ޕީޕީއެމް/ޕީއެންސީގެ ސަރުކާރު ވާނީ ހުރިހާ ޒުވާނުންގެ އަޑު އަހާ ސަރުކާރަކަށް: ޑރ މުއިއްޒު
ހަމަ އެކަނި ކޮންވެންޝަނަލް ކުޅިވަރުތަކަށް ގާއިމްކޮށްދޭ ވަސީލަތްތަކަކުން ޒުވާނުންނަށް ކުޅިވަރު ކުޅުމުގެ ފުރުސަތުތައް ގާއިމްކޮށް ނުދެވޭނެކަމަށާއި ޕީޕީއެމް/ޕީއެންސީގެ ގެ ސަރުކާރެއް ވާނީ ހުރިހާ ޒުވާނުންގެވެސް އަޑު އަހާ ސަރުކާރެއްކަމުގައިކަމަށް އެ ކޯލިޝަންގެ ރިޔާސީ ކެނޑިޑޭޓް ޑރ މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ކެމްޕެއިންގައި ގއ ވިލިނގިލީގައި އޮތް ކެމްޕެއިން ޖަލްސާގައި ވާހަކަދައްކަވަމުން ޑރ މުއިއްޒު ވިދާޅުވީ، ކޮންވެންޝަނަލް ކުޅިވަރުތައް ފިޔަވައި އެހެން ކުޅިވަރުތައް ކުޅޭ ވަރަށް ގިނަ އުމުރުގެ ޒުވާނުން އުޅޭކަމަށާއި އެ ކުޅިވަރުތަކަށް ވަރަސް ބޮޑު ކޮމިއުނިޓީއެއް އޮތް ކަމުގައެވެ.
އެހެންކަމުން ތަރައްގީކުރެވޭ ފުޓްސަލް ދަނޑަކާއި ނުވަތަ ހޭންޑްބޯލް ކޯޓަކުން ނިންމާލުމުން މި މުޖުތަމައުގެ ވަރަށް ގިނަ އަދަދެއްގެ ޒުވާނުން ބާކީވެގެންދާކަން ފާހަގަކުރައްވަމުން ޑރ މުއިއްޒު ވިދާޅުވީ، މިހާތަނަށް އައި އިރު އެ ޒުވާނުންގެ އަޑު އަހާނެ ސަރުކާރެއް އަދި ނާންނަ ކަމަށެވެ.
އެހެން ނަމަވެސް އަޅުގަނޑުމެން ގާއިމްކުރާ ސަރުކާރެއް ވާނީ ހުރިހާ ޒުވާނުންގެ އަޑު އަހާ، އެ ހުރިހާ ޒުވާނުންނަށް ބޭނުންވާ ކުޅިވަރު ކުޅޭނެ ވަސީލަތްތައް ގާއިމްކޮށްދޭނެ ސަރުކާރަކަށް
ޑރ މުހައްމަދު މުއިއްޒު
މީގެ އިތުރުން ރޭގެ ޖަލްސާގައި ވާހަކަ ދައްކަވަމުން މުއިއްޒު ވިދާޅުވީ، ރޭސިންގ އަކީ ރާއްޖޭގައި ވަރަށް ބޮޑަށް ކުރިއަރަމުން އަންނަ އަދި ގިނަ އަދަދެއްގެ ޒުވާނުން ބައިވެރިވަމުން އަންނަ ކުޅިވަރެއް ކަމަށާއި އެހެން ކަމުން އެމަނިކުފަނުގެ މެނިފެސްޓޯގައި މާލެ ސަރަހައްދުގެ އިތުރުން، ރާއްޖޭގެ އުރުތާއި ދެކުނު މި ތިން ސަރަހައްދުގައިވެސް މި ކުޅިވަރުތައް ކުރިއަރުވާނެ ވަސީލަތްތައް ގާއިމްކުރުމަށް ކަނޑައަޅާއިފައިވާނެ ކަމަށެވެ.
މީގެ އިތުރުން އީ ސްޕޯޓްސް ކުރިއެރުވުމަށްޓަކައި އެ ކުޅިވަރުތަކަކީ ގައުމީ ފެންވަރުގައި ބަލައިގަންނަ ކުޅިވަރުތަކެއްގެ ގޮތުގައި އެ މަނިކުފާނުގެ ސަރުކާރެއްގައި ހައްދަވައި ދެއްވާނެކަމުގައި މުއިއްޒުވަނީ ވިދާޅުވެފައެވެ.
ރިޔާސީ ކެމްޕެއިންގައި އަތޮޅުތެރޭގެ ރަށްރަށަށް ޑރ މުއިއްޒުއާއި ކެމްޕެއިން ޓީމުން ކުރަމުންދާ ދަތުރުތަކުގައި ބޮޑު ތަރުހީބެއް އެފަރާތްތަކަށް އަންނަނީ ލިބެމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
