ފުއްގިރި މައްސަލައިގެ ހުކުމް ކުރުން ފަސްކޮށްފައިވަނިކޮށް، ބައެއް ކަންކަން ރައީސް ޔާމީންގެ ފަރާތުން ހައިކޯޓުގައި އިސްތިއުނާފުކޮށްފި
ރ. ފުއްގިރި ޓޫރިސްޓް ރިސޯޓެއްގެ ގޮތުގައި ތަރައްގީކުރުމަށްޓަކައި ކުއްޔަށް ދޫކުރުމުގެ މުއާމަލާތުގެ ތެރެއިން ރިޝްވަތު ނެންގެވި ކަމަށް ބުނެ ދައުލަތުން ކުރީގެ ރައީސް އަބްދުالله ޔާމީންގެ މައްޗަށް ކުރިމިނަލް ކޯޓުގައި ހިނގަމުންދާ ދައުވާތަކުގެ ތެރެއިން ބައެއް ކަންކަން އެ މަނިކުފާނުގެ ފަރާތްޕުޅުން އިއްޔެ ހައިކޯޓުގައި އިސްތިއުނާފުކުރައްވައިފިއެވެ.
ދައުލަތުން ޔާމީންގެ މައްޗަށް މި މައްސަލައިގައި އުފުލައިފައިވަނީ ރިޝްވަތު ޤަބޫލުކުރެއްވުމުގެ ކުށުގެ ދައުވާއާއި މަނީ ލޯންޑަރިންގެ ކުށުގެ ދައުވާއެވެ. މި ދައުވާތަކާ ގުޅިގެން ހުކުމް އިއްވުމަށް އިއްޔެ ތާވަލުކޮށްފައި ވީ ނަމަވެސް، އެ ޝަރީޢަތުގެ ހުކުމް ކުރުން ވަނީ ފަސްކޮށްފައެވެ.
ހައިކޯޓުގެ ރަޖިސްޓްރީން ދައްކާ ގޮތުގައި ޔާމީންގެ ފަރާތްޕުޅުން ބައެއް ކަންކަން އެ ކޯޓަށް ހުށަހެޅުއްވީ އިއްޔެއެވެ. އެހެން ނަމަވެސް، ހައިކޯޓަށް ހުށަހެޅުއްވި ކަންކަމުގެ ތަފުސީލު ސާފެއް ނުވެއެވެ. މި ހުށަހެޅުއްވުންތައް ބަލައިގަތުމާ މެދު ހައިކޯޓުން އަދި ވަކި ގޮތެއް ނިންމައިފައެއް ނުވެއެވެ.
ފުއްގިރި މުއާމަލާތަކީ ރައީސް ޔާމީނަށް ނާޖާއިޒު ގޮތުގައި ފައިސާ ހޯދުމުގެ މަގުސަތުގައި ކުރިއަށް ގެންދި މުއާމަލާތެއް ކަމަށާއި އެ މުއާމަލާތުން ލިބުނު ފައިސާ ޕާޓީއަށާއި ޔާމީނަށް ލިބޭ ގޮތަށް މުއާމަލާތް ހިންގަން މަސައްކަތްކުރި ކަމަށް ދައުލަތުން ބުނެއެވެ.
އެހެންނަމަވެސް، ރައީސް ޔާމީންގެ ފަރާތްޕުޅުން ބުނެފައިވަނީ އެމަނިކުފާނުގެ އެކައުންޓަށް ޖަމާވީ ޑޮލަރު މާރުކުރުމުގެ ސައްހަ މުއާމަލާތަކުން ލިބުނު ފައިސާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
