"މިއީ ވެރިމީހާ، ރާއްޖޭގެ ބޮޑުބައެއް ސިއްރު ސިޓީއަކަށް ވިއްކާލި ދުވަހެއްގެ ގޮތުގައި ފާހަގަ ކުރާނެ ދުވަހެއް"

މިއަދު, 28 އެޕްރީލް, ދިވެހިން ފާހަގަކުރާނީ ވެރިމީހާ ރާއްޖޭގެ ބޮޑުބައެއް ސިއްރު ސިޓީއަކަށް ވިއްކާލި ދުވަހެއްގެ ގޮތުގައި ކަމަށް ރައްޔިތުންގެ މަޖިލީހުގެ މާވަށު ދާއިރާގެ މެންބަރު މުހައްމަދު ސަޢީދު ވިދާޅުވެއްޖެއެވެ.

ކަނޑުގެއިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)އަށް ހުށަހަޅާފައިވާ ރާއްޖޭގެ ދެކުނުން އޮންނަ ޗާގޯސް އައިލެންޑްސް (ފޯޅަވަހި) މައްސަލައިގައި މިއަދު ވަނީ ގޮތް ނިންމާފައެވެ.

އެގޮތުން، އިޓްލޮސް އިން އެ މައްސަލައިގައި ހުކުމް އިއްވީ ފުށުއަރާ 200 ނޯޓިކަލް މޭލުގެ ސަރަހައްދު ރާއްޖެއާއި މޮރިޝަސްއާ ދެމެދު އެއްވަރަކަށް ބެހުމަށެވެ. އަދި އެގޮތުން، ބަހާއިރު، އިން ކަނޑައަޅަން ނިންމާފައިވަނީ ރާއްޖެއިން އެދުނު ގޮތަށެވެ. އޭގެ ސަބަބުން ރާއްޖޭގެ މަސްވެރިން މަސްވެރިކަން ކުރާ ކަނޑުގެ ސަރަހައްދުން 50000 އަކަ ކިލޯ މީޓަރަށްވުރެ ބޮޑު ބައެއް ގެއްލޭނެ ކަމަށް އިދިކޮޅުން އަންނަނީ ބުނަމުންނެވެ.

އެގޮތުން، އެކަމާއި ގުޅިގެން ސަޢީދު ކުރެއްވި ޓްވީޓެއްގައި ވިދާޅުވީ، މިއީ ފަހުގެ ތާރީޙުގައި ދިވެހިން ތަޙައްމަލްކުރާނެ ދެ ވަނަ އުދުވާން ކަމަށެވެ.

"3 ނޮވެމްބަރުގައި މަޢްސޫމްއެތައްބަޔަކު މަރާދިވެހި ފަސްގަނޑަށް ވައްޓާލި. ޝަހީދުކުރި. މިއަދު، 28 އެޕްރީލް ދިވެހިން ފާހަގަކުރާނީ ވެރިމީހާ ޤައުމަށް ޤައްދާރުވި ކަޅުދުވަހެއްގެ ގޮތުގައި. ރާއްޖޭގެ ބޮޑުބައެއް ސިއްރު ސިޓީއަކަށް ވިއްކާލި ދުވަހެއްގެ ގޮތުގަ." ސައީދު ވިދާޅުވި އެވެ.

ސަޢީދުގެ އިތުރުންވެސް އިދިކޮޅު ޕީޕީއެމްގެ މެންބަރުންނާއި ޖުމްހޫރީ ޕާޓީގެ މެންބަރުންގެ އިތުރުން، އެމްޑީޕީގެ ބައެއް މެންބަރުންވެސް އަންނަނީ ރާއްޖެއިން އެ މައްސަލާގައި ވަކާލާތު ކުރި ގޮތާއި މެދު ނުރުހުން ފާޅުކުރަމުންނެވެ.