މާލެ ސަރަހައްދުން ގޯތި ލިބުނު މީހުން ގޯއްޗަށް ވަންނާނީ ތިލަމާލޭ ބުރިޖުގައި ދުއްވާލާފަ ގޮސް: މަހުލޫފް
މުޅި މާލެ ސަރަހައްދުން ގޯތި ލިބުނު ފަރާތްތައް ގޯއްޗަށް ވަންނާނީ ތިލަމާލޭ ބުރިޖުގައި ދުއްވާލާފަގޮސް ކަމަށް ޔޫތު މިނިސްޓަރު އަހުމަދު މަހުލޫފް ވިދާޅުވެއްޖެއެވެ.
ތިލަމާލޭ ބުރިޖުގެ މަސައްކަތާއި ގުޅިގެން ސަރުކާރަށް އަމާޒުވަމުންދާ ފާޑު ކިޔުންތަކަށް ރައްދު ދެއްވުމަށް، އެތަނުގެ މަސައްކަތް ކުރިއަށްދާ ގޮތް ބައްލަވާލެއްވުމަށްފަހު މީސް މީޑިއާގައި މަހްލޫފް އާންމު ކުރެއްވި ވީޑިއޯ އެއްގައި އޭނާ ވިދާޅުވީ، ބްރިޖުގެ ޢަމަލީ މަސައްކަތް ފެށިފައިވަނީ 2022 ވަނަ އަހަރުގައި ކަމަށެވެ. އަދި އެ މަސައްކަތް މިހާރު ގޮސްފައިވާ ހިސާބު ފެނިމުން ހައިރާންވެފައިވާ ކަމަށްވެސް އޭނާ ވިދާޅުވި އެވެ.
އެގޮތުން، ބުރިޖުގެ ސެގްމެންޓް ތަކުގެ މަސައްކަތް މިހާރު ކުރިއަށްދާއިރު، 100 އަށްވުރެ ގިނަ ސެގްމެންޓް ގެ މަސައްކަތް މިހާރު ނިމިފައިވާ ކަމަށް އޭނާ ވިދާޅުވި އެވެ. އަދި އެކު ޖުމްލަ 1200 ސެގްމެންޓް ހެދިގެންދާނެ ކަމަށްވެސް އޭނާ ވިދާޅުވި އެވެ.
އަޅުގަނޑު ގަބޫލުކުރާ ގޮތުގައި މި ބޭފުޅުންނާއެކު ހެދިފައިވާ ކޮންޓްރެކްޓް ގައިވާ ގޮތަށްވުރެ މާ އަވަހަށް، މާ ބާރު ސްޕީޑެއްގައި މި މަސައްކަތް ނިމިގެންދާނެ. އެކަމުގެ އެއްވެސް ޝައްކެއް އަޅުގަނޑުގެ ނެތް.
އަހުމަދު މަހުލޫފް
މަހްލޫފް ވިދާޅުވީ، ތިލަމާލޭ ބުރިޖުގެ މަސައްކަތް ވެގެންދާނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ގެ ސަރުކާރުން ދިވެހިރާއްޖެއަށް ޚާއްސަކޮށް މާލެ ސަރަހައްދަށް ގެންނަ ބޮޑު އިންގިލާބީ ބަދަލަކަށް ކަމަށެވެ.
އަދި މާލެ ސަރަހައްދުން ރައީސް ޞާލިހު ދޫކުރައްވާފައިވާ ގޯތިތައް މިހާރު ކަނޑަމުންދާއިރު، އެ ގޯތި ތަކުގެ ވެރިފަރާތްތަކުން އެ ތަންތަން ހަދަމުންދާއިރު އެ ބްރިޖުވެސް އެ ތަންތަނާއި ގުޅިގެން ދާނެ ކަމަށް މަހްލޫފު ވިދާޅުވި އެވެ.
"އިރާދަކުރެއްވިއްޔާ 7 ކިލޯ މީޓަރުގެ ބުރިޖުން ދަތުރުކުރެވޭނެ. މުޅި މާލެ ސަރަހައްދުން ގޯތި ލިބުނު ފަރާތްތައް ގޯއްޗަށް ވަންނާނީ އިރާދަކުރެއްވިއްޔާ ބުރިޖުގައި ދުއްވާލާފަގޮސް." މަހްލޫފް ގެ ވީޑިއޯ އާއި އެކު ހިއްސާ ކުރެއްވި ޓުވީޓުގައި ވިދާޅުވި އެވެ.
މަހްލޫފް އިތުރަށް ވިދާޅުވީ ބުރިޖުގެ މަސައްކަތުގެ 70 އިންސައްތަ މަސައްކަތް ކުރިއަށްދަނީ އެތަނުގައި ކަމަށާ، އެ މަސައްކަތް މިހާރު ނިމުމަކާއި ގާތްވެފައިވާ ކަމަށެވެ. އެހެންކަމުން، ބާކީ 30 އިންސައްތަ މަސައްކަތް ވެސް ބާރަށް ކުރިއަށް ގޮތް އަވަހަށް ނިންމާލެވޭނެ ކަމަށް އޭނާ ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
