ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އާއި މިނިސްޓަރު އަސްލަމް
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އާއި މިނިސްޓަރު އަސްލަމް
ހަބަރު 28 May 2023 | 12:07

މި ސަރުކާރަކީ ހުވަފެން ދައްކާ ބައެއް ނޫން، ވައުދު ވެފަ، ވައުދު ފުއްދާ ބައެއް: އަސްލަމް

މި ސަރުކާރަކީ ވައުދުވާ ބައެއް ކަމަށާއި، ހުވަފެން ދައްކާ ބައެއް ނޫން ކަމަށާއި، ވައުފު ވެފަ ވައުދު ފުއްދުމަށްފަހު އެކަމުގެ އުފާ ފާޅު ކުރާ ސަރުކާރެއް ކަމަށް ޕްލޭނިންގ މިނިސްޓަރ މުހައްމަދު އަސްލަމް ވިދާޅުވެއްޖެއެވެ.

މިނިސްޓަރ މިހެން ވިދާޅުވެފައިވަނީ ފ. މަގޫދޫގައި އަލަށް ޢިމާރާތްކުރެވުނު ފެނަކަ އޮފީސް ޢިމާރާތް ހުޅުވުމުގެ ގޮތުން ރޭ ބޭއްވި ޖަލްސާގައި ވާހަކަ ދައްކަވަމުންނެވެ.

އެގޮތުން އަސްލަމް ވިދާޅުވީ މި ސަރުކާރުން 561 އުމްރާނީ ތަރައްޤީގެ މަޝްރޫއެއް ކުރިއަށް ގެންގޮސްފައިވާއިރު މީގެ ތެރެއިން 118 މަޝްރޫއެއް ނިންމައިފައިވާ ކަމަށެވެ.

މީގެ ތެރެގައި ބަނދަރާއި، ޖެޓީ، މަގު، ގޮޑުދޮށް ހިމާޔަތް ކުރުން، ބިން ހިއްކުން، ގެދޮރު އެޅުން، ކޯޒްވޭ ހެދުން، ފެން ހިންދާ ނިޒާމް، އެއާޕޯޓް، އޮފީސް އިމާރާތްތައް، މޫދަށް އެރޭ ސަރަހައްދު، ޕޯޓް، ބްރިޖް، ފެނާއި ނަރުދަމާ އަދި ރާއްޖޭގެ ރަށްތައް ފެރީގެ ވިއުގަ އަކުން ގުޅާލުމުގެ މަސައްކަތްތައް ހިމެނޭ ކަމަށް އަސްލަމް ވިދާޅުވިއެވެ.

އަދި ހަމަ މިމަސައްކަތް ތަކުގެ ތެރެއިން 229 މަސައްކަތެއްގެ އަމަލީ މަސައްކަތް މިހާރުވެސް ހިނގަމުންދާ ކަމަށާއި 20 ރަށެއްގެ ފެނާއި ނަރުދަމާގެ މަސައްކަތް މި ސަރުކާރުން ނިންމާފައިވާއިރު 122 ރަށެއްގެ ފެނާއި ނަރުދަމާގެ މަސައްކަތް މިހާރުވެސް ކުރިއަށް ހިނގަމުންދާ ކަމަށް އަސްލަމް ވަނީ ވިދާޅުވެފައެވެ.

"ކުރިއަށް އޮތް ތިން ހަތަރު މަސްދުވަހުގެ ތެރޭގައި މި ދެންނެވި 122 ފެނާއި ނަރުދަމާގެ މަޝްރޫއުގެ ތެރެއިން ގިނަ ޕްރޮޖެކްޓައް އުޅެނީ 70 80 ޕަސެންޓް މަސައްކަތް ނިމިފަ. ކުރިއަށް އޮތް 3 މަސް ރައީސް ޖެހިވަޑައިގަންނަވާނެ މިހެން ދުވާލަކު ދެ ތިން ފެނާއި ނަރުދަމާގެ މަޝްރޫއު އިފްތިތާހު ކުރަން." އަސްލަމް ވިދާޅުވިއެވެ.

