ހުރިހާ ސަރުކާރަކުންވެސް ފެންބޮޑުވުން ހައްލުކުރަން އުޅުނުނަމަ: ޑރ.ވަހީދު
ލިޔުންތެރިޔާ
ޝަފްރާޒް އަހްމަދު
ފާއިތުވެދިޔަ ހުރިހާ ސަރުކާރަކުންވެސް މާލެއާއި އަތޮޅުތެރޭގެ ރައްރަށުގައި ވިއްސާރަ މޫސުމުގައި ފެންބޮޑުވާ މައްސަލަ ހައްލުކުރުމަށް އެކަށީގެންވާ މަސައްކަތް ހަގީގަތުގައި ކުރެވެންވާނެ ކަމަށް ކުރީގެ ރައީސުލްޖުމްހޫރިއްޔާ ޑރ.މުހައްމަދު ވަހީދު ހަސަން މަނިކު ވިދާޅުވެއްޖެއެވެ.
މާލެއަށް އިއްޔެ ކުރި ބޯ ވިއްސާރައާއި ގުޅިގެން ކުރެއްވި ޓްވީޓެއްގައި ޑރ.ވަހީދު ވިދާޅުވީ، އެމަނިކުފާނުގެ ސަރުކާރާއި ފާއިތުވެދިޔަ ހުރިހާ ސަރުކާރަކުންވެސް މާލެއާއި އަތޮޅުތެރޭގައި ފެންބޮޑުވާ މައްސަލަ ހައްލުކުރުމަށް ހަގީގަތުގައި މަސައްކަތް ކުރެވިފައި އޮންނަން ވާނެކަމަށް ގަބޫލުކުރައްވާ ކަމަށެވެ.
އަދި މާލޭގައި ފެންބޮޑުވުމުގެ ސަބަބުން މީހުން ގެތަކުން ހުސްކުރަން ޖެހުމާއި ގުޅިގެން ހިތާމަކުރައްވާ ކަމަށްވެސް އެމަނިކުފާނު ވިދާޅުވިއެވެ.
އިއްޔެގެ ވަގުތުތަކުގައި ވަރަށް ބޯކޮށް ވާރޭ ވެހެމުންދިޔައިރު، އައިޖީއެމްއެޗް އަދި އަމީނީ މަގު ފަދަ ސަރަހައްދުތަކުގައި ދެފޫޓެއްހާ އުސްކޮށް ފެންބޮޑުވިއެވެ. މީގެ ސަބަބުން އެ ސަރަހައްދުތަކުގައި ހިނގާ ބިނގާވެ އުޅުމަށާއި ދުއްވާ ތަކެތި ދުއްވުމަށް ބޮޑެތި ދަތިތަކާއި ކުރިމަތިލާން ޖެހުނެވެ.
ނަމަވެސް އެމްއެންޑީއެފްގެ ބުރަ މަސައްކަތުން ރޭގެ ވަގުތެއްގައި މާލޭގެ މަގުތަކުން ފެންގަނޑު ހިންދާލާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
