ކެންދޫ ދާއިރާގެ މެންބަރު ޢަލީ ހުސައިން-- ފޮޓޯ/ ޖޭޕީ
ކެންދޫ ދާއިރާގެ މެންބަރު ޢަލީ ހުސައިން-- ފޮޓޯ/ ޖޭޕީ
ހަބަރު 29 Aug 2023 | 14:46

"އައްޑޫ ޓްރެއިނިންގ ސެންޓަރު ހަދާފައި ހުރީ މިލިޓަރީ ސްޓޭޝަނަކަށް ބަދަލުކުރެވޭ ގޮތަށޭ އެމްޑީޕީ މީހުން ބުނި"

އިންޑިއާ ސަރުކާރުގެ އެހީގައި، އައްޑޫގައި ހެދި ޓްރެއިނިންގ ސެންޓަރު ހަދާފައި ވަނީ، އެމެޖެންސީ ހާލަތެއްގައި އެ ގައުމުގެ މިލިޓަރީ ސްޓޭޝަނަކަށް ބަދަލު ކުރެވޭ ގޮތަށް ކަމަށާ، އެވާހަކަ ދެންނެވީ ޚުދު އެމްޑީޕީ ބައެއް މެންބަރުން ކަމަށް ކެންދޫ ދާއިރާގެ މެންބަރު އަދި ޖުމްހޫރީ ޕާޓީގެ ޕީޖީ ލީޑަރު ޢަލީ ހުސައިން އިލްތިމާސް ކުރައްވައިފި އެވެ.

މިއަދު ބ. ތުޅާދޫގައި ބޭއްވި ޖުމްހޫރީ ޕާޓީގެ ކެންޕެއިން ޖަލްސާގައި ވާހަކަ ދައްކަވަމުން ޢަލީ ހުސައިން ވިދާޅުވީ، މި އަހަރުގެ ރިޔާސީ އިންތިހާބުގައި ލާ ވޯޓަކީ، ރާއްޖޭގެ މިނިވަންކަމާއި އަޅުވެތިކަމާއި ދޭތެރޭގައި ލާ ވޯޓެއް ކަމަށެވެ.

"9 ސެޕްޓެމްބަރު ގައި އަޅުގަނޑުމެން ނިންމަންޖެހެނީ، ދިވެހި ގައުމު ދެން އޮންނަންވީ އަޅުވެތި ކަމުގެ ދަށުގައިތޯ، ނޫނިއްޔާ މިނިވަން ގައުމެއްގެ ގޮތުގައި ތޯ."

ޢަލީ ހުސެއިން

ޢަލީ ހުސެއިން ވިދާޅުވީ، އަޅުވެތި ކަމާއި މިނިވަންކަމުގެ ވާހަކައަކީ ހަދަހަދައިގެން ދައްކަވާ ވާހަކައެއް ނޫން ކަމަށާ، ރިޔާސީ ކެމްޕެއިނަށް ހދ. ހަނިމާދޫއަށް ކުރެއްވި ދަތުރުފުޅުގައި އެރަށުން އިންޑިޔާ ސިފައިން ފެނުނު ކަމަށެވެ. އަދި އިންޑިޔާ ގެ ސަފީރު، އެމްއެންޑީއެފްގެ އޮފީހަށް ވަންނަ މަންޒަރުވެސް ފޮޓޯ ތަކުން ފެންނަން ހުރި ކަމަށް އޭނާ ވިދާޅުވި އެވެ. އަދި އުތުރު ތިލަފަޅުގައި، އިންޑިޔާ ސިފައިން، އެމީހުންގެ ޔުނީފޯމު ގައި ތިބި ތަންވެސް ފޮޓޯ ތަކުން ފެންނަން ހުރިކަން ފާހަގަކުރެއްވިއެވެ.

އަދި އުތުރު ތިލަފަޅުގެ އެ އެގްރީމަންޓް ވެސް އަޅުގަނޑުމެންނަށް ނުދައްކާ. އަޅުގަނޑަކީ (މަޖިލީހުގެ) 241 ކޮމިޓީގައި އިންނަ މީހެއް. ސަލާމަތާބެހޭ ކޮމިޓީގައި އިންނަ މީހެއް. އެ އެއްބަސްވުމުގައި އޮތީ ކޮންޗެއް ކަމެއް އަޅުގަނޑުމެންނަށް ނުދައްކާ. ކާކުގެ ނަމުގައި ކާކު ހަދައިގެން އުޅޭ އެއްބަސްވުމެއް ތޯ އެއީ. މިއީ ދިވެހިންގެ ގައުމު. މިއީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ގެ އެކަނި ގައުމެއް ނޫނޭ.

