ގާދިއްފުށީ ބޭއްވި ޖަލްސާގައި ރައީސް ޞާލިޙް ވާހަކަފުޅު ދައްކަވަނީ. ފޮޓޯ:އެމްޑީޕީ
ގާދިއްފުށީ ބޭއްވި ޖަލްސާގައި ރައީސް ޞާލިޙް ވާހަކަފުޅު ދައްކަވަނީ. ފޮޓޯ:އެމްޑީޕީ
ހަބަރު 28 Aug 2023 | 12:07

2028 ވަނަ އަހަރު މަޖިލީހަށް ހުށައަޅާނީ އަރަނި ބަޖެޓެއް: ރައީސް ޞާލިޙް

ދެވަނަ ދައުރެއް ނިންމަވައި 2028 ވަނަ އަހަރު ރައްޔިތުންގެ މަޖިލީހަށް ހުށައަޅުއްވާނީ އަރަނި ބަޖެޓެއް ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.

ރައީސް މިހެން ވިދާޅުވީ ތ.އަތޮޅަށް އެމަނިކުފާނު ކުރައްވަމުން ގެންދަވާ ދަތުރުފުޅުގައި ތ.ގާދިއްފުއްޓަށް ވަޑައިގެން އެރަށު ރައްޔިތުންނާއި ބައްދަލުކުރައްވައި ވާހަކަދައްކަވަމުންނެވެ.

ރައީސް ޞާލިޙްގެ ވާހަކަފުޅުގައި ވިދާޅުވީ ރާއްޖޭގެ އެކި ކަންކޮޅުތަކުގައި އިޤްތިޞާދީ ބޮޑު ބަދަލު ގެނައުމުގެ މަސައްކަތްތައް އެބަ ކުރިއަށް ދާކަމަށެވެ. އެގޮތުން ރާއްޖޭގެ ހުރިހާ ދިމާއަކަށް ބަލާލިޔަސް އިޤްތިޞާދު ޑަބަލް ކުރުމަށްޓަކައި ކުރަންޖެހޭ ޢުމްރާނީ މަސައްކަތްތައް ދަނީ ކުރިއަށް ކަމަށް އެމަނިކުފާނު ވިދާޅުވިއެވެ.

އޭގެ ތެރޭގައި އެއަރޕޯޓުތައް އެޅުމާއި ބަނދަރުތައް ހެދުމާއި އާރްޓީއެލްގެ ޚިދްމަތުން ރާއްޖެ ގުޅާލުންފަދަ ކޮންމެ ކަމަކީ އެއިން ކޮންމެ ކަމަކާއި ގުޅިގެން ވަޒީފާ  އިތުރުވެ، ރައްޔިތުންނަށް އާމްދަނީ ލިބުން އިތުރުވާނެ ގޮތްގޮތް ކަމަށް ރައީސް ވިދާޅުވިއެވެ.

ރައީސް ވިދާޅުވީ އެއާއި ގުޅިގެން ދައުލަތަށް ވަންނަ ފައިސާވެސް އިތުރުވެގެން ދާނެ ކަމަށެވެ. އަދި އެމަނިކުފާނުގެ ކޯލިޝަނުން ވަމުންދާ ވަޢުދުތަކަކީ އެކަންކަމުގެ މައްޗަށް ބިނާ ކޮށްގެން ވާ ވަޢުދުތަކެއް ކަމަށް  އެމަނިކުފާނު ވިދާޅުވިއެވެ. އަދި މިހާރުވެސް ދައުލަތުގެ އާމްދަނީ އިތުރުވެގެންދާތަން ވަރަށް ސާފުކޮށް އެބަ ފެންނަކަމަށް ރައީސް އިބްރާހިމް މުޙައްމްދު ޞާލިޙް ވިދާޅުވިއެވެ.

"2018 އިން ފެށިގެން 2028 އާއި ހަމައަށް އިޤްތިޞާދު ދެގުނަކުރެވި ރާއްޖޭގެ އިޤްތިޞާދުގެ ސައިޒަކީ 170 ބިލިއަނަށްވުރެ މައްޗަށް އިރާދަކުރެއްވިއްޔާ ގެންދެވޭނެ، އަޅުގަނޑުމެން މިދެންނެވި ގޮތައް އިޤްތިޞާދު ފުޅާ ކުރެވި ހަރަކާތްތައް ހިނގަން ފެށުމުން ދައުލަތަށް ވަންނަ ފައިސާވެސް އިރާދަކުރެއްވިއްޔާ އެދަނީ އިތުރުވަމުން އަހަރަކަށްވުރެ އަހަރެއް" ރައީސް ޞާލިޙް ވިދާޅުވިއެވެ.

ރައީސް ވިދާޅުވީ އެގޮތުން 2028 ވަނަ އަހަރު އަންނައިރުގައި 45 ބިލިއަން ރުފިޔާ ހުރަސްކޮށް 50 ބިލިއަނަށް އަމާޒު ހިފާނެ ކަމަށެވެ. އަދި ނަތީޖާއަކަށް ވާނީ ކުރަންބޭނުންމިވާ ކަންކަމަށް ދައުލަތުގައި ފައިސާ ހުރުން ކަމަށްވެސް ރައީސް ވިދާޅުވިއެވެ.

"އިރާދަކުރެއްވިއްޔާ 2028ވަނަ އަހަރު އަޅުގަނޑުމެން މަޖިލީހަށް ހުށައަޅާ ބަޖެޓަކީ ބެލެންސް ނުވަތަ އަރަނި ބަޖެޓަކަށް އިރަދަކުރެއްވިއްޔާ ވެގެންދާނެ"

ރައީސް އިބްރާހިމް މުޙައްމަދު ޞާލިޙް

ރައީސް ވިދާޅުވީ އަމާޒަކީ އެއީކަމަށާއި އެކަން ކުރުމަށްޓަކައި އެސިޔާސަތުތައް ދަމަހައްޓަން ޖެހޭ ކަމަށެވެ. އަދި އެކަން ކުރިއަށް ގެންދަން އެބަޖެހޭ ކަމަށް ވިދާޅުވެ ރައީސް ވިދާޅުވީ އެކަން ކުރެވޭނީ ރިޔާސީ އިންތިޚާބުގައި މިސަރުކާރު ދަމަހައްޓައިގެން ކަމަށެވެ.

ތ.އަތޮޅަށް ކުރައްވަމުން ގެންދަވާ ދަތުރުފުޅުގައި މިއަދު އެއަތޮޅު ވޭމަންޑުއަށް ވެސް އެމަނިކުފާނު ވަނީ ވަޑައިގެންފައެވެ. އެރަށުގައި އެމްޑީޕީގެ ޖަގަހަ ހުޅުވައިދެއްވައިފައިވެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