވަންތަކަމުގެ ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުން ރާއްޖެއަށް އެރި ސުނާމީގެ ހަނދާންތައް އާކުރައްވަމުން އިމްރާނަށް ވާހަކަ ކުރިއަށް ގެންދިއުމަށް ދަތިވެ ދެ ތިން ފަހަރެއްގެ މަތިން ވާހަކަ މެދުކަނޑާލި އެވެ.

”ޑިސެމްބަރު 26، 2004 ވީ އާދިއްތަ ދުވަހުގެ ހެނދުނުގެ ސާއަތްތަކަށް އަޅުގަނޑުމެން ނޭވާލާންޖެހުނީ ހިތާމަޔާ، ކެކުޅުމާ، އާހުގެ އަޑުތަކުގެ ތެރެއަށް. ފުއްޓަރު ފަރާތުން ހޮޅިލާ މުގުރަމުން، ރަށު ތެރެއަށް އަރައިގެން އައި ބިޔަ ރާޅުތަކުގެ ހޮނު ގުގުރި ފަދަ ގަދަފަދަ އަޑުފައްޓަގަނޑާއެކު، ބިރުން ވިރި، ސިހި، ގޮތް ހުސްވެގެން ނުދާ ކުޑަކުއްޖެއް، ބޮޑު މީހެއް، ހަރުމީހެއް ނުވޭ،“

"...ދެމެމުން ދިޔަ ބާރު އޮޔާއެކު ދެތިން ސަތޭކަ މީހުން ރަށުގެ މައި ފަސްގަނޑުން ބޭރުވި. ނަމަވެސް މާތްﷲގެ ރަހުމަތާ އެކު ހުޅަނގު ފަރާތުން ހިނދި ބޮޑުވި ރާޅާއެކު އެންމެން ކަހަލަ ގޮތަކަށް އަނބުރާ ރަށު ތެރެއަށް އެރެވުނު. މަދު މިނިޓު ކޮޅެއްގެ ތެރޭގައި ހަޔާތް ބަރުބާރުވި ކަހަލަ. ހަމަނޭވާއެއް ލެވުނުއިރު މައިންބަފައިންނާއި އަނބިދަރިންގެ ތެރެއަށް ބަޔަކު ވަނީ އަބަދަށްޓަކާައި މި ދުނިޔެއާ އަލްވަދާއު ކިޔާފައި." އިމްރާން ވިދާޅުވިއެވެ.

މިނިސްޓަރު ވިދާޅުވީ ސުނާމީ އަށް ފަހު ރައްޔިތުންގެ ބޯހިޔާވަހިކަން ގެއްލި، އާމްދަނީ ލިބޭނެ ގޮތްތައް ބަންދުވެ، އިޖުތިމާއީ ފޭރާން ވީދި، ރައްޔިތުން ނިކަމެތިވެގެން ދިޔަ ކަމަށެވެ. ކައްކައި ކާނެ ގޮތެއް ނެތި، ވަންނާނެ ގެގޮރެއް އަދި ފައި ޖައްސާނެ ހަރު ފަސްކޮޅެއް ނެތް ކަމަށް ވިދާޅުވި އެވެ.

”ރައްޔިތުން ނިކުންނަން ޖެހުނީ ބަނދަރުމަތީ އޮތް ހިކިފަސްކޮޅަށް. ތުއްތު ދަރިފުޅު ނިންދަވަން ޖެހުނީ ފަޅު ދޯނީގައި. ދުވަހުގެ އިރުއޮއްސި ރޭކުރަން ޖެހުނީ ކަނު އަނދިރިޔާ ބިރުވެރިކަމާއި ނާމާންކަމުގެ ޖަންގެއްޔެއްގައި.“ މިނިސްޓަރު ވިދާޅުވި އެވެ.

ކޮޅުފުއްޓަކީ ސުނާމީގައި އެންމެ ގެއްލުން ލިބުނު އެއް ރަށެވެެ. އެ ކާރިސާގައި އެ ރަށުން 14 މީހުން ވަނީ ނިޔާވެފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.