ޢަލީ ހުސެއިން

ޢަލީ ހުސެއިން ވިދާޅުވީ، އުތުރުތިލަފަޅު އެއްބަސްވުމުގައި އޮތް އެއްޗެއް ރާއްޖޭގެ އެންމެނަށް ނުދެއްކި ނަމަވެސް، ރައްޔިތުންގެ މަޖިލީހުގެ ސަލާމަތާއި ބެހޭ ކޮމެޓީއަށް ދައްކަން ޖެހޭނެކަމަށެވެ. އެހެންނަމަވެސް، އެ ނުދައްކާ ކަމަށާ، ނުދައްކާ އޮތް ސަބަބަކީ، އިންޑިޔާ ސިފައިން ބޭނުން ނަމަ، ހުއްދަ ހޯދުމެއްނެތި ރާއްޖެއަށް އާދެވޭ ގޮތަށް އޮތުމުން ކަމަށްވެސް އޭނާ ވިދާޅުވި އެވެ.

އަލީ ވިދާޅުވީ ރާއްޖޭގައި އިންޑިޔާ ސިފައިންނަށް ތިބެވޭނީ ރައްޔިތުންގެ މަޖިލީހުގެ ހުއްދަ އާއު އެކުގައި ކަމަށެވެ. އެހެން ނަމަވެސް އެފަދަ ހުއްދައެއް ހޯދުމަށް މަޖިލީހުގައި އެދިފައި ނުވާ ކަމަށް އޭނާ ވިދާޅުވި އެވެ.

ހަމައެއާއެކީގައި ދެކުނަށް، އެންމެ ދެކުނަށް، އައްޑޫއަށް ޖެހިލީމާ، ޓްރެއިނިންގ ސެންޓަރެކޭ ކިޔައިގެން އެތަނުގައި އެތިބީ، (އެމްޑީޕީ މީހުން އަޅުގަނޑު ގާތުގައި ބުނީ) ހަގީގަތުގައި އެތަން ހަދާފައި ހުރީ ޕްލޭން ބީ އެއްގެ ގޮތުގައޭ. ވަގުތުން، ހަމަ ވަގުތުން ސީދާ މިލިޓަރީ ސްޓޭޝަނަކަށް ބަދަލުކުރެވޭ ގޮތަށޭ. މުޅި ތަނުގެ ނިޒާމާއި ބައްޓަން، މުޅިތަންވެސް ޑިޒައިން ކޮށްފައި އެހުރީ.

ޢަލީ ހުސެއިން

މީގެ އިތުރުން ވެސް އަލީ ހުސެއިން ވަނީ ފޯޅަވަހި މައްސަލާގައި، މީގެ ކުރިން ރާއްޖޭގެ ދެކުނުން ބޭނުން ކުރަމުންއައި ކަނޑުގެ ސަރަހައްދުގެ 45,000 އަކަ ކިލޯމީޓަރު ގެއްލިގެން ދިޔަކަމަށާ އެކަން ހިނގައި ދިޔައީ، ރައީސުލްޖުމްހޫރިއްޔާ ސިޓީއެއްގައި ސޮއި ކޮށްލުމުން ކަމަށް ވިދާޅުވެފައެވެ. އަދި އެކަން ކުރެއްވި އިރުވެސް މަޖިލީހަށް ނޭނގުނު ކަމަށް ވިދާޅުވެފައެވެ.

"އެހެންވެގެން މިބުނަނީ އަޅުގަނޑުމެން މިތިބީ ބޭރު ބައެއްގެ ނުފޫޒުގެ ދަށުގައި ޖެހި ތާށިވެފައޭ." ޢަލީ ހުސެއިން ވިދާޅުވި އެވެ.

އެހެންކަމުން، ޢަލީ ހުސައިން ވަނީ ކުރިއަށް އޮތް ރިޔާސީ އިންތިހާބުގައި ބޮޑު ޕާޓީއެއް ނުވަތަ ކުޑަ ޕާޓީއެއް ބެލުމެއްނެތި، ގައުމަށްޓަކައި ވޯޓުދެއްވުމަށް އެންމެހާ ރައްޔިތުންގެ ކިބައިން އެދިލައްވާފައެވެ. އަދި ގައުމު މިނިވަން ކުރެވޭނެ ވިސްނުމާއި ހިކުމަތް ހުންނެވީ ޖޭޕީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހިމް ގެ ކަމަށްވެސް އޭނާ ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ވިހަ ބަންގުރާ ބޮއެގެން އިންޑިއާގައި 11 މީހުން މަރުވެ، ގިނަ ބަޔަކު އެޑްމިޓްކޮށްފި
21 Nov 2026 ދުނިޔެ

ވިހަ ބަންގުރާ ބޮއެގެން އިންޑިއާގައި 11 މީހުން މަރުވެ، ގިނަ ބަޔަކު އެޑްމިޓްކޮށްފި

އިންޑިއާގެ އިރުއުތުރުގެ ސްޓޭޓެއް ކަމަށްވާ މަނީޕޫރުގައި، ސިއްހަތަށް ނުރައްކާތެރި މާއްދާތަކެއް އެކުލެވޭ ބަންގުރާ ބޮއެގެން 11 މީހުން މަރުވެ، 180 އަށްވުރެ ގިނަ މީހުން ހާލުބޮޑުވެގެން ހޮސްޕިޓަލުގައި އެޑްމިޓްކޮށްފިއެވެ.