ފޮޓޯ: އެމްއެންޔޫ
ފޮޓޯ: އެމްއެންޔޫ
ހަބަރު 29 Oct 2026 | 16:32

ތަޢުލީމީ ފުރުޞަތުތައް ފުޅާކުރުމަށް ކުދި ޖަޒީރާ ޤައުމުތަކުން އޭއައިގެ ބޭނުންހިފަންޖެހޭ: އެމްއެންޔޫގެ ވައިސް ޗާންސެލަރ

ކުދި ޖަޒީރާ ޤައުމުތަކަށް ކުރިމަތިވެފައިވާ ޖިއޮގްރަފީ ގޮންޖެހުންތަކުން އަރައިގަނެ، އެންމެން ޝާމިލުވާ ފެންވަރު ރަނގަޅު ތަޢުލީމެއް ފޯރުކޮށްދިނުމަށްޓަކައި، އާޓިފިޝަލް އިންޓެލިޖެންސް (އޭ.އައި) ގެ ބޭނުން ފުޅާ ދާއިރާއެއްގައި ހިފުމަށް ޤައުމީ ޔުނިވަރސިޓީގެ ވައިސް ޗާންސަލަރ ޑރ. ޢާއިޝަތު ޝެހެނާޒް އާދަމް ގޮވާލައްވައިފިއެވެ.

އެކަމަނާ މިކަމަށް ގޮވާލެއްވީ 2026 އޮކްޓޫބަރު 28 ވީ ބުދަ ދުވަހު ބޭއްވުނު "13 ވަނަ އެލް.އެސް.އެމް.އީ އިންޓަރނޭޝަނަލް ކޮންފަރެންސް އޮން އޭ.އައި އެންޑް ކޮލިޓީ އޮފް އެޑިޔުކޭޝަން" ޝަރަފުވެރިކޮށްދެއްވައި ވާހަކަފުޅު ދައްކަވަމުންނެވެ. ލަންޑަން ސްކޫލް އޮފް މެނޭޖްމަންޓް އެޑިޔުކޭޝަން (އެލް.އެސް.އެމް.އީ) އިން އިންތިޒާމުކުރި މި ކޮންފަރެންސަކީ، އުނގަންނައިދިނުމާއި ދިރާސާކުރުމުގެ ދާއިރާގައި އޭ.އައިގެ ދައުރު ހަލުވިކަމާއެކު ފުޅާވަމުން އަންނަ މި ދަނޑިވަޅުގައި، އޭގެ ސަބަބުން ލިބޭ ފުރުޞަތުތަކާއި އުފެދޭ ޒިންމާތަކާ ގުޅޭގޮތުން ބައިނަލްއަޤުވާމީ ފެންވަރުގައި މަޝްވަރާކުރުމަށް ބޭއްވުނު މުހިންމު ބައްދަލުވުމެކެވެ.

ޑރ. ޝެހެނާޒް ދެއްކެވި ވާހަކަފުޅުގައި، ތަޢުލީމީ ފުރުޞަތުތައް ފަހިކޮށްދިނުމުގައި ހަމަހަމަކަން ޤާއިމުކުރުމުގެ މުހިންމުކަމުގެ މައްޗަށް އަލިއަޅުއްވާލެއްވިއެވެ. އެގޮތުން، ތަޢުލީމުގެ މުސްތަޤުބަލު ބިނާވާންވާނީ ޤައުމެއްގެ ބޮޑުމިނަކަށް، މުއައްސަސާއެއްގެ މުއްސަނދިކަމަކަށް ނުވަތަ ކުއްޖަކު އުފަންވި ރަށަކަށް ނޫންކަން ފާހަގަކުރައްވައި އެކަމަނާ ވިދާޅުވީ، އާޓިފިޝަލް އިންޓެލިޖެންސް ވާންވާނީ މިފަދަ ހުރަސްތައް ނައްތާލާ ވަސީލަތަކަށް ކަމަށާއި، ޖިއޮގްރަފީ ގޮތުން ކުއްޖަކު ހުރި ތަނެއްގެ ސަބަބުން އެ ކުއްޖެއްގެ ހުނަރާއި ޤާބިލިއްޔަތަށް އެއްވެސް ހުރަހެއް އެޅިގެން ނުވާނެ ކަމަށެވެ.

ރާއްޖޭގެ ޙާލަތަށް އަލިއަޅުއްވާލައްވަމުން އެކަމަނާ ވިދާޅުވީ، ވެރިރަށް މާލެއެކޭ އެއްފަދައިން ރާއްޖޭގެ އެކި އަތޮޅުތަކުގައި ތަޢުލީމު ޙާޞިލުކުރަމުންދާ ދަރިވަރުންގެ ކިބައިގައިވެސް މަތީ ހުނަރާއި އުންމީދުތައް އެބަހުރި ކަމަށެވެ. ނަމަވެސް، ޚާއްޞަ މުދައްރިސުންނާއި، ޒަމާނީ ލެބޯޓްރީތަކާއި ކުތުބުޚާނާތައް ފަދަ ތަޢުލީމީ އަސާސީ ވަސީލަތްތައް ހޯދުމުގައި އެ ދަރިވަރުންނަށް ބޮޑެތި ގޮންޖެހުންތަކަކާ ކުރިމަތިލާންޖެހޭކަން އެކަމަނާ ފާހަގަކުރެއްވިއެވެ. އެހެންކަމުން، އޭ.އައި ޓެކްނޮލޮޖީ މެދުވެރިކޮށް ކޮންމެ ކުއްޖެއްގެ ވަކިވަކި ބޭނުންތަކަށް ރިޢާޔަތްކޮށް، އުނގެނުމުގެ ފުރުޞަތު ފަހިކޮށްދެވޭނެ ކަމަށް ވިދާޅުވިއެވެ. އަދި މިކަން ޙަޤީޤަތަކަށް ހެދުމަށްޓަކައި، އިތުބާރުހުރި އިންޓަރނެޓްގެ ޚިދުމަތާއި، ޑިޖިޓަލް ވަސީލަތްތަކުގެ އިތުރުން މުދައްރިސުން ޒަމާނީ ގޮތުން ތަމްރީނުކުރުމަށް ބޮޑެތި އިންވެސްޓްމަންޓްތަކެއް ކުރަންޖެހޭކަމަށްވެސް އެކަމަނާ ބަޔާންކުރެއްވިއެވެ.

