ކުރީގެ ރައީސް ނަޝީދު
ކުރީގެ ރައީސް ނަޝީދު
ހަބަރު 29 Oct 2026 | 10:58

ރައީސް ނަޝީދު ހޯމް ސްކޫލިން ގުޅުވާލީ ދީނާ؛ އެކަމާ ދެކޮޅަށް ހަރުކަށި އިތުރު ޕޯސްޓެއް

ނުކުޅެދުންތެރިކަމެއް ނުވަތަ ނަފުސާނީ މައްސަލައެއްގެ ސަބަބުން ސްކޫލަކަށް ގޮސް ކިޔަވަން އުޒުރުވެރިވާ ދަރިވަރުން ގޭގައި ތިބެގެން ތަޢުލީމް ހާސިލްކުރެވޭނެ މަގުފަހިކުރުމަށްޓަކައި ރައްޔިތުންގެ މަޖިލީހަށް ހުށަހަޅާފައިވާ ބިލަކީ އަންހެން ކުދިން "ޖާރިޔާއިންނަށް" ހެދުމަށް ހުށަހެޅި ބިލެއްގެ ގޮތުގައި ސިފަކުރައްވައި، ކުރީގެ ރައީސް މުޙައްމަދު ނަޝީދު އެ ބިލާ ދެކޮޅަށް އިތުރު ހަރުކަށި ޕޯސްޓެއް ކުރައްވައިފިއެވެ.

ރައީސް ނަޝީދު ކުރެއްވި ޕޯސްޓެއްގައި ވިދާޅުވީ، މަޖިލީހަށް ހުށަހަޅާފައިވާ ތަޢުލީމާ ގުޅޭ އެ ބިލުގެ ހަގީގީ އަމާޒަކީ އަންހެން ކުދިން މަދަރުސާއަށް ނުފޮނުވައި، އެ ކުދިންނަކީ ”ޖާރިޔާއިންނަށް“ ހެދުމުގެ ހީލަތްތެރި ވިސްނުމެއް ކަމަށެވެ. އަދި މިކަމަކީ ބަލައިގަނެވޭނެ ކަމެއް ނޫން ކަމަށާއި، މި ބިލާ ދެކޮޅަށް އެންމެން ނުކުތުމަކީ ވަރަށް މުހިންމު ކަމެއް ކަމަށް ވިދާޅުވެފައެވެ.

އިއްޔެވެސް އެކްސްގައި ކުރެއްވި ޕޯސްޓެއްގައި ނަޝީދު ވަނީ އެކަން ކުރުމުގެ ފުރުސަތު ނުދިނުމަށް ގޮވާލައްވާފައެވެ.

”މިހާރުވެސް 4000 އަށްވުރެ ގިނަ ކުދިން ގަވާއިދުން ސުކޫލަށް ނުދޭ. ހޯމް ސްކޫލިންގ ގެ ނަމުގައި ރާއްޖޭގެ ޒުވާން ޖީލު މަގުފުރައްދައި ހަލާލުކުރުމުގެ ފުރުސަތު ދީގެން ނުވާނެ“

ރައީސް ނަޝީދު

ރައީސް ނަޝީދު މިފަދައިން ވިދާޅުވެ މި ބިލާ ދެކޮޅަށް ޕޯސްޓެއް ކުރައްވާފައިވާއިރު، "ހޯމް ސްކޫލިން" އަކީ ހުޅަނގުގެ ކުރިއަރާފައިވާ ގިނަ ގައުމުތަކުގައި ވެސް ކާމިޔާބުކަމާއެކު ބަލައިގަނެ، ގާނޫނީ ގޮތުން ހުއްދަކޮށްފައިވާ ނިޒާމެކެވެ.

ތަފާސްހިސާބުތަކަށް ބަލާއިރު، އެމެރިކާގެ 'ނޭޝަނަލް ސެންޓަރ ފޮރ އެޑިއުކޭޝަން ސްޓެޓިސްޓިކްސް' (އެންސީއީއެސް) އިން ހާމަކޮށްފައިވާ ގޮތުގައި، 2019 ވަނަ އަހަރު ވެސް އެމެރިކާގައި ސްކޫލް އުމުރުގެ ގާތްގަނޑަކަށް %2.8 ކުދިން (އުމުރުން 5 އަހަރާއި 17 އަހަރާ ދެމެދުގެ ގާތްގަނޑަކަށް 1.5 މިލިއަން ދަރިވަރުން) ދިޔައީ ގޭގައި ތިބެގެން ކިޔަވަމުންނެވެ.