މިއާއިއެކު އަސްލަމް ވިދާޅުވީ މި ސަރުކާރުގެ އެންމެ ބޮޑު ތަފާތަކީ މަސައްކަތެއް ފައްޓާ ރަސްމިއްޔާތެއްގައި އަދި ބިންގާ އަޅާ ރަސްމިއްޔާތެއްގައި ބައިވެރިވެ ވަޑައިގަންނަން ނުޖެހުން ކަމަށާއި ރައީސް ވެސް މިފަދަ ރަސްމިއްޔާތެއްގައި ބައިވެރި ވަޑައިނުގަންނަވާ ކަމަށެވެ.

"މަސައްކަތް ނިންމަވާފަ ރައްޔިތުންނަށް ޚިދުމަތް ދިނުމަށް ފަށާ ރަސްމިއްޔާތުގައި މުޅިންވެސް އަޅުގަނޑުމެން ބައިވެރިވަނީ. އަޅުގަނޑުމެން މިއީ ވައުދުވާ ބައެއް، ހުވަފެން ދައްކާ ބައެއް ނޫން، ވައުދު ވެފަ ވައުދު ފުއްދާފަ އެކަމުގެ އުފާ ފާޅޫ ކުރަން އަޅުގަނޑުމެން އަންނަނީ." އަސްލަމް ވިދާޅުވިއެވެ.

މީގެ އިތުރުން އަސްލަމް ވިދާޅުވީ މި ސަރުކާރުގެ ރައީސުލްޖުމްހޫރިއްޔާ އަދި ރައީސުލްޖުމްހޫރިއްޔާގެ ކެބިނެޓުންވެސް މަސައްކަތް ކުރުމުގައި އެއްވެސް ގޮތަކަށް ކަންދެއްކުމަށް ނޫޅޭ ކަމަށާއި މާ ދިގު އަދި މާ ގިނަ ހެޑްލައިންއެއް ކޮންމެ ދުވަހަކު ނަހަދާ ކަމަށެވެ.

އެގޮތުން މި ސަރުކާރުން ކަން ކުރާ ގޮތަކީ ކަމެއް ކުރަން ބޭނުންވުމުން އެކަމާއި ދޭތެރެ ވިސްނާ، ޕްލޭން ކޮށް، އަދި އެކަން ކުރުމަށްފަހު އެ ކަމުގެ ވާހަކަ ދެއްކުން ކަމަށް އަސްލަމް ވިދާޅުވިއެވެ.

ރައީސުލްޖުމްހޫރިއްޔާ އަދި އެމަނިކުފާނުގެ އަނބިކަނބަލުން ފަޒްނާ އަޙްމަދާއި، ދައުލަތުގެ ވަޒީރުންނާއި، ރައްޔިތުންގެ މަޖިލީހުގެ މެމްބަރުން ދަނީ ފ އަތޮޅުގެ ރަށްތަކަށް ދަތުރު ކުރައްވަމުންނެވެ. އެގޮތުން މަގޫދޫގެ އިތުރުން ދަރަނބޫދޫ އަދި ނިލަންދޫ އަށް ވެސް މި ބޭފުޅުން ވަނީ ވަޑައިގެންފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ގިނަވެގެން އަހަރެއް ތެރޭގައި މަގޫދޫގެ އެއާޕޯޓު ނިންމާނަން: ރައީސް
21 Sep 2025 ހަބަރު

ގިނަވެގެން އަހަރެއް ތެރޭގައި މަގޫދޫގެ އެއާޕޯޓު ނިންމާނަން: ރައީސް

ފ. މަގޫދޫގެ އެއާޕޯޓުގެ މަސައްކަތް ގިނަވެގެން އަހަރެއްގެ ތެރޭގައި ނިންމަވާނެ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ. މިހާރު ފ. އަތޮޅަށްކުރައްވަމުން ގެންދާވާ ދަތުރުފުޅުގެ ތެރެއިން ރައްޔި...