އެމްޕީއެލްގެ ކޯޕަރޭޓް މަޖައްލާ "އުޅަނދު" ގެ 4 ވަނަ އަދަދު ނެރެފި

މޯލްޑިވްސް ޕޯޓްސް ލިމިޓެޑް (އެމް.ޕީ.އެލް) ގެ ރަސްމީ ކޯޕަރޭޓް މަޖައްލާ "އުޅަނދު" ގެ ހަތަރުވަނަ އަދަދު ނެރެފިއެވެ.

މި މަޖައްލާގެ ހަތަރުވަނަ އަދަދު ހާއްސަ ކޮށްފައިވަނީ "މޯލްޑިވްސް މެރިޓައިމް ކޮންފަރެންސް 2026" އަށެވެ. ރާއްޖޭގެ ކަނޑުދަތުރުފަތުރާއި ބަނދަރުގެ ހިދުމަތްތައް ތަރައްގީކޮށް، ސިނާއަތުގެ ކުރިމަގު ބައްޓަންކުރުމުގެ މަގްސަދުގައި ބާއްވާ މި ކޮންފަރެންސާ ގުޅޭގޮތުން ގިނަ މައުލޫމާތުތަކެއް މި އަދަދުގައި ވަނީ ހިމަނާފައެވެ.

މީގެ އިތުތުން "އުޅަނދު" މަޖައްލާގެ މި ހާއްސަ އަދަދުގައި ކޮންފަރެންސްގެ ބައިވެރިންނާއި، ދާއިރާގެ ތަޖުރިބާކާރުންގެ ލިޔުންތައް ވަނީ ހިމަނާފައެވެ. މީގެއިތުރުން، މެރިޓައިމް ދާއިރާގެ މުސްތަގުބަލު ބައްޓަންކުރުމަށް އެހީތެރިވެދޭނެ ފަންނީ މައުލޫމާތުތަކާއި، ދުނިޔޭގެ ފެންވަރުގައި މި ދާއިރާއަށް އަންނަމުންދާ ބަދަލުތަކާ ގުޅޭ މުހިންމު ހިޔާލުތައް މި އަދަދުން ކިޔުންތެރިންނަށް ލިބިގެންދަނޭކަމަށް އެމްޕީއެލުން ބުނެއެވެ.

"އުޅަނދު" މަޖައްލާއަކީ އެމްޕީއެލްގެ މަސައްކަތްތަކާއި، މެރިޓައިމް އަދި ލޮޖިސްޓިކްސް ދާއިރާގެ އެންމެ ފަހުގެ މައުލޫމާތުތައް ހިއްސާކުރުމަށް އެ ކުންފުނިން ސިލްސިލާކޮށް ނެރެމުން އަންނަ މަޖައްލާއެކެވެ.