އަދި އެމެރިކާގެ ސެންސަސް ބިއުރޯގެ ސާވޭއިން ދެއްކި ގޮތުގައި ހޯމް ސްކޫލިން ހަދާ ގޭބިސީތަކުގެ ނިސްބަތް 2020 ގެ ކުރީކޮޅު ހުރީ %5.4 ކަމަށްވާއިރު، އެ އަހަރުގެ ފަހުކޮޅު ވަނީ %11.1 އަށް އުފުލިފައެވެ.

އެންމެ ފަހުން 2022-2023 ވަނަ އަހަރުގެ ދިރާސާތަކުން ދައްކާ ގޮތުގައި ވެސް އެމެރިކާގެ %3.4 ކުދިން ހޯމް ސްކޫލިން ހަދަމުންދާއިރު، މިއީ ސްކޫލްތަކަށް ނުގޮސް ތައުލީމު ހާސިލްކުރުމަށް ހުޅަނގުގައި ފުޅާ ދާއިރާއެއްގައި ބޭނުންކުރާ އިތުބާރު އޮތް ވަސީލަތެކެވެ.

ހަމައެއާއެކު، އިނގިރޭސިވިލާތުގެ ތަފާސްހިސާބުތައް ދައްކާ ގޮތުން، 2023 ވަނަ އަހަރުގެ ފަހުކޮޅު ގޭގައި ތިބެގެން ކިޔެވި ކުދިންގެ އަދަދު 92،000 ގައި ހުރިއިރު، 2024 ވަނަ އަހަރުގެ އެ މުއްދަތުގައި އެ އަދަދު ވަނީ 111،700 އަށް އަރައި، ގާތްގަނޑަކަށް %21 ގެ ބޮޑު ކުރިއެރުމެއް ހޯދާފައެވެ. އެމެރިކާގެ ހުރިހާ ސްޓޭޓެއްގައާއި އިނގިރޭސިވިލާތުގައި ވެސް ވަކި އުސޫލުތަކަކާއި ފެންވަރު ބެލުމުގެ ހަރުދަނާ މިންގަނޑުތަކެއްގެ ދަށުން ހޯމް ސްކޫލިން ހެދުމުގެ ގާނޫނީ ހުއްދަ އޮވެއެވެ.

ޔޫރަޕްގެ އެހެން ގައުމުތަކަށް ބަލާއިރު ފަރަންސޭސިވިލާތް، އޮސްޓްރިއާ، ފިންލޭންޑް، ނޯވޭ އަދި އިޓަލީ ފަދަ ގައުމުތަކުގައި ވެސް ސަރުކާރުގެ ކަމާބެހޭ އިދާރާތަކުގެ ހުއްދައާއި ބެލުމުގެ ދަށުން ގޭގައި ތިބެގެން ކިޔެވުމުގެ ފުރުސަތު އޮވެއެވެ. އަދި ޖަރުމަނާއި ސްވިޑަން ފަދަ ގައުމުތަކުގައި ވެސް ޚާއްސަ ހާލަތްތަކުގައި މިކަމަށް އިސްތިސްނާ ދެއެވެ.

ރާއްޖޭގެ މަޖިލީހަށް ހުށަހެޅިފައިވާ ބިލަކީ ވެސް ޚާއްސަ އެހީއަށް ބޭނުންވާ އަދި ނަފުސާނީ ދުޅަހެޔޮކަމުގެ މައްސަލަތަކުގެ ސަބަބުން އާންމު ސްކޫލް މާހައުލަށް ދިއުމަށް ނުކުޅެދިފައިވާ ކުދިންނަށް ތަޢުލީމުގެ ފުރުސަތު ފަހިކޮށްދިނުމުގެ މަގުސަދުގައި ހުށަހެޅި ބިލަކަށްވާއިރު، ދުނިޔޭގެ ކުރިއަރާފައިވާ ގައުމުތަކުގައި އޮންނަ މިފަދަ ނިޒާމެއް، އަންހެން ކުދިން ޖާރިޔާއިންނަށް ހެދުމުގެ އަމަލެއްގެ ގޮތުގައި ރައީސް ނަޝީދު ސިފަކުރެއްވުމުން ގިނަ ބައެއްގެ ފާޑުކިޔުން އެމަނިކުފާނަށް ދަނީ އަމާޒުވަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