މިއަދު ރޯދަ ވީއްލަން ހަށިގަނޑަށް ފައިދާހުރި ކަދުރު މިލްކް ޝޭކް

ކަދުރަކީ ރޯދަ އާއި އެންމެ ގުޅުން ހުރި އެއް މޭވާ އެވެ. އެއީ ހަކަތަ އިތުރު ކޮށްދޭ ހަށިގަނޑަށް ނުހަނު ފައިދާ ހުރި މޭވާއެކެވެ. އެހެންކަމުން މިއަދު ވޮއިސް ގެ ބަދިގެއިން މި ގެނެސްދެނީ ސިއްހަތަށް ފައިދާ ހުރި ކަދުރު މިލްކް ޝޭކް ތައްޔާރުކުރާނެ ގޮތެވެ.

ބޭނުންވާނެ ތަކެތި:

12 ކަދުރު (އޮއް ނަގާފައި)

1 ޖޯޑު ކެޝޫ ނަޓް (ބޭނުން ނަމަ)

02 ޖޯޑު ފުލް ކްރީމް މިލްކް (ފިނި ކޮށްފައި)

4 މޭޒުމަތީ ސަމުސާ ވެނީލާ އައިސްކްރީމް

ތައްޔާރު ކުރާނެ ގޮތް

1) ކަދުރު ކަދުރުތައް ކޮށާލުމަށްފަހު ކެޝޫ ނަޓާއައި ކަދުރު ކޮޅު މިކްސަރަށް އަޅާލާށެވެ. އަދި 1/2 ޖޯޑު ކިރުވެސް އޭގެ ތެރެއަށް އަޅާލުމަށްފަހު ރަނގަޅަށް ހިމުންވަންދެން މުގުރާލާށެވެ.

2) ދެން ބާކީ ހުރި ކިރާއި، އައިސްކްރީމް އެޅުމަށްފަހު ރަނގަޅަށް އެކުލަވާލާށެވެ.

3) އެއަށްފަހު ތައްޓަކަށް އަޅާލައި ބޭނުން ނަމަ ކޮންމެ ތައްޓަކަށް އައިސްކްރީމް ސްކޫޕެއް ލާށެވެ. ކަދުރު މިލްކް ޝޭކް އެހުރީ ތައްޔާރުވެފައެވެ.

*ނޯޓް: ކަދުރަކީ އޭގަ ޒާތުގައި ވެސް ފޮނި އެއްޗެއް ކަމުން މި ރެސިޕީއަށް ހަކުރު ބޭނުމެއް ނުވާނެއެވެ.