ތުރުކީގެ ރައީސް އުރުދުޣާންއަށް ރައީސް ޔާމީންގެ މަރުހަބާ!
އިދިކޮޅު ކޯލިޝަންގެ ރިޔާސީ ކެނޑިޑޭޓް އަދި ކުރީގެ ރައީސް އަބްދުالله ޔާމީން އަބްދުލްޤައްޔޫމްގެ ފަރާތުން ތުރުކީގެ ރިޔާސީ އިންތިޚާބު އިއްޔެ ކާމިޔާބު ކުރެއްވި ރަޖަބް ޠައްޔިބް އުރްދުޣާން އަށް ހޫނު މަރުހަބާ އެއް ދަންނަވައިފިއެވެ.
އެގޮތުން ރައީސް ޔާމީންގެ މަރުހަބާގެ މެސެޖުގައި ވިދާޅުވީ ރައީސް އުރުދުޣާންގެ ލީޑާޝިޕްގެ ދަށުން ތުރުކީ ވަނީ އިގްތިޞާދީ ގޮތުން މަތީ ދަރަޖައިގެ ކުރިއެރުން ހޯދައި ބައިނަލްއަގްވާމީ ގޮތުން އެ ގައުމުގެ މަގާމް ހަރުދަނާ ކޮށްފައި ކަމަށެވެ.
މިއާއިއެކު ތުރުކީ އާއިއެކު އޮތް ގާތް ގުޅުން އިތުރަށް ބަދަހިކުރުމާއިއެކު ދެ ގައުމުގެ ދެމެދުގައި އޮންނަ ސިޔާސީ ގުޅުން އިތުރަށް ވަރުގަދަ ކުރުމަށް ރައީސް ޔާމީން ބޭނުންފުޅުވެ ވަޑައިގަންނަވާ ކަމަށް ވެސް އެމެސެޖުގައި ވެއެވެ.
ރައީސް ޔާމީންގެ އިތުރުން އިދިކޮޅު ކޯލިޝަން އިން ވެސް ވަނީ ރައީސް އުރުދުޣާން އަށާއި، އެމަނިކުފާނުގެ ޕާޓީ ޖަސްޓިސް އެންޑް ޑިވެލޮޕްމެންޓް ޕާޓީ އަށާއި، ތުރުކީގެ ރައްޔިތުންނަށް މަރުހަބާ ދަންނަވާ، މިއީ ދެ ގައުމުގެ ދެމެދުގައި އޮތް ގުޅުމަށް އައު ޒަމާނެއް ކަމުގެ ޔަގީންކަން ދީފައެވެ.
މި އިންތިޚާބު އުރްދުޣާން އަށް ކާމިޔާބު ވުމާއިއެކު އޭނާގެ 20 އަހަރުގެ ދައުރަށް އިތުރު 5 އިތުރު ވެގެން ދާނެއެެވެ. މިއީ ތުރްކިޔޭގެ ރައްޔިތުން އުރްދުޣާންގެ ވެރިކަން އިޚްތިޔާރު ކުރި 5 ވަނަ ފަހަރެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
