ހެލްތު މިނިސްޓަރު އަހުމަދު ނަސީމް/ ފޮޓޯ: ހެލްތު މިނިސްޓްރީ
ހެލްތު މިނިސްޓަރު އަހުމަދު ނަސީމް/ ފޮޓޯ: ހެލްތު މިނިސްޓްރީ
ހަބަރު 29 Sep 2022 | 10:11

މި ސަރުކާރުން ގެނަ ހެޔޮ ބަދަލުތައް އެންމެ ބޮޑަށް ފެންނަނީ ސިއްހީ ދާއިރާއިން: ނަސީމް

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މި ސަރުކާރުން ދިވެހިރާއްޖެއަށް ގެނައި ހެޔޮ ބަދަލުތައް އެންމެ ބޮޑަށް ފެންނަނީ ސިއްހީ ދާއިރާއިން ކަމަށް ހެލްތު މިނިސްޓަރު އަހުމަދު ނަސީމް ވިދާޅުވެއްޖެެއެވެ.

ބ.ދަރަވަންދޫ ޞިއްޙިމަރުކަޒުގައި އަވަސް ފަރުވާދޭ ޔުނިޓެއް ހުޅުވުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ނަސީމް ވިދާޅުވީ، ރާއްޖޭގެ އަތޮޅުތަކާއި ވެރިކަންކުރާ ރަށުން ލިބެން ހުންނަ ޚިދުމަތްތަކުގެ ފަރަޤު ކުޑަކޮށް ރާއްޖޭގެ ކޮންމެ ހިސާބަކުންވެސް ކޮންމެހެންވެސް ލިބެންޖެހޭ ޚިދުމަތްތައް ރަށު ފެންވަރުގައާއި އަތޮޅު ފެންވަރުގައި ޤާއިމުކޮށް، މި ސަރުކާރުން ފައްޓަވާފައިވާ މަސައްކަތަކީ ޞިއްޙީ ދާއިރާއަށް އިންތިހާއަށް ބޭނުންތެރި ކަމެއް ކަމަށެވެ.

"ރަށު ފެންވަރުގައި ދެވޭ ހުރިހާ ޚިދުމަތެއް ވަނީ ލާމަރުކަޒުކޮށް، ރައްޔިތުންނާ ގާތުން ޚިދުމަތްދެވޭނެ ގޮތަށް އިންތިޒާމު ކުރެވިފައި. ހެޔޮ ބަދަލުތަކެއް މިހާރުވަނީ، ހުރިހާ ދާއިރާއަކުންވެސް އައިސްފައި. މި ހެޔޮ ބަދަލުތައް އެންމެބޮޑަށް ފެނިގެންދާ އެއް ދާއިރާއަކީ، ޞިއްޙީ ދާއިރާ."

ނަސީމް ވިދާޅުވީ،  އަސާސީ ޚިދުމަތްތައް، ތަފާތެއްނެތި އެންމެހާ ރައްޔިތުންނަށް ރާއްޖޭގެ ހުރިހާ ރަށެއްގައިވެސް ޤާއިމުކުރަންޖެހޭކަމަށާ އަދި އެހެނިހެން ފަރުވާތައް ކައިރި ހިސާބަކުން ލިބެން ހުރުމާ، މާލެއަށް ބަރޯސާވުން ކުޑަކޮށް، ޚިދުމަތް ހޯދުމަށް ދަތުރުކުރެވޭނެ ފަސޭހަ ޚަރަދުކުޑަ އިންތިޒާމެއް އޮންނަންޖެހޭ ކަމަށެވެ. އެހެންނަމަވެސް، ރާއްޖޭގެ ކޮންމެ ރަށެއްގައި، ނުވަތަ ކޮންމެ އަތޮޅެއްގައި އަދި ސަރަޙައްދެއްގައި ވެސް މި ދެންނެވިފަދަ، އަގުބޮޑު ސާމާނު ބަހައްޓައިގެން، ސްޕެޝަލިސްޓުންގެ ޚިދުމަތް ޤާއިމު ކުރުމަކީ، ދެމެހެއްޓެނިވި އަދި ޕްރެކްޓިކަލް ކަމެއް ނޫންކަމަށްވެސް ވިދާޅުވިއެވެ.

