ބިންވެރިޔާ ސްކީމްގެ ދަށުން ދޫކުރެވިފައިވާ ސްލޮޓުތަކުން އިން ވަކިކުރަން ފަށައިފި

ބިންވެރިޔާ ސްކީމްގެ ދަށުން ދޫކުރެވިފައިވާ ސްލޮޓުތަކުން އިން ވަކިކުރަން ފަށައިފިއެވެ.

ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން މި މަސައްކަތް ފައްޓަވައިދެއްވީ އެކުންފުނީގެ މެނޭޖިންގ ޑިރެކްޓާ އިބްރާހިމް ފަޒުލް ރަޝީދެވެ.

ހުޅުމާލޭ ފޭސް 2 ގެ ސަރަހައްދެއްގައި މި މަސައްކަތް ފެށުމަށް ބޭއްވި ރަސްމިއްޔާތުގައި ފަޒުލް ވާހަކަފުޅު ދައްކަވަމުން ވިދާޅުވީ، ބިން ސާފުކޮށް އިން ވަކިކޮށްދިނުމުން މަސައްކަތްތައް އަވަސްވެގެން ދާނެކަމަށާއި، ޕޯޓަލް މެދުވެރިކޮށް ދޭ ހުއްދަ ލިބުމާއެކު އިންފާރު ރާނަން ފެށޭނެ ކަމަށެވެ.

އެޗްޑީސީގެ އުއްމީދަކީ، ހުޅުމާލޭގައި ބިންވެރިޔާގެ ގޯތިތަކުގެ ތެރެއިން ހިއްކަމުންދާ ސަރަހައްދު ފިޔަވައި ދެންހުރި ހުރިހާ މަސައްކަތްތަކެއް މިވަގުތު ހައްލުކޮށްދެވެންހުރި ކަންކަން ހައްލުކޮށްދީ ނިންމުންކަމަށް ގެނައުން ކަމަށް ފަޒުލް ވިދާޅުވިއެވެ.

އަދި މިއީ ކުރިން 3 މަރުހަލާއެއްގައި ކުރަމުން އައި މަސައްކަތެއް ނަމަވެސް މިހާރު އެއް މަރުހަލާއިން މި މަސައްކަތް ކުރެވޭނެ އިންތިޒާމަކަށް ބަދަލުކޮށްދީފައިވާ ކަމަށްވެސް ފަޒުލްގެ ވާހަކަފުޅުގައި ވަނީ ފާހަގަކުރައްާފައެވެ.

މީގެ އިތުރުން ހިލަފުނި ޖަހާފައި ހުރިތަންތަނުން ވެސް ބިން ދީފައި ހުންނާނެކަމަށާއި، މިހާރު އެތަންތަންވެސް ރީލޮކޭޓް ކުރުމުގެ މަސައްކަތް ކުރިއަށްދާނެ ކަމަށް ފަޒުލް ވިދާޅުވިއެވެ. ފަޒުލް އިތުރަށް ވިދާޅުވީ ނެޓްވޯކް މައްޗަށް ބިން އަރާފައި ހުރިކަމަށް ބުނެ ބިން ނުދީ ނުތިބޭނެ ކަަމަށާއި، އެޗްޑީސީ އާއި ސްޓެލްކޯ އަދި އެމްޑަބްލިއުއެސްސީ އާ ގުޅިގެން އެ ނެޓްވޯކްތައްވެސް ބަދަލު ކުރުމުގެ މަސައްކަތް ކުރަމުންދާކަމަށެވެ.