ކެނދިކުޅުދޫ ސުކޫލުން ޣައްޒާއަށް އެހީވުމަށް 47،670 ރުފިޔާ ހަދިޔާ ކޮށްފި

ކެނދިކުޅުދޫ ސްކޫލުން ފަލަޞްޠީނުގެ ޣައްޒާގައި ޙާލުގައި ޖެހިފައިވާ ފަރާތްތަކަށް އެހީ ފޯރުކޮށްދީފިއެވެ.

ޣައްޒާގައިވާ ރައްޔިތުންނަށް އެހީވުމަށް އިންޓަނޭޝަނަލް އެއިޑް ކެމްޕެއިން، އައިއޭސީއިން ހުޅުވާފައިވާ "ޣައްޒާ އެމަރޖެންސީ ރިލީފް" ފަންޑަށް އެހީވުމުގެ ގޮތުން، ކެނދިކުޅުދޫ ސްކޫލުގެ މުވައްޒަފުންނާއި ބެލެނިވެރިން އިސްނަގައިގެން، 47،670 ރުފިޔާ ހަދިޔާ ކޮށްފިއެވެ.

ކެނދިކުޅޫދޫ ސުކޫލުން އެހީ ފޮނުވާފައިވަނީ، މި ރަމަޟާން މަހު ޣައްޒާގައި ޙާލުގައި ޖެހިފައި ތިބި ރައްޔިތުންނަށް 681 އިފްޠާރު ޕެކު ފޮނުވުމަށެވެ.

ނިރުބަވެރި އިސްރާއީލުން މެދުކެނޑުމެއްނެތި ފަލަސްތީނަށް ދެމުންގެންދާ ވަރުގަދަ ހަމަލާތަކުގެ ސަބަބުން އެތައް ބަޔަކު ދަނީ ގެދޮރު ނެތިވެ، ހައިހޫނުކަންމަތީގައި ޝަހީދުވަމުންނެވެ. ކާނެ އެއްޗެއް ނުލިބި މި ރަމަޟާން މަހުވެސް ފަލަސްޠީނުގެ އެތައް ރައްޔިތުންނެއް ވަނީ ދުނިޔެ ދޫކޮށްފައެވެ.