"ޞިއްޙީ މަރުކަޒުތައް ޢިމާރާތްކޮށް ފެންވަރުމަތިކޮށް، އައު ޚިދުމަތްތައް ޤާއިމުކުރެވިގެން ދާންވާނީ، ހަމައެކަނި ސިޔާސީ މަޤްޞަދެއްގައި ވާ ވަޢުދެއްގެ ޕްރެޝަރގެ މައްޗަށް ބިނާވެގެންނެއްނޫން. އޭގެ ބަދަލުގައި ޚިދުމަތްތައް ޤާއިމުކުރުމުގެ ނިންމުންތައް ވާންޖެހޭނީ ސާބިތުހިފޭ ފަންނީ މަޢުލީމާތާއި ލަފަޔަށް ބިނާކޮށް. އަދި މިއަދާ މާދަމާވެސް، އެ ޚިދުމަތްތަކަށް ޑިމާންޑް އޮންނާނެކަމާއި، އެތަނުގައި ބަހައްޓާ މެޝިނަރީ އާއި ބައިތިއްބާ ޞިއްޙީ ޚިދުމަތްތެރިންގެ ބޭނުން އެންމެ ރަނގަޅުގޮތުގައި ހިފޭނީ ޚިދުމަތް ކުރިމަގުގައިވެސް އެ ފެންވަރުގައި ދެމެހެއްޓޭނޭކަން ކަށަވަރުކޮށް، ދުރު ރާސްތާގެ ޕްލޭންތަކަށް ރިޢާޔަތްކޮށްގެންކަން." ނަސީމް ވިދާޅުވި އެވެ.

މި މޭރުމުން ވާހަކަދައްކަވަމުން ނަސީމް އިތުރަށް ވިދާޅުވީ، ސަރުކާރުގެ އެހެނިހެން ދާއިރާތަކުން ދެމުން ގެންދާ އަދި ކުރިއަށް ރާވާފައިވާ ޚިދުމަތްތަކާ ވަޞީލަތްތަކާ، އަމިއްލަ ވިޔަފާރިތަކާ އަމިއްލަ އެކިއެކި ފަރާތްތަކުން މިހާރު ދެމުންދާ ޚިދުމަތްތަކާ، ޞިއްޙީ ދާއިރާއިން ޤާއިމުކުރާ ޚިދުމަތްތައް ގުޅުވާލައިގެން، އެންމެންނަށް އެއްބަސްވެވޭ ޕްލޭނެއްގެ މައްޗަށް އިންތިޒާމް ކުރުމަކީ ޚިދުމަތްތައް އަވަސްވެ، ފަސޭހަވެ، އަގު ހެޔޮވެ އަދި ދެމެހެއްޓެނިވިގޮތެއްގައި ދިނުމަށް އޮތް އެންމެ ފަހި ވިސްނުން ކަމުގައި މިސަރުކާރުން ދެކޭ ކަމަށެވެ.

"މި ސަރުކާރުގެ ވިސްނުމަކީ، ޞިއްޙީ ޚިދުމަތް ލިބުގަތުމާ ޚިދުމަތް ފޯރުކޮށްދިނުމުގެ ވަށައިގެންވާ ކަންކަމަށް ވިސްނުމަށް ފަހު، ރާއްޖޭގެ އެކި ސަރަހައްދަށް ބަހާލާ "ކްލަސްޓަރ" ކޮށްގެން، އެ ވަޞީލަތްތައް ޤާއިމުކޮށް ރައްޔިތުންނަށް ގާތުން ޚިދުމަތް ދިނުން. މިއީ ދެމެހެއްޓިނިވި ގޮތެއްގައި މިފަދަ ޚިދުމަތްތައް ދެވޭނެ ހަމައެކަނި ގޮތް." ނަސީމް ވިދާޅުވިއެވެ.

