ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު/ ފޮޓޯ: ރައީސް އޮފީސް
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު/ ފޮޓޯ: ރައީސް އޮފީސް
ހަބަރު 28 May 2023 | 17:19

މަގޫދޫގައި ފެނާއި ނަރުދަމާގެ މަޝްރޫއު އިފްތިތާހުކޮށް ފެނަކަ އޮފީސް ހުޅުވައިދެއްވައިފި

ފ. މަގޫދޫ ފެނާއި ނަރުދަމާގެ މަޝްރޫއު އިފްތިތާޙުކޮށްދެއްވާ އަލަށް އިމާރާތްކުރެވުނު ފެނަކަ އޮފީސް ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިހު ހުޅުވައިދެއްވައިފި އެވެ.

މަގޫދޫ ފެނާއި ނަރުދަމާގެ މަޝްރޫއު އިފްތިތާޙު ކުރައްވާފައިވަނީ ރައީސުލްޖުމްޙޫރިއްޔާ އިބްރާހިމް މުޙައްމަދު ޞާލިހު ފ. އަތޮޅަށް ކުރައްވާ ދަތުރުފުޅުގައި މިއަދު އެ އަތޮޅު މަގޫދުއަށް ވަޑައިގެން، އެކަމަށްޓަކައި ބޭއްވި ޚާއްސަ ޙަފްލާއެއްގަ އެވެ.

އެ ޖަލްސާގައި ވާހަކަދައްކަވަމުން ރައީސް ޞާލިހު ވިދާޅުވީ މަގޫދޫއަކީވެސް އެ ރައްޔިތުން ބޭނުންވާ ޒަރޫރީ ޚިދުމަތްތައް ނުހަނު ބޮޑަށް ބޭނުންވެފައި އޮތް ރައްޔިތެއް ދިރިއުޅެމުން އަންނަ ރަށެއް ކަމަށެވެ.

މަގޫދޫ ތަރައްޤީ ކުރުމަށްޓަކައި މަގޫދޫ ރައްޔިތުންނަކީ އަބަދުވެސް އެކުވެރިކަމާ އެކީގައި، އެއް ޢަޒުމެއްގައި ބުރަ މަސައްކަތްތަކެއް ކުރާ ރައްޔިތެއް އުޅޭ ރަށެއްކަން ރައީސް ފާހަގަކުރެއްވި އެވެ. އަދި ރަށުގެ ރައްޔިތުން އަބަދުވެސް ބޭނުންވަނީ ތަރައްގީ ކަމަށާއި، އަމިއްލަ މަސްލަހަތަށްވުރެ މަގޫދޫ ރައްޔިތުން އިސްކުރަނީ ތަރައްގީކަމަށް ރައީސް ވިދާޅުވި އެވެ.

އެހެން ނަމަވެސް މިއަދާއި ހަމަޔަށް މަގޫދޫގައި ފެނާއި ނަރުދަމާގެ ޚިދުމަތް ނެތް ކަމަށާއި، ކަރަންޓުގެ ޚިދުމަތްވެސް އެކަށީގެންވާ ގޮތެއްގައި ނުލިބޭތާ ޒަމާންތަކެއް ވެފައިވާކަން ރައީސް ފާހަގަކުރެއްވި އެވެ.

އެކަން ފާހަގަކުރައްވާ ރައީސް ވިދާޅުވީ ކުޑަ ރަށެއް ބޮޑު ރަށެއް ނުބަލާ ރަށްތައް ތަރައްގީކުރާ ވާހަކަ މި ސަރުކާރުން ދައްކަނީ ކުދި ރަށްރަށުގައި ވެސް އުޅެނީ ދިވެހި ރައްޔިތުންކަމަށް ވާތީ ކަމަށެވެ.

މީހެއްގެ ސިޔާސީ ވިސްނުން ވަކިގޮތެއްގައި ހުރުމަކީ އެމީހަކަށް ލިބެން ޖެހޭ އަސާސީ ޚިދުމަތްތަކުން މަހުރޫމުވާން ޖެހޭ ސަބަބެއް ނޫންކަމަށާއި، އެމަނިކުފާނު މަސައްކަތްޕުޅު ކުރައްވަމުން ގެންދަވަނީ އެ ސިޔާސަތުގެ ދަށުންކަމަށް ރައީސް ޞާލިހު ވިދާޅުވި އެވެ.

އަދި ވިދާޅުވީ މިހާރު މަގޫދޫ ވަނީ އަސާސީ ޚިދުމަތްތައް ފުރިހަމަ ކުރެވިފައިވާ ރަށަކަށް ވެގެން ގޮސްފައިކަމަށެވެ. މަގޫދޫގައި ފެނާއި ނަރުދަމާގެ މަޝްރޫއުގެ ތެރެއިން ރައްޔިތުންގެ ތަކުލީފުތަކަށް ޙައްލު ލިބިގެންދާނެ ކަމަށާއި، އެކަމަށްޓަކައި މަޝްރޫއު ކުރިއަށް ގެންދިއުމުގައި އެހީތެރިވެދެއްވި ހުރިހާ ފަރާތްތަކަށް ޝުކުރު އަދާކުރައްވާކަމަށް ރައީސް ވިދާޅުވި އެވެ.

އޭގެ އިތުރުން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ވަނީ މަގޫދޫގައި ކުރިއަށް ގެންދާ އިތުރު ބައެއް މަޝްރޫއުތަކަށް ވެސް އަލިއަޅުވާލައްވާފަ އެވެ. އަދި ވިދާޅުވީ އެ ރަށުގައި އަޅާ އެއާޕޯޓުގެ މަސައްކަތް ނިމި، މި ސަރުކާރުން ފަށާފައިވާ އެހެނިހެން މަޝްރޫއުތައް ނިމޭއިރު، ފ އަތޮޅުން ތަރައްގީގެ އިންގިލާބީ ބޮޑު ބަދަލުތަކެއް ފެނިގެންދާނެ ކަމަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.