މީގެއިތުރުން، އައު ޓެކްނޮލޮޖީތައް ތަރައްޤީކުރާއިރު ދިވެހިބަސް ފަދަ ކުދި ބަސްތަކާއި ސަގާފަތްތައް އޭގެ ތެރޭގައި ހިމެނޭކަން ކަށަވަރުކުރުމަށްޓަކައި އިތުރު ދިރާސާތައް ކުރުމަށް ޑރ. ޝެހެނާޒް ބާރުއެޅުއްވިއެވެ. ހަމައެއާއެކު، އޭ.އައިގެ ބޭނުން ހިފަންވާނީ އުފެއްދުންތެރިކަމާއި އަޚްލާޤީ ހަމަތަކުގެ ތެރެއިން ޒިންމާދާރުކަމާއެކުކަން ހަނދާންކޮށްދެއްވަމުން އެކަމަނާ ވިދާޅުވީ، "އޭ.އައިގެ ސަބަބުން އަޅުގަނޑުމެން ހުނަރުވެރި މުދައްރިސުންނަށް ވެދާނެ. ނަމަވެސް، އަޅުގަނޑުމެން މޮޅު މުދައްރިސުންނަށް ވަނީ އަޅުގަނޑުމެންގެ ކިބައިގައި ހުންނަ އިންސާނިއްޔަތުކަމާއި، އޯގާތެރިކަމާއި ދަރިވަރުންނާ އޮންނަ ގުޅުމުގެ ސަބަބުން،" ކަމަށެވެ.

މި ސެޝަންގެ ރިޔާސަތު ބެލެހެއްޓެވީ ޔުނިވަރސިޓީ އޮފް ގްލާސްގޯގެ ޕްރޮފެސަރ ސްޓީވަން މެކްކިނީއެވެ. މި ބައްދަލުވުމުގައި ކޮންފަރެންސް ކޮންވީނަރ ޑރ. ރަވީ ކުމާރު، މެލޭޝިޔާގެ ބައިނަރީ ޔުނިވަރސިޓީގެ ޕްރޮފެސަރ އާސިފް މަޙްބޫބް ކަރީމް އަދި ނޯވޭގެ ނޯޑް ޔުނިވަރސިޓީގެ ޕްރޮފެސަރ ޕީޓަރ ގްރޭވެސް ވަނީ މައުޟޫޢާ ގުޅޭގޮތުން ވާހަކަފުޅު ދައްކަވާފައެވެ. އަދި މި ޖަލްސާގެ ތެރެއިން "އެލް.އެސް.އެމް.އީ ރިސާޗް ބުކް 2026" ނެރެދެއްވީ އެ މުއައްސަސާގެ ޕްރިންސިޕަލް ޑރ. ސަރިތާ ޕަރްހީއެވެ.

ޑރ. ޝެހެނާޒްގެ ވާހަކަފުޅު ނިންމަވާލެއްވީ، މި ކޮންފަރެންސް އިންތިޒާމުކުރި އެންމެހައި ފަރާތްތަކަށް، ޚާއްޞަކޮށް ޗީފް ރިސާޗް އެންޑް އިނޮވޭޝަންސް އޮފިސަރ އަލްފާޟިލް ޙަސަން ޝިފާއުއަށް ޝުކުރު އަދާކުރައްވަމުންނެވެ. އަދި ޢިލްމީ ދިރާސާތަކާއި އައު އީޖާދުތަކަކީ އެންމެންނަށްވެސް ފަސޭހަކަމާއެކު ވާސިލުވެވޭނެ، މާނަވީ ވަސީލަތްތަކަކަށް ހެދުމަށްޓަކައި ބައިނަލްއަޤުވާމީ ފެންވަރުގައި އެންމެން ގުޅިގެން މަސައްކަތްކުރުމަށް އެކަމަނާ ވަނީ އިލްތިމާސްކުރައްވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އެމްއެންޔޫ އާއި ޕާކިސްތާން ހައިކޮމިޝަން ގުޅިގެން ހާއްސަ ބަހުސް މުބާރާތެއް ބާއްވައިފި
19 Nov 2026 ހަބަރު

އެމްއެންޔޫ އާއި ޕާކިސްތާން ހައިކޮމިޝަން ގުޅިގެން ހާއްސަ ބަހުސް މުބާރާތެއް ބާއްވައިފި

މިމަހުގެ 18 ވަނަ ދުވަހު ބޭއްވި މި ރަސްމިއްޔާތުގައި ޔުނިވަރސިޓީގެ ދަރިވަރުންނާއި، އިލްމީ ދާއިރާގެ ބޭފުޅުންނާއި، ޑިޕްލޮމެޓުންގެ އިތުރުން ރާއްޖޭގައި ދިރިއުޅޭ ޕާކިސްތާނުގެ ރައްޔިތުންނާއި ދައުވަތު އެރުވުނު ގިނަ އަދަދެއްގެ މެހެމާނުން ބައިވެރިވިއެވެ.