އެފަދައިން ޚިދުމަތްތައް ބައްޓަން ކުރުމުގައި، ކުރިއަށް އެނގި ތާވަލުކުރެވިގެން ދެވޭ އަގުހެޔޮ، އިތުބާރުހުރި، ހައި ސްޕީޑް ޕަބްލިކް ފެރީގެ ނިޒާމެއްއޮތުމުން، ޞިއްޙީ މަރުކަޒުތަކުންކުރާ އައުޓްރީޗް ދަތުރުތަކާ، ލެބޯޓަރީތަކަށް ސާމްޕަލްތައް ފޮނުވުމާ، އަދި އަތޮޅު ތެރޭގައި މެޑިކަލް ސަޕްލައިޒް އެއްރަށުން އަނެއް ރަށަށް ފޮނުވުމަށްވެސް ވަރަށްބޮޑަށް ފަސޭހަވެގެންދާނެ ކަމަށްވެސް މިނިސްޓަރު ވިދާޅުވިއެވެ.

އަދި ދަތުރުފަތުރުގެ ނިޒާމަކުން ގުޅާލުމަށް މި ސަރުކާރުން ފެއްޓެވި ރާއްޖެ ޓްރާންސްޕޯޓް ލިންކް (އާރް.ޓީ.އެލް) ހައި ސްޕީޑް ފެރީގެ ޚިދުމަތުގެ ސަބަބުން ހެޔޮ ބަދަލެއް އެންމެބޮޑަށް ފެނިގެންދާނެ އެއް ދާއިރާއަކީ، ޞިއްޙީ ދާއިރާކަންވެސް މިނިސްޓަރު ފާހަގަކުރައްވާފައިވެއެވެ.
މިގޮތުން މި ޚިދުމަތުގެ ސަބަބުން އަމިއްލައަށް ދަތުރު އިންތިޒާމް ކޮށްގެން ޞިއްޙީ ޚިދުމަތް ހޯދުމަށް ބޮޑެތި ހޭދަކުރަންޖެހޭތީ، އާއްމުކޮށް ހޯދަންޖެހޭ ފަރުވާ ނުހޯދި ލަސްވެ، ބަލި ޙާލަތު ބޮޑުވާ މީހުންގެ އަދަދު އިތުރުވަމުންދާއިރު، މި ފަދަ ޚިދުމަތެއް ތަޢާރަފް ކުރުމުން ކައިރި ހިސާބުތަކުން ފަސޭހަ އަދި ހަރަދު ކުޑަކޮށް ޞިއްޙީ ޚިދުމަތް ހޯދުމުގެ އިންތިޒާމް ހަމަޖެހިގެންދާނެ ކަމުގައި މިނިސްޓަރ ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޑަބްލިއުއެޗްއޯގެ ސައުތު-އީސްޓް އޭޝިއާ ރީޖަނަލް ޑިރެކްޓަރުގެ މަގާމަށް ރާއްޖެއިން ޑރ. ޖަމްޝީދުގެ ނަން ހުށަހަޅައިފި
18 Nov 2026 ހަބަރު

ޑަބްލިއުއެޗްއޯގެ ސައުތު-އީސްޓް އޭޝިއާ ރީޖަނަލް ޑިރެކްޓަރުގެ މަގާމަށް ރާއްޖެއިން ޑރ. ޖަމްޝީދުގެ ނަން ހުށަހަޅައިފި

ދުނިޔޭގެ ސިއްހަތު ޖަމްއިއްޔާ (ޑަބްލިއުއެޗްއޯ) ގެ ދެކުނު އިރުމަތީ އޭޝިއާ ސަރަހައްދުގެ ރީޖަނަލް ޑިރެކްޓަރުގެ މަގާމަށް، ރާއްޖޭގެ ފަރާތުން ޑރ. އަހުމަދު ޖަމްޝީދު މުހައްމަދުގެ ނަން ހުށަހަޅައިފިއެވެ.