ދިޔަމިގިލީ ޖަލްސާގައި ރައީސް ވާހަކަދައްކަވަނީ. ފޮޓޯ: އެމްޑީޕީ
ދިޔަމިގިލީ ޖަލްސާގައި ރައީސް ވާހަކަދައްކަވަނީ. ފޮޓޯ: އެމްޑީޕީ
ހަބަރު 27 Aug 2023 | 17:24

120 ރަށަށް ދެވިއްޖެ؛ ފެންނަނީ އިސްލާޙީ ބަދަލާއެކު ކުރިއަށްދާން ތިބި މަންޒަރު: ރައީސް ޞާލިޙް

ރާއްޖޭގެ ސަތޭކަ ވިއްސަކަށް ރަށަށް ދެވިއްޖެ ކަމަށާއި ދެވޭ ކޮންމެ ރަށަކުންވެސް ފެންނަނީ އެމަނިކުފާނުގެ ސަރުކާރުން ގެނެސްފައިވާ އިސްލާޙީ ބަދަލާއިއެކު ރައްޔިތުން ކުރިއަށްދާން ތިބި މަންޒަރުކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.

ރައީސް ޞާލިޙް މިހެން ވިދާޅުވީ އެމަނިކުފާނުގެ ކެމްޕޭނު ދަތުރުފުޅުގައި ތ ދިޔަމިގިއްޔަށް ވަޑައިގެން އެރަށު ރައްޔިތުންނާއި ބައްދަލު ކުރައްވައި ވާހަކަފުޅު ދައްކަވަމުންނެވެ.

"އަޅުގަނޑު މިއަންނަނީ ރައްޖޭގެ އެކި ރަށްރަށަށް ދަތުރުކުރަމުން، ވަރަށް ގިނަ ރަށްރަށަށް ދަތުރު ކުރެވިއްޖެ، ސަތޭކަ ވިއްސަކަށް ރަށަށް އަޅުގަނޑަށް ދެވިއްޖެ މިހާރު، އެއިން ކޮންމެ ރަށަކުން އަޅުގަނޑަށް ފެންނަނީ މި އިސްލާޙީ ހެޔޮ ބަދަލާއި އެކީގައި ކުރިއަށްދާން ތިބިތަން" ރައީސް ޞާލިޙް ވިދާޅުވިއެވެ.

ރައީސް ޞާލިޙް ވިދާޅުވީ އިންތިޚާބުގައި ވޯޓުލުމުގެ ކުރިން ހުރިހާ ރައްޔިތުންވެސް ވިސްނާ ފިކުރު ކުރައްވަން ޖެހޭ ކަމެއް ވާކަމަށެވެ. އެއީ ވަޢުދުވެފައި ވަޢުދު ފުއްދަނީ ކޮންބައެއްތޯ ބެލުން ކަމަށް ރައީސް ޞާލިޙް ވިދާޅުވިއެވެ.

ރައީސް ވިދާޅުވީ މިދިޔަ ފަސްއަހަރު ދުވަހުގެ ތެރޭގައި މިރާއްޖެގައި މިއިން ދުވަހަކު ނުހިނގާ ވަރަށް ތަރައްޤީގެ މަޝްރޫޢުތައް ހިންގާފައިވާނެ ކަމަށާއި ރައްޔިތުންނަށް އެތަން ފެންނާނެ ކަމަށެވެ.

ރައީސް ވިދާޅުވީ ރާއްޖޭގެ ރަށްރަށަށް ގެނެވިފައިވާ ބޮޑެތި ބަދަލުތައް ގެންނަމުން ދިޔައިރު ސަރުކާރަށް ދިމާވަމުން ދިޔަ ދަތިތަކަށް ރައްޔިތުން ވިސްނާވަޑައިގަންނަވަނެ ޖެހޭ ކަމަށެވެ.

އެގޮތުން ކޮވިޑުގެ ދުވަސްވަރު ރައްޔިތުންނާއި ސަރުކާރު ތަހައްމަލު ކުރި ދަތި އުނދަގޫ ދުވަސްތައް ހަނދާންކުރަން ޖެހޭ ކަމަށާއި، ސަރުކާރުގައި ތިބެ ވެރިކަން ކުރަމުންދިޔައިރު ސަރުކާރުގެ އެތެރޭންނާއި ބޭރުން، ޕާޓީގެ އެތެރޭގައި ތިބި ބަޔަކު ކުރި އުނދަގުލާއި ދައްޗާއި، ވާދަވެރި އިދިކޮޅުގައި ތިއްބެވި ބޭފުޅުން ކުރި އުނދަގުލާއި ދައްޗަކީ މިއަދު ރައްޔިތުން ވިސްނާބަޑައިގަންނަވަން ޖެހޭ ކަމެއް ކަމަށް ރައީސް ވިދާޅުވިއެވެ.

"އެއިން ބޭފުޅަކު އެއިން ޕާޓީއެއް ރާއްޖޭގެ ވެރިކަމަށް އަތުވެއްޖެއްޔާ ކަންވެދާނެ ގޮތް އެއީ ތިބޭފުޅުން ވިސްނާވަޑައިގަންނަވަން ޖެހޭ ކަމެއް، ރައްޔިތުންނަށް ޚިދްމަތް ކުރުމުގެ ރައްޔިތުންގެ ތަރައްޤީއަށް ކަމެއް ކުރުމަށް ބޭނުންވާ ބޭފުޅަކު އެޔަކު ނެތް، އެއީ ޔަޤީން ކަމެއް" ރައީސް ޞާލިޙް ވިދާޅުވިއެވެ.

ރައީސް ވިދާޅުވީ ރައްޔިތުނަށް ކަމެއް ކޮށްދެއްވާނެނަމަ އެބޭފުޅުންނަށް ލިބުނު ފުރުސަތުގައި އޮންނާނީ އެކަން ކޮށްފައި ކަމަށެވެ. އަދި އެއާއި ޚިލާފަށް އެބޭފުޅުން ވަނީ ރައްޔިތުންނާއި މެދު އިހުމާލު ވެފައި ކަމަށް ރައީސް ވިދާޅުވިއެވެ.

ތ.އަތޮޅަށް ރައީސް ކުރައްވަމުން ގެންދަވާ ދަތުރުފުޅުގައި ކޯލިޝަންގެ އިސް ބޭފުޅުންވެސް ދަނީ ބައިވެރިވެވަޑައިގަންނަވަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދިޔަމިގިލީ ސްކޫލުގައި ސިފައިން އިމާރާތް ކުރަންފެށި 3 ބުރީގެ އިމާރާތުގެ މަސައްކަތް 235 ދުވަހުން ނިންމާލައިފި
22 Nov 2026 ހަބަރު

ދިޔަމިގިލީ ސްކޫލުގައި ސިފައިން އިމާރާތް ކުރަންފެށި 3 ބުރީގެ އިމާރާތުގެ މަސައްކަތް 235 ދުވަހުން ނިންމާލައިފި

ތ. ދިޔަމިގިލީ ސްކޫލުގައި 10 ކުލާސްރޫމް ހިމެނޭ ތިން ބުރީގެ އިމާރާތް އެމްއެންޑީއެފް ސިފައިން 235 ދުވަހުގެ ތެރޭގައި ފުރިހަމަކޮށް ނިންމައިފިއެވެ.