ފާހިޝް ކަންކަން ފާޅުގައި ފަތުރަމުންދާއިރު، އަޅާނުލަނީ ކޮން މަގުސަދެއް ހާސިލް ކުރަންތޯ؟: ޢަލީ ރަމީޒު

ފާހިޝް ކަންކަން ފާޅުގައި ފަތުރަމުންދާއިރު، އެކަމަށް އެއްވެސް ގޮތަކަށް އަޅާނުލާތީ ޖަމިއްޔަތުއް ސަލަފުގެ ޗީފް މާކެޓިންގ އޮފިސަރ އަލީ ރަމީޒު ކަންބޮޑުވުން ފާޅުކޮށްފިއެވެ.

އަލީ ރަމީޒު މިއަދު ކުރެއްވި ޓުވީޓެއްގައި ވަނީ، ފާހިޝް ކަންކަން ފާޅުގައި ފަތުރަމުންދާއިރު، އެކަމާ އެއްވެސް ގޮތަކަށް އަޅާނުލައި، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ސަރުކާރުން މި އޮންނަނީ ކޮން ބަޔަކު ޓެސްޓް ކުރަންތޯ ސުވާލު ކުރައްވާފައެވެ.
"ނޫނީ ކޮން މަގުސަދެއް ހާސިލް ކުރަންތޯ؟" ފާހިޝް ކަންކަން ފަތުރާ ފަރާތްތަކާއި މެދު ފިޔަވަޅު ނާޅާތީ ކަންބޮޑުވުންފާޅުކޮށް އަލީ ރަމީޒު ކުރެއްވި ޓުވީޓުގައިވެއެވެ.

އަލީ ރަމީޒު މިފަދައިން ވިދާޅުވެ ކަންބޮޑުވުންފާޅުކޮށްފައި މިވަނީ، މީގެ ކުރިންވެސް މީސްމީޑިއާގައި ބަރަހަނާ ވީޑިއޯ އާއްމުކޮށް ބޭ އަދަބީ ފޮޓޯއާއި ވީޑިއޯ ލަމުންދާތީ ހައްޔަރު ކުރި ޔާޔާ ނަބީލް ބަންދުން ދޫކޮށްލިފަހުންވެސް އެފަދަ ފޮޓޯތަކާއި ވީޑިއޯތައް އާއްމުކުރަމުންދާތީ އާއްމުންވެސް ކަންބޮޑުވުން ފާޅުކުރަމުން އަންނަ ދަނޑިވަޅެއްގައެވެ.

ނަބީލް އެފަދަ ވީޑިއޯ އާއި ފޮޓޯތައް އާއްމު ކުރަމުންދާތާ އެއްމަސް ދުވަހަށްވުރެ ގިނަ ދުވަސް މިހާރު ވެފައިވާއިރު އޭނާއާއި ދެކޮޅަށް އެއްވެސް ފިޔަވަޅެއް މިހާތަނަށް ވެސް ފުލުހުން އެޅިކަމެއް ހާމަކޮށްފައެއް ނުވެއެވެ.

މިކަމާއި ގުޅިގެން އާއްމުން ކަނބޮޑުވުން ފާޅުކުރަމުން އަންނައިރު, އޭނާގެ މި މައްސަލަ މިމަހު 10 ވަނަ ދުވަހު "ވޮއިސް" އިން ވެސް ވާނީ ފުލުހުންގެ ސަމާލުކަމަށް ގެނެސްފައެވެ. އެހެން ނަމަވެސް، އެމައްސަލާގައި ފުލުހުންގެ ބަހެއް މިހާތަނަށް ވެސް ލިބޭގޮތް ވަނީ ނުވެފައެވެ.

ސައްތައިން ސައްތަ އިސްލާމީ މުޖުތަމަޢު އެއްގައި ދީނާއި ޚިލާފް މިފަދަ ޢަމަލުތައް ފާޅުކަންބޮޑު ގޮތެއްގައި އޭނާ ކުރަމުންދާއިރު އޭނާ އާއި މެދު އެއްވެސް ފިޔަވަޅެއް ފުލުހުން އަޅާފައި ނުވާއިރު، އޭނާ މީސްމީޑިއާގައި ވީޑިއޯތަކާއި ފޮޓޯތައް އާއްމު ކުރަމުންދާ އެކައުންޓް ތައްވެސް މިހާތަނަށް ބޮލޮކް ކޮށްފައެއްނުވެއެވެ.

މިކަމާއި ގުޅިގެން ގިނަ އަދަދެއްގެ ދިވެހިންގެ ނުރުހުން އޭނާ އަކީ ކަމާބެހޭ މުއައްސަސާތަކަށް އަމާޒުވެފައިވާއިރު އެފަރާތްތަކުން އަންނަނީ އޭނާ އަލުން ހައްޔަރު ކުރުމަށް ގޮވާލަމުންނެވެ.