މިއަހަރު ކްރޫޒް ލައިނާއިން ރާއްޖެއަށް ޒިޔާރަތްކުރި ފަތުރުވެރިންގެ އަދަދު އިތުރުވެއްޖެ

ވޭތުވެދިޔަ ދެ އަހަރުދުވަހުގެ ތެރޭގައި ނާންނަ މިންވަރަށް މިއަހަރުގެ ތެރޭގައި ކްރޫޒް ލައިނާއިން ރާއްޖެ އައި ފަތުރުވެރިންގެ އަދަދު ވަރަށްބޮޑުތަން އިތުރުވެއްޖެއެވެ.

ޓޫރިޒަމް މިނިސްޓްރީގެ ތަފާސްހިސާބުތަކަސް ބަލާއިރު، އިއްޔެގެ ނިޔަލަށް ކްރޫޒް ލައިނާއިން ރާއްޖެއަށް 15,583 ފަތުރުވެރިން ޒިޔާަރތްކުރިއެވެ. ކްރޫޒް ލައިނާއިން މިދިޔަ އަހަރުގެ މި މުއްދަތުގެ ތެރޭގައި 8,263 ފަތުރުވެރިން ޒިޔާރަތްކުރިއިރު، އޭގެ ކުރީ 2024 ވަނަ އަހަރު ރާއްޖެއަށް ޒިޔާރަތްކޮށްފައިވަނީ 7,010 ފަތުރުވެރިންނެވެ. މިއަހަރު ރާއްޖެއަށް 8 ކްރޫޒްލައިނާ

ކްރޫޒް ލައިނާއެއް ކަމަށްވާ "އެމްއެސް އެމްޕްރެސް" އޭގެ އެންމެ ފުރަތަމަ ދަތުރުގައި މިއަދު މާލެއަށް ބަނދަރުކޮށްފި ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ހާމަކޮށްފިއެވެ.

މި ބޯޓު މާލެއަށް ކުރި ފުރަތަމަ ދަތުރާއެކު، އެމްޕީއެލް އިން ވަނީ ބޯޓަށް ހޫނު މަރުޙަބާއެއް ކިޔާފައެވެ.

މި ކްރޫޒް ލައިނާގައި ގިނަ އަދަދެއްގެ ފަތުރުވެރިންނާއި ފަޅުވެރިން ރާއްޖެއަށް އައިސްފައިވެއެވެ. އެގޮތުން، ބޯޓުން ޖުމްލަ 1,473 ފަތުރުވެރިން ދަތުރުކޮށްފައިވާއިރު، އެ މީހުންނަށް ޚިދުމަތް ދިނުމަށްޓަކައި 613 ފަޅުވެރިން ބޯޓުގައި ހަރަކާތްތެރިވަމުންދެއެވެ.

މި ޚާއްޞަ މުނާސަބަތު ފާހަގަކުރުމުގެ ގޮތުން އެމްޕީއެލްގެ ސީއީއޯ ކެޕްޓަން ޙުސައިން ޝަފީޤު ވަނީ އެ ބޯޓަށް ޒިޔާރަތްކުރައްވާފައެވެ. އެމަނިކުފާނުގެ މި ޒިޔާރަތުގައި ބޯޓުގެ އިސްވެރިންނާ ބައްދަލުކުރައްވައި، މާލޭގެ ބަނދަރަށް ކުރި ފުރަތަމަ ދަތުރުގެ ހަނދާން އާކުރުމުގެ ގޮތުން ޚާއްޞަ ހަނދާނީ ފިލައެއް ވަނީ އަރުވާފައެވެ.

ރާއްޖެއަށް ގިނަ ކްރޫޒް ލައިނާތަކެއް ކޮންމެ އަހަރަކުވެސް އަންނައިރު، ކްރޫޒްލައިނާތަކުގެ މެދުގައި އެންމެ މަޤްބޫލް މަންޒިލްތަކުގެ ތެރޭގައި ދިވެހިރާއްޖެ ހިމެނެއެވެ.