އިތުރު 18 ފަރާތަކަށް ޕީޕީއެމްގެ މަޖިލިސް ޓިކެޓްދީފި

އަންނަ އަހަރުގެ ރައްޔިތުންގެ މަޖިލީހުގެ އިންތިހާބުގައި ވާދަކުރުމަށް 18 ފަރާތަކަށް ޕީޕީއެމްގެ ފަރާތުން ޕްރައިމަރީއަކާއި ނުލައި ޓިކެޓްދީފިއެވެ.

މި ފަރާތްތަކަށް ޓިކެޓްދީފައިވަނީ މިރޭ ޕީޕީއެމްގެ އޮފީސް، ހ.ހުރަފައިގައި ބޭއްވި ޚާއްސަ ރަސްމިއްޔާތެއްގައެވެ.

މިރޭ ޓިކެޓް ދިން ފަރާތްތަކުގެ ތެރޭގައި ކުރީގެ ވަޒީރުންކަމުގައިވާ އަލްއުސްތާޛާ އާޒިމާ ޝުކޫރު، ޑރ.މުހައްމަދު ޝައިނީ އަދި އަހުމަދު ޒުހޫރުވެސް ހިމެނިވަޑައިގަންނަވައެވެ.

އަދި މަޝްހޫރު ނޫސްވެރިޔާ ލަޔާލް މަނިކު، ނިއުޕޯޓްގެ ކުރީގެ މެނޭޖިންގް ޑިރެކްޓަރ ޒާހިދު ރަމީޒު އަދި ރައީސް އޮފީހުގެ ކުރީގެ ސްޓޭޓް މިނިސްޓަރ ޣައްސާން މައުމޫން ފަދަ ފަރާތްތައްވެސް ހިމެނޭކަން ފާހަގަކޮށްލެވެއެވެ.

މިރޭ ޕީޕީއެމްއިން ވަނީ ޑީއާރްޕީގެ ލީޑަރ މުހައްމަދު ނަޝީދު ކާށިދޫ ދާއިރާއަށް، އަދި އެޕާޓީގެ މެންބަރު އަދި މާލެސިޓީގެ ކައުންސެލަރ އަހުމަދު ފިޝާވިން ހެންވޭރު އުތުރު ދާއިރާއަށް ވާދަކުރުމަށްވެސް ޕީޕީއެމުންވަނީ ތާއިދުކޮށްފައެވެ.

މިރޭގެ ހަފްލާގަައި ޕީޕީއެމްއިން ޓިކެޓް ދިން ފަރާތްތަކުގެ ލިސްޓް ތިރީގައި މިވަނީއެވެ:

- ނ. ހޮޅުދޫ ދާއިރާއަށް އައިޝަތު އާޒިމާ ޝަކޫރު

- ފ. ބިލެތްދޫ ދާއިރާއަށް އަހުމަދު ޝަފީގު

- ތ ގުރައިދޫ ދާއިރާއަށް މުހައްމަދު ގައްސާން މައުމޫން

- ތ. ތިމަރަފުށީ ދާއިރާއަށް އިބްރާހިމް ސަމާހު

- ގދ. ތިނަދޫ އުތުރު ދާއިރާއަށް އަހުމަދު ޒުހޫރު

- ފުވަމުލަކު ސިޓީ މެދުދާއިރާއަށް ހަސަން ހާލިދު

- އައްޑޫ ހިތަދޫ މެދު ދާއިރާއަށް ޒާހިދު ރަމީޒް

- އައްޑޫ ހިތަދޫ ދެކުނު ދާއިރާއާށް މުހައްމަދު ލަތީފް

- މައްޗަންގޮޅި އުތުރު ދާއިރާއަށް ޖަމީލާ އަލީ ހާލިދު

- ހުޅުމާލެ ދާއިރާއަށް އިބްރާހިމް ފައިސަލް

- ހެންވޭރު އުތުރު ދާއިރާއާށް ޑރ. މުހައްމަދު ޝައިނީ

- ހިންނަވަރު ދާއިރާއަށް ނާޒިމް އިބްރާހިމް

- މަތިވެރި ދާއިރާއަށް ލަޔާލް މަނިކް

- ބިލެއްދޫ ދާއިރާއަށް އަހުމަދު ޝަފީއު

- ތޮއްޑޫ ދާއިރާއަށް މުހައްމަދު މަބްރޫކް

- ކާށިދޫ ދާއިރާއަށް މުހައްމަދު ނަޝީދު، ކާނަލް ނަޝީދު

- ހެންވޭރު ދެކުނު ދާއިރާއަށް މުހައްމަދު ފިޝާވީން ސަލީމް

މީގެ ކުރިން ޕީޕީއެމްއިން ވަނީ ވިހިވަރަކަށް ފަރާތަށް މަޖިލިސް ޓިކެޓު ހަވާލުކޮށްފައެވެ.